പ്ര​വാ​സ​ത്തോ​ട്​ ഇ​ഷ്​​ടം കൂ​ടി​യ​പ്പോ​ൾ ജ​ന്മ​നാ​ടി​നെ​ മ​റ​ന്നു

റി​യാ​ദ്: മു​ംബൈ സ്വ​ദേ​ശി റോ​ഷ​ൻ അ​ലി തൊ​ഴി​ൽ തേ​ടി സൗ​ദി അ​റേ​ബ്യ​യി​ലെ​ത്തി​യ​ത് 1994 ലാ​ണ്. പി​ന്നീ​ടൊ​രു തി​രി​ച്ചു​പോ​ക്കി​നെ​ക്കു​റി​ച്ച് അ​ലി ആ​ലോ​ചി​ച്ചി​​ട്ടേ​യി​ല്ല. ഈ ​നാ​ടും പ്ര​വാ​സ​വും ആ​സ്വ​ദി​ച്ചു ക​ട​ന്നു​പോ​യ​ത് 31 വ​ർ​ഷം. തു​ന്ന​ൽ, ക്ലീ​നി​ങ്​ പോ​ലു​ള്ള പ​ല തൊ​ഴി​ലു​ക​ൾ ചെ​യ്ത് ജീ​വി​തം തു​ട​രു​ന്ന​തി​നി​ടെ ഓ​ർ​ക്കാ​പ്പു​റ​ത്തെ​ത്തി​യ രോ​ഗ​മാ​ണ്​ അ​ടി​തെ​റ്റി​ച്ച​ത്. കി​ട​പ്പി​ലാ​യ​തോ​ടെ 20 വ​ർ​ഷ​ത്തോ​ളം താ​മ​സി​ച്ചി​രു​ന്ന റി​യാ​ദ്​ മ​ല​സി​ലെ റൂ​മി​ൽ​നി​ന്ന് സ​ഹ​താ​മ​സ​ക്കാ​ർ ഇ​റ​ക്കി​വി​ട്ടു.

പ്രാ​യ​മാ​യ ഒ​രാ​ൾ അ​വ​ശ​നാ​യി റോ​ഡ​രി​കി​ൽ കി​ട​ക്കു​ന്നു​ണ്ടെ​ന്ന്​ അ​റി​ഞ്ഞ്​ റി​യാ​ദി​ലെ തെ​ല​ങ്കാ​ന​ക്കാ​രാ​യ സാ​മൂ​ഹി​ക പ്ര​വ​ർ​ത്ത​ക​ർ റെ​ഡ് ക്ര​സ​ന്‍റി​നെ വി​ളി​ച്ചു ആ​ശു​പ​ത്രി​യി​ലെ​ത്തി​ച്ചു. സു​ഖം പ്രാ​പി​ച്ചു ആ​ശു​പ​ത്രി​യി​ൽ​നി​ന്ന് ഡി​സ്ചാ​ർ​ജ് ചെ​യ്യാ​ൻ ഒ​രു​ങ്ങു​മ്പോ​ഴാ​ണ് താ​മ​സ​രേ​ഖ ഉ​ൾ​പ്പെ​ടെ ഒ​ന്നു​മി​ല്ലാ​ത്ത നി​യ​മ​ലം​ഘ​ക​നാ​ണെ​ന്ന് അ​റി​യു​ന്ന​ത്. അ​തോ​ടെ ആ​ശു​പ​ത്രി അ​ധി​കൃ​ത​ർ അ​ലി​യെ പൊ​ലീ​സി​ന്​ കൈ​മാ​റി.

ആ​രോ​ഗ്യ​പ്ര​ശ്ന​ങ്ങ​ളു​ള്ള ഒ​രു ഇ​ന്ത്യ​ൻ വ​യോ​ധി​ക​ൻ സെ​ല്ലി​ലു​ണ്ടെ​ന്നും ബ​ന്ധു​ക്ക​ളെ​യോ നാ​ട്ടു​കാ​രെ​യോ ബ​ന്ധ​പ്പെ​ട്ട് നാ​ട്ടി​ലേ​ക്ക് അ​യ​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ​ക്ക് സ​ഹാ​യി​ക്ക​ണ​മെ​ന്നും ആ​വ​ശ്യ​പ്പെ​ട്ട് ​പൊ​ലീ​സ് സ്​​റ്റേ​ഷ​നി​ൽ​നി​ന്നും മ​ല​യാ​ളി സാ​മൂ​ഹി​ക​പ്ര​വ​ർ​ത്ത​ക​ൻ സി​ദ്ധി​ഖ് തു​വ്വൂ​രി​നെ ബ​ന്ധ​പ്പെ​ട്ടു. അ​ദ്ദേ​ഹം ഉ​ട​ൻ സ്​​റ്റേ​ഷ​നി​ലെ​ത്തി അ​ലി​യെ ക​ണ്ടു. വി​വ​ര​ങ്ങ​ളെ​ല്ലാം ശേ​ഖ​രി​ച്ചു.

വി​വ​രം സി​ദ്ദീ​ഖ്​ എം​ബ​സി​യി​ൽ റി​പ്പോ​ർ​ട്ട് ചെ​യ്ത് ഇ​ന്ത്യ​യി​ലേ​ക്കു​ള്ള മ​ട​ക്ക​യാ​ത്ര​ക്കു​ള്ള ന​ട​പ​ടി​ക​ൾ ആ​രം​ഭി​ച്ചു. പ്രാ​ഥ​മി​ക ഘ​ട്ട​മാ​യി അ​ലി​യെ പൊ​ലീ​സ് സ്​​റ്റേ​ഷ​നി​ൽ​നി​ന്നും ഹോ​ട്ട​ൽ മു​റി​യി​ലേ​ക്ക് മാ​റ്റി. നാ​ട്ടി​ൽ നി​ന്നു​ള്ള ബ​ന്ധു​ക്ക​ളും റി​യാ​ദി​ലെ തെ​ലങ്കാ​ന അ​സോ​സി​യേ​ഷ​ൻ ഉ​ൾ​പ്പെ​ടെ​യു​ള്ള സം​ഘ​ട​ന പ്ര​വ​ർ​ത്ത​ക​രും ചേ​ർ​ന്ന് സാ​ധ്യ​മാ​യ സ​ഹാ​യ​ങ്ങ​ളെ​ല്ലാം ചെ​യ്തു. എം​ബ​സി ഔ​ട്ട് പാ​സ്​ ന​ൽ​കി. നാ​ടു​ക​ട​ത്ത​ൽ കേ​ന്ദ്ര​ത്തി​ൽ (ത​ർ​ഹീ​ൽ) നി​ന്ന്​ ഫൈ​ന​ൽ എ​ക്​​സി​റ്റും ശ​രി​യാ​യി. ഇ​നി അ​ലി​ക്ക് നാ​ട്ടി​ലേ​ക്ക് മ​ട​ങ്ങാം.

ദീ​ർ​ഘ​കാ​ലം നാ​ട്ടി​ലേ​ക്ക് പോ​യി​ല്ലെ​ങ്കി​ലും സ​മ്പാ​ദി​ക്കു​ന്ന തു​ക​യി​ൽ​നി​ന്ന് കൃ​ത്യ​മാ​യി കു​ടും​ബ​ത്തി​ന്‍റെ ചെ​ല​വി​ലേ​ക്ക് അ​യ​ച്ചു​കൊ​ടു​ക്കാ​റു​ണ്ടാ​യി​രു​ന്നു. ദീ​ർ​ഘ​കാ​ല​ത്തെ പ്ര​വാ​സ​ത്തി​ന് വി​രാ​മ​മി​ട്ട് വ​രും ദി​വ​സം ത​ന്നെ അ​ലി മും​ബൈ വി​മാ​ന​ത്താ​വ​ള​ത്തി​ൽ പ​റ​ന്നി​റ​ങ്ങും. അ​ലി​യു​ടെ മ​ക്ക​ളും കു​ടും​ബ​വും സ്വീ​ക​രി​ക്കാ​ൻ അ​വി​ടെ​യു​ണ്ടാ​കു​മെ​ന്ന് സി​ദ്ദീ​ഖ് തു​വ്വൂ​ർ പ​റ​ഞ്ഞു. ഏ​റെ ഇ​ഷ്‌​ട​പ്പെ​ടു​ന്നു സൗ​ദി​യെ​ന്നും ആ​രോ​ഗ്യ​പ്ര​ശ്നം നേ​രി​ട്ടി​ല്ലാ​യി​രു​ന്നെ​ങ്കി​ൽ ഈ ​മ​ണ്ണ് വി​ട്ട് പോ​കി​ല്ലാ​യി​രു​ന്നെ​ന്നും അ​ലി പ​റ​യു​ന്നു.

‘ജീ​വി​ത​ത്തി​ൽ ഒ​രി​ക്ക​ലും കാ​ണു​ക​യോ എ​ന്തെ​ങ്കി​ലും സ​ഹാ​യം ചെ​യ്യു​ക​യോ ചെ​യ്യാ​ത്ത ഒ​രു ‘കേ​ര​ള വാ​ല’ സി​ദ്ദീ​ഖ് സാ​ബ് വ​ന്നാ​ണ് എ​ന്നെ പൊ​ലീ​സ് സ്​​റ്റേ​ഷ​നി​ൽ​നി​ന്ന് നാ​ട്ടി​ലേ​ക്ക് അ​യ​ക്കാ​നു​ള്ള എ​ല്ലാ കാ​ര്യ​ങ്ങ​ളും ചെ​യ്ത​ത്. അ​ദ്ദേ​ഹ​ത്തെ മ​റ​ക്കാ​നാ​കി​ല്ലെ​ന്നും ന​ന്ദി വാ​ക്കും പ്രാ​ർ​ഥ​ന​യു​മ​ല്ലാ​തെ മ​റ്റൊ​ന്നും എ​​ന്‍റെ പ​ക്ക​ലി​ല്ലെ​ന്നും’ അ​ലി പ​റ​യു​ന്നു.

നാ​ട്ടി​ലേ​ക്ക്​ യാ​ത്ര ചെ​യ്യാ​ൻ നി​യ​മ​ക്കു​രു​ക്കു​ക​ൾ ഒ​ന്നു​മി​ല്ലെ​ന്നും യാ​ത്രാ​രേ​ഖ​ക​ൾ പൂ​ർ​ത്തി​യാ​ക്കി​യാ​ൽ വ​രും ദി​വ​സ​ങ്ങ​ളി​ൽ ത​ന്നെ നാ​ട്ടി​ലേ​ക്ക് മ​ട​ങ്ങു​മെ​ന്നും സി​ദ്ദീഖ് തു​വ്വൂ​ർ പ​റ​ഞ്ഞു. അ​ലി​യു​ടെ യാ​ത്ര​ക്ക് ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​ൻ ഷ​റ​ഫു​ദ്ദീ​ൻ, പൊ​ലീ​സ് ഓ​ഫി​സ​ർ​മാ​ർ, പൊ​തു​പ്ര​വ​ർ​ത്ത​ക​ൻ നേ​വ​ൽ ഉ​ൾ​പ്പെ​ടെ വ്യ​ത്യ​സ്ത മേ​ഖ​ല​യി​ലു​ള്ള​വ​രു​ടെ സ​ഹാ​യം ല​ഭി​ച്ച​താ​യും സി​ദ്ദീ​ഖ് തു​വ്വൂ​ർ പ​റ​ഞ്ഞു.