ദോഹ: ഖത്തറിലെ പ്രവാസികള്‍ക്കായി 'മീഡിയവൺ' ഒരുക്കുന്ന ഓണപ്പൂത്താലം നാലാം സീസൺ സെപ്റ്റംബര്‍ 17നു നടക്കും. സിനിമ പിന്നണി ഗായകന്‍ ഇഷാന്‍ ദേവ് നടത്തുന്ന സംഗീത സന്ധ്യയോടെയാണ് ഈ സീസണിലെ പരിപാടി സംഘടിപ്പിക്കുന്നത്. നാട്ടിലെയും പ്രവാസ ലോകത്തെയും കലാകാരന്മാര്‍ അണിനിരക്കുന്ന ഓണപ്പൂത്താലം ഷോയുടെ നാലാമത് സീസണാണ് കൂടുതല്‍ പൊലിമയോടെ ഇക്കുറി നടക്കുന്നത്. സെപ്റ്റംബർ 17 വെള്ളി ഖത്തര്‍ സമയം വൈകീട്ട് ഏഴ മുതല്‍ 'മീഡിയവണ്‍ ഖത്തര്‍' ഫേസ്ബുക്ക് പേജിലൂടെ തത്സമയം ഷോ കാണാം. മെലഡി കവര്‍ സോങ്ങുകളിലൂടെ ആരാധകരുടെ മനം കവരുന്ന പിന്നണി ഗായകന്‍ ഇഷാന്‍ ദേവ് നടത്തുന്ന സംഗീത സന്ധ്യയാണ് ഇത്തവണത്തെ ഷോയുടെ ഹൈലൈറ്റ്. ഒപ്പം ഖത്തറിലെ പ്രവാസി ഗായകരും ഷോയില്‍ അണിനിരക്കും. പ്രവാസി കലാകാരന്മാര്‍ നടത്തുന്ന വിവിധ നൃത്ത പരിപാടികള്‍, ഫിഗർ ഷോ തുടങ്ങി വ്യത്യസ്ത സാംസ്കാരിക പരിപാടികളും ഓണപ്പൂത്താലം സീസണ്‍ ഫോറിന് മിഴിവേകും.
ആഘോഷത്തിൻെറ ഭാഗമായി നടക്കുന്ന മെഗാ ഓണപ്പൂക്കള മത്സരം വെള്ളിയാഴ്ച രാവിലെ പേള്‍മൊഡേണ്‍ സ്കൂളില്‍വെച്ച് നടക്കും. കോഴിക്കോട് ജില്ല പ്രവാസി അസോസിയേഷനുമായി സഹകരിച്ച് നടത്തുന്ന പൂക്കള മത്സരത്തില്‍ ഖത്തറിലെ വിവിധ അസോസിയേഷനുകളുടെ ഇരുപതോളം ടീമുകൾ അണിനിരക്കും. 17ന് നടക്കുന്ന ഓണപ്പൂത്താലം ഷോയില്‍ പൂക്കള മത്സരത്തിലെ വിജയികളെ പ്രഖ്യാപിക്കും. എമാമി, ടീ ടൈം എന്നിവരാണ് ഓണപ്പൂത്താലം സീസണ്‍ ഫോറിൻെറ മുഖ്യപ്രായോജകര്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.