ഹൃ​ദ​യ​പൂ​ർ​വം ഖ​ത്ത​ർ

ദോ​ഹ: ഖ​ത്ത​റി​ന്റെ ആ​രോ​ഗ്യ​പ​രി​ച​ര​ണ മേ​ഖ​ല​യി​ൽ ച​രി​ത്ര​നേ​ട്ട​വു​മാ​യി ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ. രാ​ജ്യ​ത്തെ ആ​ദ്യ ഹൃ​ദ​യം​മാ​റ്റി​വെ​ക്ക​ൽ ശ​സ്ത്ര​ക്രി​യ എ​ച്ച്.​എം.​സി​ക്കു കീ​ഴി​ലെ ഹാ​ർ​ട്ട് ആ​ശു​പ​ത്രി​യി​ൽ വി​ജ​യ​ക​ര​മാ​യി പൂ​ർ​ത്തി​യാ​ക്കി.

നാ​ൽ​പ​ത്തി​ര​ണ്ടു​കാ​ര​നാ​യ ബം​ഗ്ലാ​ദേ​ശ് സ്വ​ദേ​ശി​യെ​യാ​ണ് ഹൃ​ദ​യം മാ​റ്റി​വെ​ച്ചു​കൊ​ണ്ട് ജീ​വി​ത​ത്തി​ലേ​ക്ക് തി​രി​കെ​യെ​ത്തി​ച്ച് എ​ച്ച്.​എം.​സി ഹൃ​ദ്രോ​ഗ ആ​ശു​പ​ത്രി രാ​ജ്യ​ത്തി​ന്റെ ആ​രോ​ഗ്യ രം​ഗ​ത്തെ ശ്ര​ദ്ധേ​യ​മാ​യ നേ​ട്ട​ത്തി​ലേ​ക്ക് വ​ഴി​തു​റ​ന്ന​ത്. ശ​സ്ത്ര​ക്രി​യ പൂ​ർ​ത്തി​യാ​ക്കി​യ രോ​ഗി​യു​ടെ പു​തി​യ ഹൃ​ദ​യം പു​തു​ജീ​വി​ത​ത്തി​ലേ​ക്ക് മി​ടി​ച്ച് തു​ട​ങ്ങി​യ​താ​യി അ​ധി​കൃ​ത​ർ അ​റി​യി​ച്ചു. ഖ​ത്ത​റി​ന്റെ ആ​രോ​ഗ്യ പ​രി​ച​ര​ണ​ത്തി​ലെ ശ്ര​ദ്ധേ​യ ചു​വ​ടു​വെ​പ്പ് എ​ന്ന​തി​നൊ​പ്പം, അ​വ​യ​വ മാ​റ്റ ചി​കി​ത്സ​യി​ലും പ്ര​തീ​ക്ഷ ന​ൽ​കു​ന്ന​താ​ണ് ഈ ​നേ​ട്ടം.

ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രി ​മ​ൻ​സൂ​ർ ബി​ൻ ഇ​ബ്രാ​ഹിം ബി​ൻ സ​അ​ദ് അ​ൽ മ​ഹ്മൂ​ദ്, എ​ച്ച്.​എം.​സി മാ​നേ​ജി​ങ് ഡ​യ​റ​ക്ട​ർ മു​ഹ​മ്മ​ദ് ബി​ൻ ഖ​ലീ​ഫ അ​ൽ സു​വൈ​ദി എ​ന്നി​വ​ർ ആ​ശു​പ​ത്രി​യി​ലെ​ത്തി രോ​ഗി​യെ സ​ന്ദ​ർ​ശി​ക്കു​ക​യും, ചി​കി​ത്സ​ക്ക് നേ​തൃ​ത്വം ന​ൽ​കി​യ മെ​ഡി​ക്ക​ൽ സം​ഘ​ത്തെ അ​ഭി​ന​ന്ദി​ക്കു​ക​യും ചെ​യ്തു.

ഖ​ത്ത​റി​ന്റെ ച​രി​ത്ര​ത്തി​ലെ അ​ഭി​മാ​ന നി​മി​ഷ​മെ​ന്നാ​യി​രു​ന്നു മ​ന്ത്രി മ​ൻ​സൂ​ർ ഇ​ബ്രാ​ഹിം അ​ൽ മ​ഹ്മൂ​ദ് വി​ശേ​ഷ​പ്പി​ച്ച​ത്. അ​വ​യ​വ മാ​റ്റി​വെ​ക്ക​ൽ മേ​ഖ​ല​യി​ൽ ശ്ര​ദ്ധേ​യ​മാ​യ ചു​വ​ടു​വെ​പ്പാ​ണ് വി​ജ​യ​ക​ര​മാ​യ ഹൃ​ദ​യം​മാ​റ്റി​വെ​ക്ക​ൽ ശ​സ്ത്ര​ക്രി​യ​യി​ലൂ​ടെ കൈ​വ​രി​ച്ച​ത്. വി​ദ​ഗ്ധ​രാ​യ ഡോ​ക്ട​ർ​മാ​രു​ടെ​യും അ​ത്യാ​ധു​നി​ക ആ​ശു​പ​ത്രി സം​വി​ധാ​ന​ങ്ങ​ൾ​ക്കും രാ​ഷ്ട്ര നേ​താ​ക്ക​ൾ​ക്കും ന​ന്ദി​യ​ർ​പ്പി​ക്കു​ന്നു.

ആ​രോ​ഗ്യ​മേ​ഖ​ല​യി​ൽ ഖ​ത്ത​റി​ന് മു​ൻ​നി​ര​യി​ൽ​ത​ന്നെ ഇ​ടം ന​ൽ​കു​ന്ന​താ​ണ് ഈ ​നേ​ട്ടം -മ​ന്ത്രി പ​റ​ഞ്ഞു. ഏ​റ്റ​വും ഗു​ണ​നി​ല​വാ​ര​മു​ള്ള ചി​കി​ത്സ ഉ​റ​പ്പാ​ക്കാ​ൻ ക​ഴി​യു​ന്ന​തോ​ടൊ​പ്പം രാ​ജ്യ​ത്തി​ന്റെ അ​വ​യ​വ​മാ​റ്റ ശ​സ്ത്ര​ക്രി​യ പ​ദ്ധ​തി​ക​ൾ​ക്ക് ക​രു​ത്ത് പ​ക​രാ​നും, ഡോ​ക്ട​ർ​മാ​ർ, ന​ഴ്സു​മാ​ർ, സ​പ്പോ​ർ​ട്ട് സ്റ്റാ​ഫ് ഉ​ൾ​പ്പെ​ടെ മെ​ഡി​ക്ക​ൽ സം​ഘ​ത്തി​ന് മി​ക​വ് വ​ർ​ധി​പ്പി​ക്കാ​നും അ​വ​സ​ര​മൊ​രു​ക്കു​ന്നു.

കാ​ർ​ഡി​യാ​ക് സ​ർ​ജ​ൻ, ഹൃ​ദ്രോ​ഗ​വി​ദ​ഗ്ധ​ൻ, അ​ന​സ്തേ​ഷ്യ, ഐ.​സി.​യു ടീം, ​കാ​ർ​ഡി​യാ​ക് സ്‍പെ​ഷ​ൽ ന​ഴ്സു​മാ​ർ, നെ​ഫ്രോ​ള​ജി, പ​തോ​ള​ജി, റി​ഹാ​ബി​ലി​​റ്റേ​ഷ​ൻ, സൈ​ക്യാ​ട്രി ഉ​ൾ​പ്പെ​ടെ വി​വി​ധ ​വി​ഭാ​ഗ​ങ്ങ​ളി​ലെ വി​ദ​ഗ്ധ​ർ അ​ട​ങ്ങി​യ സം​ഘ​മാ​ണ് ശ​സ്ത്ര​ക്രി​യ വി​ജ​യ​ക​ര​മാ​യി പൂ​ർ​ത്തി​യാ​ക്കാ​ൻ പ്ര​യ​ത്നി​ച്ച​ത്. ​രോ​ഗി​യു​ടെ ചി​കി​ത്സാ വേ​ള​യി​ലും ശ​സ്ത്ര​ക്രി​യ സ​മ​യ​ത്തും, ശേ​ഷ​വും സൂ​ക്ഷ്മ നി​രീ​ക്ഷ​ണ​വും പ​രി​ച​ര​ണ​വു​മാ​യി മെ​ഡി​ക്ക​ൽ സം​ഘം പ്ര​വ​ർ​ത്തി​ച്ചു.

അ​വ​യ​വം മാ​റ്റി​വെ​ക്കാ​നു​ള്ള രോ​ഗി​യെ തെ​ര​ഞ്ഞെ​ടു​ക്കു​ന്ന​ത് മു​ത​ൽ ശ​സ്ത്ര​ക്രി​യ​ക്ക് മു​മ്പും, ശേ​ഷ​വു​മെ​ല്ലാം ഏ​റ്റ​വും മി​ക​ച്ച മെ​ഡി​ക്ക​ൽ ടീ​മി​ന്റെ ജാ​ഗ​രൂ​ക​മാ​യ ഇ​ട​പെ​ട​ലു​ക​ൾ ആ​വ​ശ്യ​മാ​യ സ​ങ്കീ​ർ​ണ ചി​കി​ത്സ കൂ​ടി​യാ​ണ് ഹൃ​ദ​യം മാ​റ്റി​വെ​ക്ക​ൽ ശ​സ്ത്ര​ക്രി​യ.

ലോ​കോ​ത്ത​ര സ്പെ​ഷ​ലി​സ്റ്റ് ആ​രോ​ഗ്യ സേ​വ​ന​ങ്ങ​ൾ ഉ​റ​പ്പാ​ക്കു​ന്ന​തി​ൽ എ​ച്ച്.​എം.​സി പ്ര​തി​ജ്ഞാ​ബ​ദ്ധ​മാ​ണെ​ന്ന് ചീ​ഫ് മെ​ഡി​ക്ക​ൽ ​ഓ​ഫി​സ​ർ ഡോ. ​ഖാ​ലി​ദ് അ​ൽ ജ​ൽ​ഹം പ​റ​ഞ്ഞു. ഖ​ത്ത​റി​ലെ ഹൃ​ദ്രോ​ഗി​ക​ൾ​ക്ക് പ്ര​തീ​ക്ഷ ന​ൽ​കു​ന്ന​താ​ണ് വി​ജ​യ​ക​ര​മാ​യ ഹൃ​ദ​യം​മാ​റ്റി​വെ​ക്ക​ൽ ശ​സ്ത്ര​ക്രി​യ​യെ​ന്നും അ​ദ്ദേ​ഹം പ​റ​ഞ്ഞു.

ച​രി​ത്ര​ദൗ​ത്യ​ത്തി​ന്റെ ഭാ​ഗ​മാ​യി ഡോ. ​റ​ഷീ​ദ് പ​ട്ട​ത്ത്

ദോ​ഹ: ഖ​ത്ത​റി​ന്റെ ച​രി​ത്ര​ത്തി​ലെ ആ​ദ്യ ഹൃ​ദ​യം മാ​റ്റി​വെ​ക്ക​ൽ ശ​സ്ത്ര​ക്രി​യ സം​ഘ​ത്തി​ൽ മ​ല​യാ​ളി സാ​ന്നി​ധ്യ​മാ​യി ഡോ. ​അ​ബ്ദു​ൽ റ​ഷീ​ദ് പ​ട്ട​ത്തും. ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ ​ഹാ​ർ​ട്ട് ആ​ശു​പ​ത്രി കാ​ർ​ഡി​യോ തൊ​റാ​സി​ക് അ​ന​സ്തേ​ഷ്യ മു​ൻ മേ​ധാ​വി​യും ക​ൺ​സ​ൾ​ട്ട​ന്റു​മാ​യ ഡോ. ​റ​ഷീ​ദ് പ​ട്ട​ത്തി​ന്റെ നേ​തൃ​ത്വ​ത്തി​ലാ​യി​രു​ന്നു ഹൃ​ദ​യം​മാ​റ്റി​വെ​ക്ക​ൽ ശ​സ്ത്ര​ക്രി​യ​യു​ടെ അ​ന​സ്തേ​ഷ്യ ആ​ൻ​ഡ് ​ഐ.​സി.​യു ടീം ​പ്ര​വ​ർ​ത്തി​ച്ച​ത്.

സി.​ടി.​ഐ.​സി.​യു മേ​ധാ​വി ഡോ. ​യാ​സ​ർ ഷൗ​മാ​ൻ, ഡോ. ​അ​മ​ർ സ​ലാ​സ് അ​ൽ​സി​ദ് എ​ന്നി​വ​രും ടീ​മി​ന്റെ ഭാ​ഗ​മാ​യി. ഹാ​ർ​ട്ട് ആ​ശു​പ​ത്രി ക​ൺ​സ​ൾ​ട്ട​ന്റ് കാ​ർ​ഡി​യാ​ക് ​സ​ർ​ജ​ൻ ഡോ. ​അ​ലി കി​ൻ​ദാ​വി ആ​ണ് ഹ​മ​ദി​ന്റെ ച​രി​ത്ര​ത്തി​ലെ ആ​ദ്യ ഹൃ​ദ​യം​മാ​റ്റി​വെ​ക്ക​ൽ ശ​സ്ത്ര​ക്രി​യ​ക്ക് നേ​തൃ​ത്വം ന​ൽ​കി​യ​ത്. ഡോ. ​ശ​ങ്ക​ർ ബാ​ല​സു​ബ്ര​ഹ്മ​ണ്യ​ൻ, ഡോ. ​ല​ത്തീ​ഫ് വാ​നി എ​ന്നി​വ​രും ഭാ​ഗ​മാ​യി.

ശ​സ്ത്ര​ക്രി​യ വി​ജ​യ​ക​ര​മാ​യി പൂ​ർ​ത്തി​യാ​ക്കു​ക​യും, 12 മ​ണി​ക്കൂ​റി​നു​ള്ളി​ൽ രോ​ഗി സാ​ധാ​ര​ണ​നി​ല​യി​ലേ​ക്ക് എ​ത്തി​ത്തു​ട​ങ്ങി​യ​താ​യും ഡോ. ​റ​ഷീ​ദ് പ​ട്ട​ത്ത് ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. തു​ട​ർ​ന്നു​ള്ള ദി​വ​സ​ങ്ങ​ളി​ൽ നി​രീ​ക്ഷ​ണ​ങ്ങ​ളി​ൽ ക​ഴി​ഞ്ഞ രോ​ഗി പൂ​ർ​ണ​ആ​രോ​ഗ്യം വീ​ണ്ടെ​ടു​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. പൂ​ർ​ണ​മാ​യും ഹ​മ​ദി​നു കീ​ഴി​ലെ ഡോ​ക്ട​ർ-​മെ​ഡി​ക്ക​ൽ ടീ​മാ​ണ് ശ​സ്ത്ര​ക്രി​യ നി​ർ​വ​ഹി​ച്ച​തെ​ന്ന​തും ​ച​രി​ത്ര​നേ​ട്ട​മാ​ണ്.

ഓ​പ​റേ​ഷ​ൻ തി​യ​റ്റ​റി​ൽ​ രോ​ഗി​യു​ടെ അ​ന​സ്ത​റ്റി​ക് മാ​നേ​ജ്മെ​ന്റ് ​ഡോ. ​റ​ഷീ​ദും ഡോ. ​യാ​സ​ർ ഷൗ​​മാ​നും ചേ​ർ​ന്നാ​ണ് കൈ​കാ​ര്യം ചെ​യ്ത​ത്. കാ​ർ​ഡി​യാ​ക് ഐ.​സി.​യു​വി​ൽ റ​ഷീ​ദ് ഉ​ൾ​പ്പെ​ടെ മൂ​ന്നു​പേ​രും രോ​ഗി​യു​ടെ ചു​മ​ത​ല വ​ഹി​ച്ചു. തൃ​ശൂ​ർ മെ​ഡി​ക്ക​ൽ കോ​ള​ജ്, മൈ​സൂ​ർ ഗ​വ. മെ​ഡി​ക്ക​ൽ കോ​ള​ജ് എ​ന്നി​വി​ട​ങ്ങ​ളി​ൽ​നി​ന്നും പ​ഠ​നം പൂ​ർ​ത്തി​യാ​ക്കി​യ ഡോ. ​റ​ഷീ​ദ് 2003ൽ ​ആ​ണ് ഹ​മ​ദ്മെ​ഡി​ക്ക​ൽ കോ​ർ​പ​റേ​ഷ​ന്റെ ഭാ​ഗ​മാ​വു​ന്ന​ത്.

2012 മു​ത​ൽ 2020 വ​രെ എ​ച്ച്.​എം.​സി കാ​ർ​ഡി​യോ​തൊ​റാ​സി​ക് അ​ന​സ്തേ​ഷ്യ ആ​ൻ​ഡ് സി.​ടി ഐ.​സി.​യു മേ​ധാ​വി​യാ​യി​രു​ന്നു. കാ​ർ​ഡി​യാ​ക് അ​ന​സ്ത​റ്റി​ക്-​സ​ർ​ജി​ക്ക​ൽ ഐ.​സി.​യു മാ​നേ​ജ്മെ​ന്റ് സം​വി​ധാ​നം എ​ച്ച്.​എം.​സി​യി​ൽ ന​ട​പ്പാ​ക്കി​യ​തും ഇ​ദ്ദേ​ഹ​ത്തി​ന്റെ നേ​തൃ​ത്വ​ത്തി​ലാ​യി​രു​ന്നു. നേ​ര​ത്തേ കൊ​ച്ചി അ​മൃ​ത ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സി​ൽ അ​സി. പ്ര​ഫ​സ​റാ​യി ജോ​ലി ചെ​യ്യ​വേ​യാ​ണ് ഖ​ത്ത​റി​ലെ​ത്തു​ന്ന​ത്.

ഖ​ത്ത​റി​ലെ സ്വ​ദേ​ശി​ക​ൾ​ക്കും പ്ര​വാ​സി സ​മൂ​ഹ​ത്തി​നു​മി​ട​യി​ൽ അ​റി​യ​പ്പെ​ടു​ന്ന ഹൃ​ദ്രോ​ഗ വി​ദ​ഗ്ധ​ൻ എ​ന്ന​തി​നൊ​പ്പം ക​ലാ​സാം​സ്കാ​രി​ക വേ​ദി​ക​ളി​ലും ശ്ര​ദ്ധേ​യ സാ​ന്നി​ധ്യ​മാ​ണ് ഡോ. ​റ​ഷീ​ദ് പ​ട്ട​ത്ത്. തൃ​ശൂ​ർ ഒ​രു​മ​ന​യൂ​ർ സ്വ​ദേ​ശി​യാ​യ ഇ​ദ്ദേ​ഹം കൊ​ച്ചി​യി​ലാ​ണ് താ​മ​സം.