അണ്ടർ 23 സൗഹൃദ മത്സരത്തിൽ തായ്‍ലൻഡിനെതിരെ ഖത്തറിന്റെ മലയാളി താരം തഹ്സിൻ മുഹമ്മദിന്റെ മുന്നേറ്റം
ദോഹ: അണ്ടർ 23 ഏഷ്യൻ കപ്പ് യോഗ്യത മത്സരങ്ങൾക്കുള്ള തയാറെടുപ്പിന്റെ ഭാഗമായി സൗഹൃദ മത്സരത്തിനിറങ്ങിയ ഖത്തറിന് മിന്നും ജയം. അബ്ദുല്ല ബിൻ ഖലീഫ സ്റ്റേഡിയത്തിൽ നടന്ന സൗഹൃദ മത്സരത്തിൽ തായ്‍ലൻഡിനെ 2-1ന് തോൽപിച്ചു. കളിയുടെ എട്ടാം മിനിറ്റിൽ തായ്‍ലൻഡ് മുന്നിലെത്തിയെങ്കിലും രണ്ടാം പകുതിയിൽ അന്നാബി യുവസംഘം തിരിച്ചടിക്കുകയായിരുന്നു.
54ാംമിനിറ്റിൽ തായ്‍ലൻഡ് പ്രതിരോധ താരത്തിൽനിന്നും പിറന്ന സെൽഫ് ഗോളായിരുന്നു ഖത്തറിനെ ഒപ്പമെത്തിച്ചത്. രണ്ടു മിനിറ്റിനകം വിജയ ഗോളും പിറന്നു. 56ാം മിനിറ്റിൽ റാഷിദ് അൽ അബ്ദുല്ലയാണ് സ്കോർ ചെയ്തത്.
മലയാളി താരം തഹ്സിൻ മുഹമ്മദും മധ്യനിരയിൽ ശ്രദ്ധേയ നീക്കങ്ങളുമായി ഖത്തറിന് കരുത്തായി. 2026 ഏഷ്യൻ കപ്പിന്റെ യോഗ്യത മത്സരങ്ങൾക്ക് സെപ്റ്റംബറിലാണ് തുടക്കമാകുന്നത്. അതിനു മുന്നോടിയായാണ് സൗഹൃദ മത്സരങ്ങൾ നടക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.