ഡ്രൈ​വി​ങ്ങി​നി​ടെ ഹൃ​ദ​യാ​ഘാ​തം; ത​മി​ഴ്നാ​ട് സ്വ​ദേ​ശി​യു​ടെ മൃ​ത​ദേ​ഹം നാ​ട്ടി​ലെ​ത്തി​ച്ചു

റി​യാ​ദ്: സൗ​ദി മ​ധ്യ​പ്ര​വി​ശ്യ​യി​ലെ വാ​ദി ദ​വാ​സി​റി​ൽ മ​രി​ച്ച ത​മി​ഴ്നാ​ട് സ്വ​ദേ​ശി അ​പ്പാ​വു മോ​ഹ​​ന്റെ (59) മൃ​ത​ദേ​ഹം നാ​ട്ടി​ലേ​ക്ക്​ കൊ​ണ്ടു​പോ​യി. എ​ട്ട് വ​ർ​ഷ​മാ​യി വാ​ദി ദ​വാ​സി​റി​ൽ ടാ​ക്സി ഡ്രൈ​വ​റാ​യി ജോ​ലി ചെ​യ്യു​ക​യാ​യി​രു​ന്നു അ​പ്പാ​വു മോ​ഹ​ൻ. ക​ഴി​ഞ്ഞ ഫെ​ബ്രു​വ​രി 28ന് ​വാ​ഹ​നം ഓ​ടി​ച്ചു​കൊ​ണ്ടി​രി​ക്കെ നെ​ഞ്ചു​വേ​ദ​ന അ​നു​ഭ​വ​പ്പെ​ട്ട​തി​നെ തു​ട​ർ​ന്ന് വാ​ഹ​ന​ത്തി​ലു​ണ്ടാ​യി​രു​ന്ന യാ​ത്ര​ക്കാ​ര​നെ അ​ദ്ദേ​ഹ​ത്തി​​ന്റെ ജോ​ലി​സ്ഥ​ല​ത്തെ​ത്തി​ച്ച് വാ​ഹ​ന​ത്തി​ൽ ത​ന്നെ വി​ശ്ര​മി​ക്കു​ക​യാ​യി​രു​ന്നു.

ജോ​ലി ക​ഴി​ഞ്ഞ് തി​രി​ച്ചെ​ത്തി​യ യാ​ത്ര​ക്കാ​ര​ൻ കാ​ണു​ന്ന​ത് താ​ൻ വ​ന്ന വാ​ഹ​ന​ത്തി​ന് ചു​റ്റും പൊ​ലീ​സ് കൂ​ടി നി​ൽ​ക്കു​ന്ന​താ​ണ്. കാ​ര്യം തി​ര​ക്കി​യ​പ്പോ​ഴാ​ണ് ഡ്രൈ​വ​ർ മ​രി​ച്ച​താ​യി അ​റി​യു​ന്ന​ത്.

വാ​ഹ​ന​ത്തെ ചു​റ്റി പൊ​ലീ​സ് നി​ൽ​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ട, മോ​ഹ​നെ​യും സു​ഹൃ​ത്തു​ക്ക​ളെ​യും അ​റി​യാ​വു​ന്ന സൗ​ദി പൗ​ര​ൻ വി​വ​രം കേ​ളി ക​ലാ​സാം​സ്​​കാ​രി​ക വേ​ദി പ്ര​വ​ർ​ത്ത​ക​നാ​യ സു​ഹൃ​ത്ത് സു​രേ​ഷി​നെ അ​റി​യി​ക്കു​ക​യാ​യി​രു​ന്നു. തു​ട​ർ​ന്ന്​ മോ​ഹ​ന​​ന്റെ സ​ഹോ​ദ​ര​ൻ ത​ങ്ക​രാ​ജി​നെ​യും കൂ​ട്ടി സൗ​ദി പൗ​ര​ൻ പ​റ​ഞ്ഞ സ്ഥ​ല​ത്തെ​ത്തി.

സ​ഹോ​ദ​ര​​ന്റെ സാ​ന്നി​ധ്യ​ത്തി​ൽ പൊ​ലീ​സ്, ആം​ബു​ല​ൻ​സ് വ​രു​ത്തി മോ​ഹ​ന​നെ ആ​ശു​പ​ത്രി​യി​ലേ​ക്ക് മാ​റ്റി. ആ​ശു​പ​ത്രി​യി​ൽ​നി​ന്നാ​ണ് മ​ര​ണം സ്ഥി​രീ​ക​രി​ക്കു​ന്ന​ത്. ര​ണ്ടു​വ​ർ​ഷം മു​മ്പ് റൂ​മി​ൽ​നി​ന്ന് അ​സ്വ​സ്ഥ​ത പ്ര​ക​ടി​പ്പി​ച്ച മോ​ഹ​ന​നെ സു​രേ​ഷും അ​നു​ജ​നും ചേ​ർ​ന്ന് തൊ​ട്ട​ടു​ത്ത ആ​ശു​പ​ത്രി​യി​ലെ​ത്തി​ക്കു​ക​യും അ​വ​സ്ഥ മോ​ശ​മാ​യ​തി​നാ​ൽ എ​യ​ർ ആം​ബു​ല​ൻ​സ് വ​ഴി റി​യാ​ദി​ലെ ആ​ശു​പ​ത്രി​യി​ൽ എ​ത്തി​ച്ച് ജീ​വ​ൻ ര​ക്ഷി​ക്കു​ക​യാ​യി​രു​ന്നു​വ​ത്രെ. ഇ​ത്ത​വ​ണ റ​മ​ദാ​ൻ മാ​സം ക​ഴി​ഞ്ഞ് നാ​ട്ടി​ൽ പോ​കാ​നി​രിക്കുകയായിരുന്നെ​ന്നും അ​നു​ജ​ൻ ത​ങ്ക​രാ​ജ് പ​റ​ഞ്ഞു. അ​പ്പാ​വു മോ​ഹ​ന​ന് ഭാ​ര്യ​യും ര​ണ്ട്​ കു​ട്ടി​ക​ളു​മുണ്ട്.

മൃ​ത​ദേ​ഹം നാ​ട്ടി​ലെ​ത്തി​ക്കു​ന്ന പ്ര​വ​ർ​ത്ത​ന​ങ്ങ​ൾ​ക്ക് കേ​ളി ജീ​വ​കാ​രു​ണ്യ വി​ഭാ​ഗം അം​ഗം സു​രേ​ഷ് നേ​തൃ​ത്വം ന​ൽ​കി. അ​നു​ജ​ൻ ത​ങ്ക​രാ​ജ് വെ​ങ്കി​ടാ​ച​ല​ത്തി​​ന്റെ പേ​രി​ൽ നാ​ട്ടി​ൽ​നി​ന്നു​ള്ള രേ​ഖ​ക​ൾ വ​രു​ത്തി​ച്ച് സു​രേ​ഷി​​ന്റെ നേ​തൃ​ത്വ​ത്തി​ൽ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി. വാ​ദി ദ​വാ​സി​റി​ലെ ജ​ന​റ​ൽ ആ​ശു​പ​ത്രി​യി​ൽ സൂ​ക്ഷി​ച്ചി​രു​ന്ന മൃ​ത​ദേ​ഹം ഞാ​യ​റാ​ഴ്​​ച രാ​വി​ലെ ശു​മൈ​സി ആ​ശു​പ​ത്രി​യി​ൽ എ​ത്തി​ക്കു​ക​യും രാ​ത്രി 10.30നു​ള്ള ഇ​ൻ​ഡി​ഗോ വി​മാ​ന​ത്തി​ൽ ഡ​ൽ​ഹി വ​ഴി കോ​യ​മ്പ​ത്തൂ​രി​ലേ​ക്ക്​ കൊ​ണ്ടു​പോ​വു​ക​യും ചെ​യ്​​തു.