ദോഹ: നൈസ് ഗ്രൂപ്പിൻെറ അൽ വജ്ബ വാട്ടർ ഫാക്ടറിയുടെ 13ാമത് ബിസിനസ് സംരംഭം ഇന്ത്യൻ അംബാസഡർ ഡോ. ദീപക് മിത്തൽ ഉദ്ഘാടനം ചെയ്തു. ന്യൂ ഇൻഡസ്ട്രിയൽ ഏരിയയിൽ കോവിഡ് മാനദണ്ഡങ്ങളെല്ലാം പാലിച്ചാണ് ചടങ്ങ് നടത്തിയത് 'നൈസ് ടച്ച് വാട്ടർ' എന്ന ബ്രാൻഡിലാണ് പുതിയ കുടിവെള്ളം പുറത്തിറക്കുന്നത്. അഞ്ച് ഗാലൻ ബോട്ടിലിലും 350 മില്ലി ലിറ്ററിൻെറ ചെറിയ ബോട്ടിലിലും വിപണിയിൽ ലഭ്യമാകും. ഏതുതരം ഉപഭോക്താക്കളുെടയും ആവശ്യാനുസരണം വൻതോതിൽ ഉൽപാദനം നടത്താൻ ശേഷിയുള്ളതാണ് അൽവജ്ബ വാട്ടർ കമ്പനി.
ആധുനിക യന്ത്രസാമഗ്രികളോടെ ഉന്നത ഗുണനിലവാരത്തിലുള്ളതാണ് പുതിയ ബ്രാൻഡ് കുടിവെള്ളം. മികച്ച വിതരണശൃംഖലയിലൂടെ രാജ്യത്തിൻെറ ഏത് ഭാഗത്തും വിതരണം നടത്താൻ കഴിയുമെന്നും മാനേജ്മെൻറ് അറിയിച്ചു. 1998ലാണ് നൈസ് ഗ്രൂപ് സ്ഥാപിതമാകുന്നത്. നിലവിൽ 12 കമ്പനികളും നാല് ഫാക്ടറികളും ഗ്രൂപ്പിന് കീഴിലുണ്ട്. നൈസ് ഗ്രൂപ് മാനേജിങ് ഡയറക്ടർ പി.കെ. റഷീദ്, ഗ്രൂപ് ജനറൽ മാനേജർ സി.എ. ജാസിർ, ജനറൽ മാനേജർ റിജിൽ ഇബ്രാഹീം എന്നിവർ പങ്കെടുത്തു. ഗ്രൂപ് ചെയർമാൻ നാസർ മുഹമ്മദ് അൽതമീമി, ഇബ്രാഹീം എന്നിവർ ആശംസകൾ അറിയിച്ചു.ഐ.സി.ബി.എഫ് പ്രസിഡൻറ് പി.എൻ. ബാബുരാജൻ, ഐ.സി.സി പ്രസിഡൻറ് മണികണ്ഠൻ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.