സു​ഡാ​ൻ ആ​ഭ്യ​ന്ത​ര സം​ഘ​ർ​ഷ​ത്തി​ൽ ആ​ശ​ങ്ക; ജി​ദ്ദ ഉ​ട​മ്പ​ടി പാ​ലി​ച്ച്​ വെ​ടി​നി​ർ​ത്ത​ണ​മെ​ന്ന്​ സൗ​ദി

റി​യാ​ദ്​: സ​ഹോ​ദ​ര രാ​ജ്യ​മാ​യ സു​ഡാ​നി​ൽ ആ​ഭ്യ​ന്ത​ര സം​ഘ​ർ​ഷം വീ​ണ്ടും രൂ​ക്ഷ​മാ​യ​തി​ൽ ആ​ശ​ങ്ക പ്ര​ക​ടി​പ്പി​ച്ച്​ സൗ​ദി അ​റേ​ബ്യ. സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ​യു​ള്ള സാ​ധാ​ര​ണ​ക്കാ​ർ ഇ​ര​ക​ളാ​യി മാ​റു​ന്ന അ​ക്ര​മ​ണം വ​ർ​ധി​ക്കു​ന്ന​തി​ൽ ക​ടു​ത്ത ഉ​ത്​​ക​ണ്​​ഠ​യു​ണ്ടെ​ന്നും വി​ദേ​ശ​കാ​ര്യ മ​ന്ത്രാ​ല​യം പ​റ​ഞ്ഞു.

സു​ഡാ​നി​ലെ ജ​സീ​റ സം​സ്ഥാ​ന​ത്തി​ന്‍റെ കി​ഴ​ക്ക​ൻ ഭാ​ഗ​ത്ത് നി​ര​വ​ധി സി​വി​ലി​യ​ന്മാ​ർ കൊ​ല്ല​പ്പെ​ട്ട സം​ഭ​വ​ത്തെ സൗ​ദി അ​പ​ല​പി​ക്കു​ന്നു. നി​ര​വ​ധി സാ​ധാ​ര​ണ​ക്കാ​രാ​ണ്​ മ​രി​ച്ച​ത്.

അ​തി​ലു​മേ​റെ ആ​ളു​ക​ൾ​ക്ക്​ ഗു​ര​ത​ര പ​രി​ക്കേ​റ്റു. ഇ​ത് സി​വി​ലി​യ​ന്മാ​രെ സം​ര​ക്ഷി​ക്കു​ന്ന​തി​നു​ള്ള അ​ന്താ​രാ​ഷ്​​ട്ര നി​യ​മ​ങ്ങ​ളു​ടെ ലം​ഘ​ന​മാ​ണ്. ബ​ന്ധ​പ്പെ​ട്ട ക​ക്ഷി​ക​ൾ ഇ​ത്ത​രം ആ​ക്ര​മ​ണ​ങ്ങ​ളി​ൽ​നി​ന്ന്​ പി​ന്തി​രി​യ​ണം. 2023 മേ​യ് 11-ന് ​ഒ​പ്പു​വെ​ച്ച ജി​ദ്ദ ഉ​ട​മ്പ​ടി​യി​ൽ പ​ര​സ്​​പ​രം അം​ഗീ​ക​രി​ച്ച കാ​ര്യ​ങ്ങ​ൾ പാ​ലി​ക്കാ​ൻ എ​ല്ലാ ക​ക്ഷി​ക​ളും ത​യാ​റാ​വ​ണ​മെ​ന്നും വെ​ടി​നി​ർ​ത്ത​ണ​മെ​ന്നും സൗ​ദി ആ​വ​ശ്യ​പ്പെ​ട്ടു.

യു​ദ്ധം ചെ​യ്യു​ന്ന ക​ക്ഷി​ക​ളോ​ട് തീ​ക്ക​ളി നി​ർ​ത്താ​നും സം​ഘ​ർ​ഷം അ​വ​സാ​നി​പ്പി​ക്കാ​നും ദു​രി​ത​ബാ​ധി​ത​ർ​ക്ക് മാ​നു​ഷി​ക സ​ഹാ​യം ല​ഭ്യ​മാ​ക്കാ​നും അ​ഭ്യ​ർ​ഥി​ക്കു​ന്നു.

സു​ഡാ​​ന്‍റെ സ്ഥി​ര​ത​യെ പി​ന്തു​ണ​ക്കു​ന്ന​തി​ലും അ​തി​ലെ നി​യ​മാ​നു​സൃ​ത സ്ഥാ​പ​ന​ങ്ങ​ളു​ടെ ഐ​ക്യം, പ​ര​മാ​ധി​കാ​രം, സ്വാ​ത​ന്ത്ര്യം എ​ന്നി​വ സം​ര​ക്ഷി​ക്കു​ന്ന​തി​ലും ത​ങ്ങ​ളു​ടെ ഉ​റ​ച്ച നി​ല​പാ​ട് ആ​വ​ർ​ത്തി​ക്കു​ക​യാ​ണെ​ന്നും പ്ര​തി​സ​ന്ധി അ​വ​സാ​നി​പ്പി​ക്കാ​നു​ള്ള ഏ​ക മാ​ർ​ഗം രാ​ഷ്​​​​​ട്രീ​യ പ​രി​ഹാ​ര​മാ​ണെ​ന്നും വി​ദേ​ശ​കാ​ര്യ മ​ന്ത്രാ​ല​യം പ്ര​സ്​​താ​വ​ന​യി​ൽ പ​റ​ഞ്ഞു.