കോം​ഗോ-​റു​വാ​ണ്ട സം​ഘ​ർ​ഷം; മ​ധ്യ​സ്ഥ​ത​യു​മാ​യി ഖ​ത്ത​ർ

ദോ​ഹ: കി​ഴ​ക്ക​ൻ കോം​ഗോ​യി​ലെ ര​ക്ത​രൂ​ഷി​ത സാ​യു​ധ മു​ന്നേ​റ്റ​ത്തി​ന് അ​ന്ത്യം കു​റി​ക്കാ​ൻ മ​ധ്യ​സ്ഥ ദൗ​ത്യ​വു​മാ​യി ഖ​ത്ത​ർ.

ഈ ​വ​ർ​ഷം ആ​ദ്യ​ത്തി​ൽ തു​ട​ങ്ങി പ​തി​നാ​യി​ര​ത്തോ​ളം പേ​രു​ടെ മ​ര​ണ​ത്തി​നും ഏ​ഴ് ല​ക്ഷം പേ​രെ അ​ഭ​യാ​ർ​ഥി​ക​ളു​മാ​ക്കി ന​ട​ക്കു​ന്ന എം.23 ​സാ​യു​ധ സേ​ന​യു​ടെ ആ​ക്ര​മ​ണ​ങ്ങ​ൾ അ​വ​സാ​നി​പ്പി​ക്കാ​ൻ ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി​യു​ടെ നേ​തൃ​ത്വ​ത്തി​ൽ ശ്ര​മ​ങ്ങ​ൾ ഊ​ർ​ജി​ത​മാ​ക്കി.

ക​ഴി​ഞ്ഞ ദി​വ​സം ദോ​ഹ​യി​ൽ കോം​ഗോ, റു​വാ​ണ്ട രാ​ജ്യ​ങ്ങ​ളു​ടെ പ്ര​സി​ഡ​ന്റു​മാ​ർ അ​മീ​റി​ന്റെ സാ​ന്നി​ധ്യ​ത്തി​ൽ ച​ർ​ച്ച ന​ട​ത്തി.

റു​വാ​ണ്ട പ്ര​സി​ഡ​ന്റ് പോ​ൾ ക​ഗാ​മെ, കോം​ഗോ പ്ര​സി​ഡ​ന്റ് ഫെ​ലി​ക്സ് ഷി​സ്കെ​ഡി എ​ന്നി​വ​ർ ന​ട​ത്തി​യ ച​ർ​ച്ച​യി​ൽ വെ​ടി​നി​ർ​ത്ത​ലി​ന് ആ​ഹ്വാ​നം ചെ​യ്തു. റു​വാ​ണ്ട പി​ന്തു​ണ​യോ​ടെ​യാ​ണ് എം 23 ​സാ​യു​ധ സേ​ന കി​ഴ​ക്ക​ൻ കോം​ഗോ​യി​ലേ​ക്ക് മു​ന്നേ​റ്റം ന​ട​ത്തു​ന്ന​ത്. വി​വി​ധ രാ​ജ്യ​ങ്ങ​ളു​ടെ മ​ധ്യ​സ്ഥ ഇ​ട​പെ​ട​ലു​ക​ൾ വി​ജ​യ​ത്തി​ലെ​ത്താ​തെ നി​ൽ​ക്കു​ന്ന​തി​നി​ടെ​യാ​ണ് ഖ​ത്ത​ർ നേ​രി​ട്ട് ഇ​ട​പെ​ടു​ന്ന​ത്.

ഖ​ത്ത​റി​ന്റെ ശ്ര​മ​ങ്ങ​ൾ​ക്ക് ഐ​ക്യ​രാ​ഷ്ട്ര​സ​ഭ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗ​ട്ടെ​റ​സ് ന​ന്ദി അ​റി​യി​ച്ചു. ഇ​രു രാ​ഷ്ട്ര നേ​താ​ക്ക​ളെ​യും നേ​രി​ട്ട് പ​​ങ്കെ​ടു​പ്പി​ച്ച് ന​ട​ത്തി​യ ച​ർ​ച്ച മേ​ഖ​ല​യി​ൽ വെ​ടി​നി​ർ​ത്ത​ലും സാ​മാ​ധാ​ന​വും സാ​ധ്യ​മാ​ക്കാ​ൻ വ​ഴി​വെ​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യി അ​ദ്ദേ​ഹം പ​റ​ഞ്ഞു.