ഭൂട്ടാനെ തോൽപിച്ച യു.എ.ഇ ടീം അംഗങ്ങളുടെ ആഹ്ലാദം
ദോഹ: ടി20 ലോകകപ്പ് ക്രിക്കറ്റിലെ ഏഷ്യൻ യോഗ്യത റൗണ്ടിലെ ആദ്യ മത്സരത്തിൽ ആതിഥേയരായ ഖത്തറിന് ജയം. ഏഷ്യൻ ടൗൺ ക്രിക്കറ്റ് സ്റ്റേഡിയത്തിൽ ചൊവ്വാഴ്ച രാവിലെ നടന്ന മത്സരത്തിൽ തായ്‍ലൻഡിനെ അഞ്ചു വിക്കറ്റിനാണ് തോൽപിച്ചത്. ആദ്യം ബാറ്റുചെയ്ത തായ്‍ലൻഡ് ഏഴു വിക്കറ്റ് നഷ്ടത്തിൽ 122 റൺസെടുത്തപ്പോൾ മറുപടി ബാറ്റിങ്ങിനിറങ്ങിയ ഖത്തർ 17.2 ഓവറിൽ അഞ്ചു വിക്കറ്റ് നഷ്ടത്തിൽ ലക്ഷ്യം കണ്ടു. 50 റൺസുമായി മുഹമ്മദ് അഹ്നാഫും 48 റൺസുമായി മുഹമ്മദ് തൻവീറും ഖത്തറിന്റെ വിജയ ശിൽപികളായി.
ചൊവ്വാഴ്ചത്തെ മറ്റു മത്സരങ്ങളിൽ ബഹ്റൈനും യു.എ.ഇയും വിജയിച്ചു. ബഹ്റൈൻ സൗദി അറേബ്യയെ മൂന്നു റൺസിനും യു.എ.ഇ ഭൂട്ടാനെ 63 റൺസിനുമാണ് തോൽപിച്ചത്. ബുധനാഴ്ച കംബോഡിയ -തായ്‍ലൻഡ് (രാവിലെ ഒമ്പത്), ഭൂട്ടാൻ -ഖത്തർ (രാവിലെ ഒമ്പത്), സൗദി അറേബ്യ - യു.എ.ഇ (ഉച്ച 1.30) മത്സരങ്ങൾ നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.