ഐപാക് സ്പോർട്സ് ഫിയസ്റ്റ’യുടെ ബാഡ്മിന്റൺ മത്സരങ്ങളിലെ വിജയികൾ സംഘാടകർക്കൊപ്പം
ദോഹ: ഇന്ത്യൻ ഫാർമസിസ്റ്റ് അസോസിയേഷൻ ഖത്തർ കമ്മിറ്റി ‘ഐപാക് സ്പോർട്സ് ഫിയസ്റ്റ’യുടെ ഭാഗമായി സംഘടിപ്പിച്ച ബാഡ്മിന്റൺ ടൂർണമെന്റിൽ സത്താർ, അഖിൽ സുരേന്ദ്രൻ സഖ്യം ചാമ്പ്യന്മാരായി. നാല് ഗ്രൂപ്പുകളിൽനിന്നും തിരഞ്ഞെടുക്കപ്പെട്ട 16 ടീമുകളെ ഉൾപ്പെടുത്തിക്കൊണ്ട് ഷർബോൺ ബാഡ്മിന്റൺ കോർട്ടിൽ നടന്ന ടൂർണമെന്റ് ഐ.സി.ബി.എഫ് അഡ്വൈസറി ബോർഡ് ചെയർമാൻ എസ്.എ.എം ബഷീർ ഉദ്ഘാടനം ചെയ്തു.
ഫൈനലിൽ സത്താർ - അഖിൽ സുരേന്ദ്രൻ ടീം ഷാനവാസ് ബെദിര-ഷാനവാസ് കോഴിക്കൽ സഖ്യത്തെയാണ് തോൽപിച്ചത്. ഷഖീൽ-ജമാൽ സഖ്യം മൂന്നാം സ്ഥാനം നേടി. വനിത വിഭാഗം സിംഗ്ൾസിൽ ഖൈറുന്നിസ ജേതാവായി. മുബഷിറ മജീദ് റണ്ണറപ്പായി. മൂന്നാം സ്ഥാനം അൻസിഫ അസൈനാർ നേടി.
ജംഷാദ്, ഷജീർ, അഷ്റഫ് എന്നിവർ വിജയികൾക്കുള്ള ട്രോഫികൾ നൽകി. ജാഫർ , ഷാനവാസ് പുന്നോളി, ഹനീഫ് പേരാൽ , അബ്ദുൽ റഹിമാൻ എരിയാൽ , ഷജീർ, ഷാനവാസ് കോഴിക്കൽ, അമീറലി എന്നിവർ മത്സരങ്ങൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.