ജിദ്ദ: സൗദി ഇന്ത്യൻ ഫുട്ബാൾ ഫോറത്തിന്‍റെ (സിഫ്) ആഭിമുഖ്യത്തിൽ നടന്നുവരുന്ന 20-ാമത് സിഫ് ചാമ്പ്യൻസ് ലീഗ് ഫുട്ബാൾ ടൂർണമെന്‍റിന്‍റെ ഭാഗമായി അബീർ മെഡിക്കൽ ഗ്രൂപ് കളികളുടെ ഇടവേളകളിൽ നടത്തുന്ന അബീർ റോണോ ഹെഡർ ചലഞ്ച് ശ്രദ്ധേയമാകുന്നു. ക്രിസ്റ്റ്യാനോ റൊണാൾഡോ 2013 മാഞ്ചസ്റ്റർ യുനൈറ്റഡിനെതിരെ നേടിയ 2.93 മീറ്റർ ഹെഡറിനെ അനുകരിച്ചാണ് മത്സരം സംഘടിപ്പിച്ചിട്ടുള്ളത്. ആദ്യദിന മത്സരത്തിൽ സിഫ് ടൂർണമെന്‍റ് സംഘാടകർക്കായിരുന്നു അവസരം. തുടർന്നുള്ള ദിവസങ്ങളിൽ കാണികൾക്കും അവസരം ഉണ്ടായിരിക്കുമെന്ന് അബീർ ഗ്രൂപ് മാനേജ്‌മെന്‍റ് അറിയിച്ചു. കഴിഞ്ഞയാഴ്ചയിലെ ചലഞ്ചിൽ വിജയിച്ചവർക്കുള്ള സമ്മാനം മാധ്യമ പ്രവർത്തകരായ കബീർ കൊണ്ടോട്ടി, സാദിഖലി തുവ്വൂർ, അബ്ദുറഹ്മാൻ തുറക്കൽ എന്നിവർ കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.