അ​ഹ്‍ലി​യു​ടെ ക​ണ്ണീ​ർ ചു​വ​പ്പും, പ​ചൂ​ക​യു​ടെ മെ​ക്സി​ക്ക​ൻ അ​പാ​ര​ത​യും

ദോ​ഹ: ​ശ​നി​യാ​ഴ്ച രാ​ത്രി കി​ക്കോ​ഫ് വി​സി​ൽ മു​ഴ​ങ്ങും മു​മ്പേ 974 സ്റ്റേ​ഡി​യ​ത്തി​ൽ ആ​ര​വ​ങ്ങ​ൾ ആ​കാ​ശ​ത്തോ​ളം ഉ​യ​രെ എ​ത്തി​യി​രു​ന്നു. ബാ​ൻ​ഡ് മേ​ള​വും ടീം ​ചാ​ന്റും മു​ത​ൽ താ​ള​ത്തി​ൽ കൈ​യ​ടി​യും വി​സി​ൽ മു​ഴ​ക്ക​വു​മാ​യി നി​റ​ഞ്ഞ ഗാ​ല​റി ചെ​ങ്ക​ട​ലാ​യി മാ​റി. ​ഹോം ​ഗ്രൗ​ണ്ടി​ലെ​ന്ന പോ​ലെ​യാ​യി​രു​ന്നു ആ​ഫ്രി​ക്ക​ൻ ജേ​താ​ക്ക​ളാ​യ ഈ​ജി​പ്ഷ്യ​ൻ ക്ല​ബ് അ​ൽ അ​ഹ്‍ലി ഫി​ഫ ഇ​ന്റ​ർ​കോ​ണ്ടി​നെ​ന്റ​ൽ മ​ത്സ​ര​ത്തി​ലെ നി​ർ​ണാ​യ​ക അ​ങ്ക​ത്തി​നി​റ​ങ്ങി​യ​ത്.

പ​ന്തി​ലെ ​ഓ​രോ നീ​ക്ക​ത്തി​നും ഗാ​ല​റി​യു​ടെ അ​ക​മ​ഴി​ഞ്ഞ പി​ന്തു​ണ​യാ​യ​പ്പോ​ൾ, കൈ​റോ​യി​ലെ സ്വ​ന്തം​വേ​ദി​യി​ലെ​ന്ന പോ​ലെ​യാ​യി അ​വ​രു​ടെ മ​ത്സ​രം. എ​ന്നാ​ൽ, മ​റു​പാ​തി​യി​ൽ പ​ന്തു​ത​ട്ടി​യ മെ​ക്സി​ക്ക​ൻ ക്ല​ബ് പ​ചൂ​ക​ക്ക് എ​തി​രാ​ളി​ക​ൾ 12ആ​യി​രു​ന്നു. ക​ള​ത്തി​ലെ പ​തി​നൊ​ന്നു​പേ​രും, ഗാ​ല​റി മു​ഴു​വ​ൻ ത​ങ്ങ​ളു​​ടേ​താ​ക്കി​യ ആ​രാ​ധ​ക​രും. എ​വേ മാ​ച്ച് പോ​​ലെ​യാ​യി മാ​റി​യ മ​ത്സ​ര​ത്തി​ൽ ഗോ​ൾ വ​ഴ​ങ്ങാ​തി​രി​ക്കു​ക എ​ന്ന​തു മാ​ത്ര​മാ​യി​രു​ന്നു മെ​ക്സി​ക്ക​ൻ സം​ഘ​ത്തി​ന്റെ ത​ന്ത്രം.

വ​ല​തു വി​ങ്ങി​നെ ച​ടു​ല​മാ​ക്കി പ​ന്തു​മാ​യി അ​ൽ അ​ഹ്‍ലി താ​ര​ങ്ങ​ൾ കു​തി​ച്ച​പ്പോ​ൾ, പ്ര​തി​രോ​ധ​ത്തി​ലേ​ക്ക് വ​ലി​ഞ്ഞും കൗ​ണ്ട​ർ അ​റ്റാ​ക്കി​ന് ശ്ര​മി​ച്ചും പ​ചൂ​ക സ​മ​നി​ല​യി​ൽ പി​ടി​ച്ചു​നി​ന്നു. സ്കോ​ർ ബോ​ർ​ഡി​ലെ ഈ ‘​സ​മ​നി​ല’ ഫു​ൾ​ടൈ​മും എ​ക്സ്ട്രാ​ടൈ​മും പെ​നാ​ൽ​റ്റി ഷൂ​ട്ടൗ​ട്ടും ക​ട​ന്ന് സ​ഡ​ൻ​ഡെ​ത്തി​ന്റെ വി​ധ​നി​ർ​ണ​യ​ത്തി​ൽ മാ​ത്ര​മാ​ണ് തീ​ർ​പ്പാ​യ​ത്. ഗോ​ൾ​ര​ഹി​ത​മാ​യി പി​രി​ഞ്ഞ ക​ളി ഷൂ​ട്ടൗ​ട്ടി​ൽ 3-3ലെ​ത്തി. ഒ​ടു​വി​ൽ സ​ഡ​ൻ​ഡെ​ത്തി​ൽ മൂ​ന്നാം കി​ക്ക് മാ​ത്ര​മാ​ണ് വി​ധി നി​ർ​ണ​യി​ച്ച​ത്. 6-5ന്റെ ​ജ​യ​വു​മാ​യി മെ​ക്സി​ക്ക​ൻ ക്ല​ബ് പ​ചൂ​ക​ക്ക് ഫി​ഫ ഇ​ന്റ​ർ​കോ​ണ്ടി​നെ​ന്റ​ൽ ക​പ്പി​ന്റെ കാ​ല​ശ​പ്പോ​രാ​ട്ട​ത്തി​ലേ​ക്ക് ടി​ക്ക​റ്റാ​യി. ഡി​സം​ബ​ർ 18ന് ​ലു​സൈ​ൽ സ്റ്റേ​ഡി​യ​ത്തി​ൽ ന​ട​ക്കു​ന്ന കി​രീ​ട​പ്പോ​രാ​ട്ട​ത്തി​ൽ പ​ചൂ​ക​യും റ​യ​ൽ മ​ഡ്രി​ഡും ഏ​റ്റു​മു​ട്ടും.

മി​ക​ച്ച ആ​ക്ര​മ​ണ​ങ്ങ​ൾ പ​ചൂ​ക​യും അ​ൽ അ​ഹ്‍ലി​യും ഇ​രു ഭാ​ഗ​ത്തേ​ക്കും ന​ട​ത്തി​യെ​ങ്കി​ലും ഗോ​ളു​ക​ൾ പി​റ​ന്നി​ല്ല. പ​ചൂ​ക​യു​ടെ മൊ​റോ​ക്കോ താ​രം ഉ​സാ​മ ഇ​ദ്രി​സ, ഏ​ലി​യാ​സ് മോ​ണ്ടി​യ​ൽ തു​ട​ങ്ങി​യ​വ​രുടെ ആ​ക്ര​മ​ണ​ങ്ങ​ൾ അ​ൽ അ​ഹ്‍ലി ഗോ​ളി മു​ഹ​മ്മ​ദ് അ​ൽ ഷ​നാ​വി​ ര​ക്ഷപ്പെടുത്തു​ക​യാ​യി​രു​ന്നു. അ​ൽ അ​ഹ്‍ലി​ക്കു വേ​ണ്ടി വാ​സിം അ​ബു അ​ലി, ഹു​സൈ​ന ഷ​ഹാ​ദ്, ഇ​മാം അ​ഷൂ​ർ എ​ന്നി​വ​രും ന​ന്നാ​യി ക​ളി​ച്ചു.

ഒ​ടു​വി​ൽ ഷൂ​ട്ടൗ​ട്ടി​ൽ അ​ൽ അ​ഹ്‍ലി​ക്കാ​യി​രു​ന്നു ആ​ദ്യ മു​ൻ​തൂ​ക്കം. പ​ചൂ​ക​യു​ടെ ആ​ദ്യ ര​ണ്ട്​ കി​ക്കു​ക​ൾ പാ​ഴാ​വു​ക​യും അ​ൽ അ​ഹ്​​ലി​ ല​ക്ഷ്യ​ത്തി​ലെ​ത്തിക്കുക​യും ചെ​യ്​​ത​തോ​ടെ ഗാ​ല​റി​ ഇളകി മറിഞ്ഞു. എ​ന്നാ​ൽ, പി​ന്നീ​ട്​ ക​ളി​മാ​റു​ക​യാ​യി​രു​ന്നു. ല​ക്ഷ്യം പി​ഴ​ക്കാ​തെ സ്​​കോ​ർ ചെ​യ്യു​ക​യും അ​ൽ അ​ഹ്​​ലി​ക്ക്​ പി​ഴ​ക്കു​ക​യും ചെ​യ്യു​ന്നു.

ഇ​തോ​ടെ​യാ​ണ്​ വി​ധി​യെ​ഴു​ത്ത്​ സ​ഡ​ൻ ഡെ​ത്തി​ലേ​ക്ക്​ നീ​ങ്ങി​യ​ത്. അ​വി​ടെ ആ​ദ്യ ര​ണ്ട് കി​ക്കു​ക​ൾ ഇ​രു​വ​രും ഒ​പ്പ​ത്തി​നൊ​പ്പ​മാ​യ​പ്പോ​ൾ മൂ​ന്നാം അ​വ​സ​രം വി​ധി​യെ​ഴു​തി.