സിജി ജിദ്ദ ചാപ്റ്റർ സംഘടിപ്പിച്ച സി.എൽ.പി മീറ്റ് പരിപാടിയിൽനിന്ന്
ജിദ്ദ: വ്യത്യസ്ത പരിശീലന പരിപാടികളും സംവാദങ്ങളുമായി സിജി ജിദ്ദ ചാപ്റ്റർ സംഘടിപ്പിച്ച സി.എൽ.പി മീറ്റ് ശ്രദ്ധേയമായി. സിജി ചാപ്റ്റർ പ്രസിഡൻറ് മുഹമ്മദ് കുഞ്ഞി പരിപാടി ഉദ്ഘാടനം ചെയ്തു. ‘ഡിഫൻറ് യുവർസെൽഫ്’ എന്ന തലക്കെട്ടിൽ നബീൽ ശിഹാബുദ്ദീൻ ആരോഗ്യ ബോധവത്കരണ ക്ലാസെടുത്തു. കായിക, ആയോധന കലയിലൂടെ ശാരീരികവും മാനസികവുമായ ആരോഗ്യവും ആത്മവിശ്വാസവും കൈവരിക്കാനാവുമെന്ന് അദ്ദേഹം പറഞ്ഞു. ‘സയൻസ് ഓഫ് ലൈഫ്’ ഇവന്റ്സ് എന്ന വിഷയത്തെ കേന്ദ്രീകരിച്ച് ഡോ. അബ്ദുല്ല സംസാരിച്ചു.
പൊടുന്നനെ സംഭവിക്കുന്ന എന്ത് കാര്യങ്ങളിലും വ്യക്തമായ ഘടനയും ആസൂത്രണവും കാണാനാവുമെന്ന് ഉദാഹരണ സഹിതം അദ്ദേഹം ചൂണ്ടിക്കാട്ടി. ‘പ്രവാസം നാളെയെ മറന്ന് ഇന്ന് ജീവിക്കണോ’ എന്ന തലക്കെട്ടിൽ നടന്ന സംവാദ പരിപാടിയിൽ ബഷീർ അമ്പലവൻ, അൻവർ വടക്കാങ്ങര, ശിഹാബ് കരുവാരകുണ്ട്, സൂരജ് എന്നിവർ സംസാരിച്ചു. റഷീദ് അമീർ മോഡറേറ്ററായിരുന്നു. എം. അഷ്‌റഫ് പരിപാടികൾ അവലോകനം ചെയ്തു. മുകേഷ് ഹനീഫ അവതാരകനായിരുന്നു. താഹിർ ജാവേദ് സ്വാഗതവും എം.എം. ഇർഷാദ് നന്ദിയും പറഞ്ഞു. ഷുക്കൂർ ചേകനൂർ ഖുർആനിൽനിന്ന് അവതരിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.