എയർ കാർഗോ വിഭാഗം പിടികൂടിയ മയക്കുമരുന്ന്
ദോഹ: വ്യോമ, തുറമുഖ കസ്റ്റംസി‍െൻറ മയക്കുമരുന്ന് വേട്ട തുടരുന്നു. വസ്ത്രങ്ങള്‍ക്കിടയില്‍ ഒളിപ്പിച്ചു കടത്താന്‍ ശ്രമിച്ച മയക്കുമരുന്ന് തിങ്കളാഴ്ച ഖത്തർ എയർ കാർഗോ കസ്റ്റംസ് പിടികൂടി. 581 ഗ്രാം മയക്കുമരുന്നാണ് ഷിപ്മെൻറിൽനിന്നും പിടിച്ചെടുത്തത്. ട്വിറ്ററിലൂടെ വിഡിയോ പങ്കുവെച്ചാണ് അധികൃതര്‍ ഇക്കാര്യം അറിയിച്ചത്. കാർട്ടൂണിെൻറ വശങ്ങൾക്കിടയിൽ പ്രത്യേകം ഒട്ടിച്ച നിലയിലായിരുന്നു മയക്കുമരുന്ന് ഒളിപ്പിച്ചത്. ഏതാനും ദിവസം മുമ്പായിരുന്നു മരത്തടി തുരന്ന് ഒളിപ്പിച്ച നിലയിൽ കടത്താൻ ശ്രമിച്ച 81 കിലോ വരുന്ന ഹഷീഷ് പിടികൂടിയത്.
രാജ്യത്തെത്തിക്കുന്ന വിവിധ ഷിപ്‌മെൻറുകള്‍ അത്യാധുനിക സംവിധാനങ്ങള്‍ ഉപയോഗിച്ച് പരിശോധിച്ചശേഷം മാത്രമാണ് വിപണിയിലേക്ക് പ്രവേശിക്കുകയുള്ളൂ എന്ന് കസ്റ്റംസ് അധികൃതര്‍ പറഞ്ഞു. അന്വേഷണത്തിന് നേതൃത്വം നല്‍കിയ ഉദ്യോഗസ്ഥരെ കസ്റ്റംസ് അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.