മാരത്തൺ ആവേശം

ദോഹ: കോവിഡ്​ തളച്ചിട്ട കാലത്തിൽനിന്ന്​ പുതുലോകത്തിലേക്ക്​ ഖത്തറി​െൻറ ടേക്ക്​ ഓഫായി 'ഗൾഫ്​ മാധ്യമം ഖത്തർ റൺ'. വെള്ളിയാഴ്​ച രാവിലെ ആസ്​പയർ പാർക്കിൽ നടന്ന 'ഖത്തർ റൺ 2021' മാരത്തൺ പോരാട്ടം മത്സരാർഥികളുടെ പങ്കാളിത്തം കൊണ്ടും പുലർകാലത്തെ ചൂടിലും തളരാത്ത പോരാട്ട വീര്യംകൊണ്ടും​ ശ്രദ്ധേമായി. 45 രാജ്യങ്ങളിൽനിന്നുള്ള 440ഓളം അത്​ലറ്റുകളാണ് വിവിധ പ്രായ, ദൂര വിഭാഗങ്ങളിലായി​ പുരുഷ-വനിതകൾക്കായി നടത്തിയ മത്സരത്തി​െൻറ ട്രാക്കിലിറങ്ങിയത്​.

ദേശഭാഷാ ലിംഗ വ്യത്യാസമില്ലാതെ എല്ലാവരും ഒരു ട്രാക്കിൽ കുതിച്ചപ്പോൾ രണ്ടാമത്​ ഖത്തർ റൺ പുതുചരിത്രമെഴുതി. കോവിഡ്​ കാലത്തിൽനിന്നും ലോകത്തി​െൻറ തിരിച്ചുവരവി​െൻറ വിളംബരം കൂടിയായിരുന്നു ഈ ചാമ്പ്യൻഷിപ്​. എല്ലാം അടച്ചിട്ട്​, വിനോദങ്ങളും കായിക മത്സരങ്ങളൊന്നുമില്ലാത്ത ഒന്നര വർഷത്തെ നീണ്ട ഇടവേളക്കുശേഷം ഏറ്റവും വലിയ ജനപങ്കാളിത്തമുള്ള ചാമ്പ്യൻഷിപ്പായി 'ഗൾഫ്​ മാധ്യമം ഖത്തർ റൺ'.

രാവിലെ 6.30ന്​ ആരംഭിച്ച മത്സരങ്ങൾക്ക്​ അരമണിക്കൂർ മുമ്പ്​ തന്നെ ആസ്​​പയർ സോണിലെ സ്​റ്റാർട്ടിങ്​ പോയൻറ്​ ജനനിബിഢമായി. വിശാലമായ പാർക്കിലെ മൈതാനത്ത്​ കോവിഡ്​ പ്രോ​ട്ടോകോൾ പാലിച്ചുകൊണ്ടായിരുന്നു ഒത്തുചേരൽ.

കൃത്യം 6.30ന്​ തന്നെ ആദ്യ മത്സരത്തിന്​ വിസിൽ മുഴങ്ങി. ഏറ്റവും വലിയ ദൂരമായ 10 കി.മീ ​ഓട്ടത്തിലേക്കായിരുന്നു തുടക്കം. 16 മുതൽ 40 വയസ്സുവരെയുള്ളവർ മത്സരിച്ച ഓപൺ വിഭാഗത്തിൽ സ്​ത്രീകളുടെയും പുരുഷന്മാരുടെയും സജീവപങ്കാളിത്തം ശ്രദ്ധേയമായി.

പ്രായം വെറുമൊരു നമ്പർ

40ന്​ മുകളിൽ പ്രായമുള്ളവർ മാറ്റുരച്ച മാസ്​റ്റേഴ്​സിൽ പ്രായത്തെ വെല്ലുന്ന കായിക ആവേശത്തോടെയാണ്​ മത്സരാർഥികൾ അണിനിരന്നത്​. ഈ വിഭാഗത്തിൽ കെനിയക്കാരൻ ക്രിസ്​ മുസുങ്കു എന്ന 48കാരൻ അനായാസം കുതിച്ചു. കഴിഞ്ഞ സീസൺ ഖത്തർ റണ്ണിലും പ​െങ്കടുത്ത ക്രിസ്​ ഇക്കുറി ഒന്നാം സ്​ഥാനത്തിലെത്താൻ കഴിഞ്ഞതി​െൻറ സന്തോഷത്തിലായിരുന്നു. രണ്ടാം സ്​ഥാനത്ത്​ ഫിനിഷ്​ ചെയ്​തത്​ സിറിയയിൽനിന്നുള്ള 58കാരനായ മെർസൽ അൽസ്​ഗയർ. പ്രായത്തെ വെല്ലുന്ന മത്സര വീര്യത്തോടെയായിരുന്നു ഇദ്ദേഹത്തി​െൻറ ഫിനിഷിങ്​. 10 കി.മീ ഓടിയെത്തിയിട്ടും മറ്റൊരു മാരത്തണിനും കൂടിയുള്ള ഊർജത്തോടെയായിരുന്നു ഇരുവരുടെയും ഫിനിഷിങ്​. മൂന്നാം സ്​ഥാനത്തെത്തിയ ജോർദ​െൻറ 45കാരൻ മുഹമ്മദ്​ കാമിലും ഉജ്ജ്വലമായ റണ്ണപ്പ്​ പൂർത്തിയാക്കി.

വനിത മാസ്​റ്റേഴ്​സിൽ സ്വീഡ​െൻറ 41കാരി സാറാ താലിയയും 48കാരി അമേരിക്കയുടെ എറിൻ കെല്ലിയും 54കാരി സ്വീഡ​െൻറ ഷാർലറ്റ്​ ഷെർനിങ്ങും നിത്യാഭ്യാസി ആനയെ എടുക്കും എന്ന പോലെയായിരുന്നു മത്സര ശേഷവും. ദിനേനയുള്ള വ്യായാമവും ​ഖത്തറിലെയും വിദേശ രാജ്യങ്ങളിലെയും വിവിധ ദീർഘദൂര ഓട്ടമത്സരങ്ങളിലെ പങ്കാളിത്തവുമെല്ലാമാണ്​ തങ്ങളുടെ ഫിറ്റ്​നസ്​ രഹസ്യമെന്ന്​ ഷാർലറ്റ്​ ​ഷെർനിങ്​ പറയുന്നു.

ആവേ​ശപൂർവം മധ്യദൂരം

വേഗവും വാശിയേറിയ മത്സരവും കൊണ്ട്​ ശ്രദ്ധേയമായിരുന്നു കൂടുതൽ പേർ അണിനിരന്ന അഞ്ച്​, മൂന്ന്​ കിലോമീറ്റർ പോരാട്ടങ്ങൾ. പരിചയ സമ്പന്നരായ പ്രഫഷനൽ അത്​ലറ്റുകൾ മുതൽ, സ്​ത്രീകളും കുട്ടികളും ഉൾപ്പെടെ കുടുംബ സമേതവും മത്സരങ്ങളിൽ പങ്കാളികളായി. വിജയിക്കുക എന്നതി​നേക്കാൾ പ​ങ്കെടുക്കുക എന്ന സന്ദേശം നൽകിയ പോരാട്ടങ്ങൾ.

ഹ്രസ്വദൂരത്തിൽ മാസ്​റ്റേഴ്​സിലും ഓപണിലും സജീവ പങ്കാളിത്തമുണ്ടായി. കോവിഡ്​ കാലത്തിനുശേഷം ഖത്തറി​െൻറ ജീവിത താളം ഖത്തർ റണ്ണോടെ വീണ്ടെടുക്കുന്ന സന്തോഷമായിരുന്നു ഏറെപേരും പങ്കുവെച്ചത്​. കോവിഡിനിടയിലും കൃത്യമായ പരിശീലനവുമായാണ്​ ഒരു വിഭാഗം മത്സരത്തിനിറങ്ങിയത്​. ആരോഗ്യകരമായ ശരീരത്തിലൂടെ ആരോഗ്യകരമായ ജീവിതം എന്ന സ​ന്ദേശം മുന്നോട്ടുവെക്കുന്നതായിരുന്നു ഖത്തർ റൺ. മത്സരത്തിൽ പ​ങ്കെടുത്ത്​ ഫിനിഷ്​ ചെയ്​തവരെയെല്ലാം മെഡലുകൾ നൽകിയാണ്​ വരവേറ്റത്​. ഒന്നും രണ്ടും മൂന്നും സ്​ഥാനങ്ങൾ നേടിയവരെ ട്രോഫികളും സമ്മാനങ്ങളും നൽകി അഭിനന്ദിച്ചു. തുടർച്ചയായി രണ്ടാം വർഷവും ഖത്തർ റൺ വിജയകരമായി പൂർത്തിയാക്കിയതിലൂടെ ഖത്തറി​െൻറ കായിക ചരിത്രത്തിലെ കലണ്ടർ ഇവൻറായി മാറുകയാണ്​ ഈ മാരത്തൺ പോരാട്ടം. ഖത്തരി പൗരന്മാരുടെ സാന്നിധ്യമായിരുന്നു ശ്രദ്ധേയം. മുൻ വർഷത്തേക്കാൾ നാലിരട്ടിയിലേറെ പേരാണ്​ ഇക്കുറി ഖത്തർ റണ്ണിൽ പ​ങ്കെടുത്തത്​. 144 ഖത്തരികൾ മത്സരത്തിനായി രജിസ്​റ്റർ ചെയ്​തിരുന്നു.

2021 ഫെബ്രുവരിയിൽ നടക്കേണ്ടിയിരുന്ന ചാമ്പ്യൻഷിപ്പാണ്​ ഇപ്പോൾ നടന്നത്​. ​ കോവിഡ്​ രണ്ടാം തരംഗത്തെ തുടർന്നായിരുന്നു അന്ന്​ മാറ്റിവെച്ചത്​. ഒക്​ടോബർ 22ന്​ നടക്കുന്ന അമീരി കപ്പി​െൻറയും നവംബറിൽ നടക്കുന്ന ഫിഫ അറബ്​ കപ്പി​െൻറയും ആവേശത്തിൽ ആറാടാൻ ഒരുങ്ങുന്ന ഖത്തറിന്​ പുത്തനുണർവാണ്​ ഖത്തർ റൺ.

ഇന്ത്യൻ എംബസി ഡിഫൻസ്​ അറ്റാഷെ ക്യാപ്​റ്റൻ അട്​ല മോഹൻ, ​ഇന്ത്യൻ സ്​പോർട്​സ്​ സെൻറർ പ്രസിഡൻറ്​ ഡോ. മോഹൻ തോമസ്​ എന്നിവർ മുഖ്യാതിഥികളായി. ഗൾഫ്​ മാധ്യമം -മീഡിയവൺ മാനേജിങ്​ കമ്മിറ്റി ചെയർമാൻ റഹീം ഓമശ്ശേരി, നസിം അൽ റബീഹ്​ മെഡിക്കൽ സെൻറർ ജനറൽ മാനേജർ ഡോ. മുനീർ അലി ഇബ്രാഹിം, ന്യൂഇയർ സെൻറർ സി.ഇ.ഒ അലി ഇഷാൻ, ബിസിനസ്​ ഡെവലപ്​മെൻറ്​ മാനേജർ അനിൽ, ​െകയർ ആൻഡ്​​ ക്യുവർ മാനേജിങ്​ ഡയറക്​ടർ ഇ.പി അബ്​ദുറഹ്​മാൻ, ഗ്രാൻഡ്​മാൾ ഹൈപ്പർമാർക്കറ്റ്​ ഫിനാൻസ്​ മാനേജർ ഷരീഫ്​ ബി.സി, ബി.ഡി.എം പാഷ, എച്ച്​.ആർ മേധാവി സിദ്ദീഖ്​, യുഗോ പേ വേ സി.ഇ.ഒ പ്രതീഷ്​ വിജയൻ, നസീം അൽ റബീഹ്​ മെഡിക്കൽ സെൻറർ അസി. മാനേജർ സന്ദീപ്​, ഇഖ്​ബാൽ അബ്​ദുല്ല, ഗൾഫ്​ മാധ്യമം മാനേജിങ്​ കമ്മിറ്റി വൈസ്​ചെയർമാൻ നാസർ ആലുവ, അംഗങ്ങളായ അഡ്വ. മുഹമ്മദ്​ ഇഖ്​ബാൽ, അബ്​ദുല്ല ഗഫൂർ, മുഹമ്മദ്​ ഷാഫി, ഗൾഫ്​മാധ്യമം അഡ്​മിൻ-മാർക്കറ്റിങ്​ മാനേജർ ആർ.വി റഫീഖ്​ എന്നിവർ പ​ങ്കെടുത്തു.

വിവിധ വിഭാഗങ്ങളിലെ മത്സര വിജയികൾ

10 കി.മീ ഓപൺ (പുരുഷവിഭാഗം)

1. അഹമ്മദ്​ എൽഹിസൗഫ്​ (മൊറോകോ), 2. ജോർജ്​ തോംപ്​സൺ (ഫ്രാൻസ്​), 3 ആൻഡ്ര്യൂ ആതർട്ടൻ (ബ്രിട്ടൻ)

10 കി.മീ ഓപൺ (വനിതകൾ)

1. നാൻസി ​സിമിയോണി (ഇറ്റലി), 2. വിഡെഡ്​ മിസൗമി (തുനീഷ്യ), 3. കർമ സാറ സഖിലാൻ (ഫിലിപ്പീൻസ്​)

10 കി.മീ മാസ്​റ്റേഴ്​സ്​ (പുരുഷ വിഭാഗം)

1. ക്രിസ്​ മുസ​ുങു (കെനിയ), 2. മെർസൽ അൽസ്​ഗാഗർ (സിറിയ), 3. മുഹമ്മദ്​ കാമിൽ അലി ​എൽഷിഖിറാത്​ (ജോർദൻ)

10 കി.മീ മാസ്​റ്റേഴ്​സ്​ (വനിതകൾ)

1. സാറാ താലിയ (സ്വീഡൻ), 2. എറിൻ കെല്ലി (അമേരിക്ക), 3. ഷാർലറ്റ്​ ഷെർനിങ്​ (സ്വീഡൻ).

5 കി.മീ ഓപൺ (പുരുഷ വിഭാഗം)

1. മാത്യു കോർപെറ്റ്​ (ഫ്രാൻസ്​), 2. ഹൗസിൻ ലഹ്​ദു (മൊറോകോ), 3. ​സെനിസ്ലാവ്​ തൊകാരിക്​ (പോളണ്ട്​).

5 കി.മീ ഓപൺ (വനിത)

1. നികോളെല്ലറ്റ ഹൊ​േഡാറിയ (റുമാനിയ), 2. ചെൽസി ഹ്യൂസ്​ (ബ്രിട്ടൻ), 3. അമി മക്​മനസ്​ (ബ്രിട്ടൻ).

5 കി.മീ മാസ്​റ്റേഴ്​സ്​ (പുരുഷ വിഭാഗം)

1. മാത്യു വില്യംസ്​ (ഫ്രാൻസ്​​) 2. ഷക്കീർ ചീരായി (ഇന്ത്യ), 3. മൈക്കൽ ഒബ്രിയൻ (ബ്രിട്ടൻ)

5 കി.മീ മാസ്​റ്റേഴ്​സ്​ (വനിതകൾ)

1. എലിസബത്ത്​ ജാഫർ (അമേരിക്ക), 2. അന്ന കരിൻ സെദ്​ബർഗ്​ (ഇറ്റലി), 3. മാർഗരറ്റ്​ എക്​ലസ്​ (ബ്രിട്ടൻ).

3 കി.മീ ഓപൺ (പുരുഷ വിഭാഗം)

1. മുഹമ്മദ്​ അലി മറി (ഖത്തർ), 2. അബ്​ദുൽ റഹ്​മാൻ ഹെയ്​ബ്​സ്​ അൽമർറി (ഖത്തർ), 3. സാവിൽ നെടു​മഞ്ചെവിൽ (ഇന്ത്യ)

3 കി.മീ ഓപൺ (വനിതകൾ)

​1. തെതിയാന പിഡോറിന (ഖത്തർ), 2. എമിലി ഡോബിൻസൺ (ബ്രിട്ടൻ), 3. അബിർ വെൽഹാസി (തുനീഷ്യ).

3 കി.മീ മാസ്​റ്റേഴ്​സ്​ (പുരുഷ വിഭാഗം)

1. ഗിലോം അലിനിയർ (ഫ്രാൻസ്​), 2. സജീർ കലന്തൻ (ഇന്ത്യ), 3. മൈകൽ വെർനർ (ജർമനി)

3 കി.മീ മാസ്​റ്റേഴ്​സ്​ (വനിത വിഭാഗം)

1. ആൻ ഫിർത്​ (അയർലൻഡ്​), 2. റോസിയോ റൊമീറോ (വെനിസ്വേല), 3. അമാൻഡ ഡോബിസൺ (ബ്രിട്ടൻ)

3 കി.മീ സെക്കൻഡറി (ആൺ)

1. അക്ഷിത്​ ശരവണൻ (ഇന്ത്യ) 2. പ്രില്ലനാം അലിനിയർ (ഫ്രാൻസ്​), 3. ഗ്വില്ലനാം അലിനിയർ (​ഫ്രാൻസ്​)

3 കി.മീ സെക്കൻഡർ (പെൺ)

1. റാഷ സജീർ കലന്തൻ (ഇന്ത്യ), 2. സിനിയാദ്​ ഫിർത്​ (അയർലൻഡ്​), 3 അസ്​റ മനാഫ്​ (ഇന്ത്യ)

'മാരത്തൺ മത്സരം ഒരു കായിക ഇനം എന്നതിനൊപ്പം, ആരോഗ്യകരമായ ജീവിത ശൈലി നിലനിർത്ത​ുന്നതിലും സുപ്രധാനമാണ്​. 45 രാജ്യങ്ങളിലെ കായിക താരങ്ങളുടെ പങ്കാളിത്തം അത്​ഭുതാവഹമാണ്​. കോവിഡ്​ കാലത്തിനു ശേഷം നടക്കുന്ന സുപ്രധാന കായിക മത്സരം എന്ന നിലയിൽ വലിയ ജനപങ്കാളിത്തത്തിലും 'ഗൾഫ്​ മാധ്യമത്തിന്​' ഏറ്റവും മനോഹരമായി തന്നെ ​ചാമ്പ്യൻഷിപ്പ്​ സംഘടിപ്പിക്കാൻ കഴിഞ്ഞു. സംഘാടകർക്കും, അത്​ലറ്റുകൾക്കുമെല്ലാം ഇന്ത്യൻ സ്​പോർട്​സ്​ സെൻററി​െൻറ അഭിനന്ദനങ്ങൾ'
-ഡോ. മോഹൻ തോമസ്​ (പ്രസിഡൻറ്​ ഇന്ത്യൻ സ്​പോർട്​സ്​ സെൻറർ)