ദോഹ: യമൻ മന്ത്രിയുടെ ഖത്തർ വിരുദ്ധ പ്രസ്താവനകൾക്കെതിരെ വിദേശകാര്യമന്ത്രാലയം രംഗത്ത്. യമൻ വാർത്താവിനിമയമന്ത്രി മുഹമ്മദ് അൽ എർയാനിയുടെ ഖത്തറിനെതിരായ തുടർച്ചയായുള്ള പ്രസ്താവന െക്കതിരെയാണ് വിദേശകാര്യമന്ത്രാലയം പ്രതികരിച്ചിരിക്കുന്നത്.ഖത്തറിനെതിരായ പ്രസ്താവന അനവസരത്തിലുള്ളതാണെന്നും അടിസ്ഥാനരഹിതമാണെന്നും ഖത്തർ വിദേശകാര്യ മന്ത്രാലയം വ്യക്തമാക്കി.
യമനിലെ സഹോദരന്മാരുടെ ദുരിതമകറ്റാനും അവരുടെ സമാധാനത്തിന് പ്രവർത്തിക്കുന്നതിനുമാണ് ഇപ്പോൾ പരിഗണന നൽകേണ്ടതെന്നും അതിന് പകരം ഖത്തറിനെ കടന്നാക്രമിക്കാനാണ് മന്ത്രി ശ്രമിക്കുന്നതെന്നും മന്ത്രാലയം ചൂണ്ടിക്കാട്ടി. യമനിലെ പ്രതിസന്ധികളിൽ ഖത്തറിന് പങ്കുണ്ടെന്നും ഹൂതികളുമായി ഖത്തറിന് ബന്ധമുണ്ടെന്നും കഴിഞ്ഞദിവസം യമൻ മന്ത്രി മുഹമ്മദ് അൽ എർയാനി പറഞ്ഞിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.