ദോഹ: ഓണാഘോഷത്തിൻെറ ഭാഗമായി കേരള ടൂറിസം വകുപ്പ് സംഘടിപ്പിക്കുന്ന ലോകത്തിലെ ഏറ്റവും വലിയ പൂക്കള മത്സരത്തിൽ പ്രവാസി മലയാളികൾക്കും പങ്കെടുക്കാം. 'വിശ്വ സാഹോദര്യത്തി‍െൻറ ഓണപ്പൂക്കളം' എന്ന പേരിൽ വെർച്വൽ മത്സരമാണ് നടത്തുന്നത്. കേരളത്തിനകത്തുള്ളവർക്കും പ്രവാസികൾക്കും പ്രത്യേക വിഭാഗങ്ങളായാണ് മത്സരം നടത്തുന്നത്. പ്രായപരിധിയില്ല. ഓരോ വിഭാഗത്തിനും മൂന്നു പേർക്കും കൂടാതെ 40 പ്രോത്സാഹന സമ്മാനങ്ങളും ഉണ്ടായിരിക്കും. ആഗസ്റ്റ് 23 ഇന്ത്യൻ സമയം രാത്രി 12 മണി വരെയാണ് എൻട്രികൾ സ്വീകരിക്കുക. മത്സരത്തിന് ലഭിക്കുന്ന പൂക്കളങ്ങൾ ലോകത്തി‍െൻറ വിവിധ വേദികളിൽ പ്രദർശിപ്പിക്കും. ലോക കേരള സഭയുമായി ചേർന്നാണ് കേരളത്തിന് പുറത്തുള്ളവരുടെ മത്സരങ്ങൾ സംഘടിപ്പിക്കുന്നത്. വിശദ വിവരങ്ങളും രജിസ്ട്രേഷനും https://www.keralatourism.org/contest/pookkalam2021 ലിങ്ക് സന്ദർശിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.