ഇ​സ്രാ​യേ​ൽ ആ​ക്ര​മ​ണ​ത്തി​ൽ മുറിവേറ്റവർക്ക് സാന്ത്വനവുമായി മ​ന്ത്രിയെത്തി

ദോ​ഹ: മ​ന​സ്സി​നും ശ​രീ​ര​ത്തി​നു​മേ​റ്റ മു​റി​വു​ക​ളു​മാ​യി ഖ​ത്ത​റി​ലെ ആ​ശു​പ​ത്രി​ക​ളി​ൽ ചി​കി​ത്സ​യി​ൽ ക​ഴി​യു​ന്ന പ്രി​യ​പ്പെ​ട്ട​വ​രെ സ​ന്ദ​ർ​ശി​ച്ച് ആ​ശ്വാ​സം പ​ക​ർ​ന്ന് ഫ​ല​സ്തീ​ൻ ആ​രോ​ഗ്യ മ​ന്ത്രി ഡോ. ​മാ​യ് അ​ൽ ഖൈ​ല. ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ നി​ർ​ദേ​ശ​ത്തെ തു​ട​ർ​ന്ന് ദോ​ഹ​യി​ലെ​ത്തി​ച്ച് ചി​കി​ത്സ ന​ൽ​കു​ന്ന​വ​രെ​യാ​ണ് മ​ന്ത്രി സ​ന്ദ​ർ​ശി​ച്ച​ത്.

സ്ത്രീ​ക​ളും കു​ട്ടി​ക​ളും മു​തി​ർ​ന്ന​വ​രും ഉ​ൾ​പ്പെ​ടെ 1500ഓ​ളം പേ​രെ ഖ​ത്ത​റി​ലെ​ത്തി​ച്ച് ചി​കി​ത്സ ന​ൽ​കു​മെ​ന്നാ​ണ് അ​മീ​ർ അ​റി​യി​ച്ച​ത്. സി​ദ്‌​റ മെ​ഡി​സി​നി​ൽ ചി​കി​ത്സ​യി​ൽ ക​ഴി​യു​ന്ന കു​ട്ടി​ക​ളു​ടെ ആ​രോ​ഗ്യ സാ​ഹ​ച​ര്യ​ങ്ങ​ളും പ​രി​ക്കു​ക​ളു​ടെ സ്വ​ഭാ​വ​വും ആ​ശു​പ​ത്രി അ​ധി​കൃ​ത​ർ ഫ​ല​സ്തീ​ൻ ആ​രോ​ഗ്യ​മ​ന്ത്രി​യെ ധ​രി​പ്പി​ച്ചു.

കു​ട്ടി​ക​ൾ​ക്കാ​യി ഖ​ത്ത​ർ ന​ൽ​കു​ന്ന ചി​കി​ത്സ പ​ദ്ധ​തി​ക​ൾ, ജീ​വി​ത സൗ​ക​ര്യ​ങ്ങ​ളും സാ​ഹ​ച​ര്യ​ങ്ങ​ളും എ​ന്നി​വ​യെ​ക്കു​റി​ച്ചും ഡോ​ക്ട​ർ​മാ​രും ആ​ശു​പ​​ത്രി അ​ധി​കൃ​ത​രും ആ​രോ​ഗ്യ​മ​ന്ത്രി​ക്കാ​യി വി​ശ​ദീ​ക​രി​ച്ചു. വി​ദ​ഗ്ധ​രും പ​രി​ച​യ​സ​മ്പ​ന്ന​രു​മാ​യ ആ​രോ​ഗ്യ പ്ര​വ​ർ​ത്ത​ക​രും അ​ത്യാ​ധു​നി​ക മെ​ഡി​ക്ക​ൽ ഉ​പ​ക​ര​ണ​ങ്ങ​ളു​മു​ൾ​പ്പെ​ടു​ന്ന മി​ക​ച്ച ആ​ശു​പ​ത്രി​ക​ളി​ൽ പ​രി​ക്കേ​റ്റ​വ​രെ സ്വീ​ക​രി​ക്കാ​നും ചി​കി​ത്സി​ക്കാ​നും ഖ​ത്ത​ർ ന​ട​ത്തു​ന്ന ശ്ര​മ​ങ്ങ​ളെ ഡോ. ​മാ​യ് അ​ൽ ഖൈ​ല പ്ര​ശം​സി​ച്ചു.

ഫ​ല​സ്തീ​ൻ ആ​രോ​ഗ്യ സം​വി​ധാ​നം ഭാ​ഗി​ക​മാ​യി പു​നഃ​സ്ഥാ​പി​ക്കു​ന്ന​തു​മാ​യി ബ​ന്ധ​പ്പെ​ട്ട് ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രി ഡോ. ​ഹ​നാ​ൻ മു​ഹ​മ്മ​ദ് അ​ൽ കു​വാ​രി​യു​മാ​യി ന​ട​ത്തി​യ കൂ​ടി​ക്കാ​ഴ്ച അ​വ​ർ പ​രാ​മ​ർ​ശി​ച്ചു.

അ​ന്താ​രാ​ഷ്ട്ര നി​യ​മ​ങ്ങ​ളും ക​ൺ​വെ​ൻ​ഷ​നു​ക​ളും ചാ​ർ​ട്ട​റു​ക​ളും ലം​ഘി​ച്ചു​ള്ള ഇ​സ്രാ​യേ​ൽ അ​ധി​നി​വേ​ശ​വും അ​തി​ക്ര​മ​ങ്ങ​ളും അ​തേ​ത്തു​ട​ർ​ന്നു​ള്ള നാ​ശ​ന​ഷ്ട​ങ്ങ​ളും വ​ള​രെ വ​ലു​താ​ണെ​ന്നും ഫ​ല​സ്തീ​ൻ ആ​രോ​ഗ്യ മ​ന്ത്രി കൂ​ട്ടി​ച്ചേ​ർ​ത്തു.ആ​ശു​പ​ത്രി​ക്ക് നേ​രെ വ്യോ​മാ​ക്ര​മ​ണ​വും കൂ​ട്ട​ക്കൊ​ല ന​ട​ത്തി​യും ആ​രോ​ഗ്യ പ്ര​വ​ർ​ത്ത​ക​രെ അ​റ​സ്റ്റ് ചെ​യ്തും ആ​രോ​ഗ്യ സം​വി​ധാ​ന​ത്തെ ഇ​ല്ലാ​താ​ക്കി​യും ഗ​സ്സ​യി​ലേ​ക്കു​ള്ള മെ​ഡി​ക്ക​ൽ, അ​വ​ശ്യ വ​സ്തു​ക്ക​ളു​ടെ സ​ഹാ​യ​വി​ത​ര​ണം ത​ട​ഞ്ഞു​മു​ള്ള ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ പ്ര​വ​ർ​ത്ത​ന​ങ്ങ​ളെ അ​വ​ർ ചൂ​ണ്ടി​ക്കാ​ട്ടി.