അ​ട​രു​വാ​ൻ വ​യ്യെ​ന്ന്​ ചൊ​ല്ലി കെ.​കെ. തോ​മ​സ് മ​ട​ങ്ങു​ന്നു

റി​യാ​ദ്: ബ​ത്ഹ​യെ​ന്ന മ​നു​ഷ്യ മ​ഹാ​സ​ഗ​ര​ത്തി​ലാ​ണ് തൊ​ണ്ണൂ​റു​ക​ളു​ടെ അ​വ​സാ​ന​ത്തി​ൽ പ​ത്ത​നം​തി​ട്ട റാ​ന്നി സ്വ​ദേ​ശി കെ.​കെ. തോ​മ​സും വ​ന്നി​റ​ങ്ങു​ന്ന​ത്. 27 വ​ർ​ഷ​ത്തെ പ്ര​വാ​സം അ​വ​സാ​നി​പ്പി​ച്ച് മ​ട​ങ്ങാ​നൊ​രു​ങ്ങു​േ​മ്പാ​ഴും അ​ട​രു​വാ​ന്‍ വ​യ്യ ഈ ​ദേ​ശ​ത്തു​നി​ന്നെ​നി​ക്കേ​ത്​ സ്വ​ർ​ഗം വി​ളി​ച്ചാ​ലു​മെ​ന്ന്​​ മ​ന​സ്സ്​ മ​ന്ത്രി​ക്കു​ക​യാ​ണെ​ന്ന്​ തോ​മ​സ്​ പ​റ​യു​ന്നു. ഈ ​നാ​ടും ന​ഗ​ര​വും ഹൃ​ദ​യ​ത്തി​ൽ​നി​ന്ന് പ​റി​ച്ചെ​റി​യാ​ൻ ക​ഴി​യാ​ത്ത വി​ധം ആ​ഴ​ത്തി​ൽ പ​തി​ഞ്ഞു​പോ​യി. ഇ​വി​ടം വി​ട്ടൊ​രു യാ​ത്ര അ​ത്ര​മേ​ൽ വേ​ദ​ന​ജ​ന​ക​മെ​ന്നും ഈ ​ര​സ​ത​ന്ത്ര ബി​രു​ദ​ധാ​രി പ​റ​യു​ന്നു.

റി​യാ​ദ്​ മ​ല​യാ​ളി​ക​ളു​ടെ സാ​മൂ​ഹി​ക സാം​സ്കാ​രി​ക രാ​ഷ്​​ട്രീ​യ പ്ര​വ​ർ​ത്ത​ന​മേ​ഖ​ല​ക​ളി​ൽ സ​ജീ​വ സാ​ന്നി​ധ്യം. അ​ടി​മു​ടി കോ​ൺ​ഗ്ര​സ്​ പ്ര​വ​ർ​ത്ത​ക​നാ​യ തോ​മ​സ് ബാ​ല​ജ​ന​സ​ഖ്യം, കെ.​എ​സ്.​യു, യൂ​ത്ത് കോ​ൺ​ഗ്ര​സ് വ​ഴി​ക​ളി​ലൂ​ടെ​യാ​ണ്​ മു​തി​ർ​ന്ന​ത്. കോ​ൺ​ഗ്ര​സി​​ന്റെ പോ​ഷ​ക​സം​ഘ​ട​നാ​യ ഒ.​ഐ.​സി.​സി​യി​ലെ വി​വി​ധ പ​ദ​വി​ക​ളി​ലൂ​ടെ റി​യാ​ദി​ലും സ​ജീ​വ​മാ​യ അ​ദ്ദേ​ഹം പ​ത്ത​നം​തി​ട്ട ജി​ല്ല ക​മ്മി​റ്റി പ്ര​സി​ഡ​ൻ​റാ​യി ക​ഴി​ഞ്ഞ 12 വ​ർ​ഷ​മാ​യി പ്ര​വ​ർ​ത്തി​ക്കു​ന്നു.

നി​ര​വ​ധി സാം​സ്കാ​രി​ക, സാ​ഹി​ത്യ സ​ദ​സ്സു​ക​ൾ​ക്കും സം​വാ​ദ പ​രി​പാ​ടി​ക​ൾ​ക്കും നേ​തൃ​ത്വം ന​ൽ​കി. കോ​വി​ഡ് കാ​ല​ത്തു​ൾ​പ്പെ​ടെ ഒ.​ഐ.​സി.​സി സെ​ൻ​ട്ര​ൽ ക​മ്മി​റ്റി നേ​തൃ​ത്വം ന​ൽ​കി​യ ജീ​വ​കാ​രു​ണ്യ പ്ര​വ​ർ​ത്ത​ങ്ങ​ളി​ലെ​ല്ലാം സ​ജീ​വ പ​ങ്കാ​ളി​ത്തം വ​ഹി​ക്കാ​നാ​യി. വേ​ൾ​ഡ് മ​ല​യാ​ളി കൗ​ൺ​സി​ൽ റി​യാ​ദ്​ ഘ​ട​ക​ത്തി​ലും സ​ജീ​വ​മാ​യി​രു​ന്നു. പ്ര​വാ​സ​ത്തി​ലേ​ക്ക് വ​രാ​നൊ​രു​ങ്ങു​ന്ന ചെ​റു​പ്പ​ക്കാ​ർ​ക്ക് ത​​ന്റെ അ​നു​ഭ​വം ഫ​ല​പ്ര​ദ​മാ​കും വി​ധം പ​ങ്കു​വെ​ക്കാ​നു​ള്ള ശ്ര​മ​ങ്ങ​ളു​ണ്ടാ​കു​മെ​ന്നും കെ.​കെ. തോ​മ​സ് ‘ഗ​ൾ​ഫ്​ മാ​ധ്യ​മ’​​ത്തോ​ട്​ പ​റ​ഞ്ഞു.

റി​യാ​ദി​ലെ ന്യൂ ​ഇ​ൻ​ഡ​സ്ട്രി​യ​ൽ സി​റ്റി​യി​ലെ ഔ​ഷ​ധ​നി​ർ​മാ​ണ ക​മ്പ​നി​യി​ൽ ഉ​യ​ർ​ന്ന പ​ദ​വി​യി​ലാ​ണ് ജോ​ലി ചെ​യ്യു​ന്ന​ത്. സ്വ​യം വി​ര​മി​ച്ചാ​ണ്​ നാ​ട്ടി​ലേ​ക്ക്​ മ​ട​ങ്ങു​ന്ന​ത്. വാ​യ​ന​യി​ലും ശാ​സ്ത്ര വി​ഷ​യ​ങ്ങ​ളി​ലെ പ​ഠ​ന​ത്തി​ലു​മാ​ണ് ഒ​ഴി​വു​സ​മ​യം ഏ​റെ​യും ചെ​ല​വി​ടു​ന്ന​ത്. ഭാ​ര്യ ബീ​ന തോ​മ​സ് മും​​ബൈ​യി​ൽ ഒ​രു ബ​ഹു​രാ​ഷ്​​ട്ര ക​മ്പ​നി​യി​ൽ ദീ​ർ​ഘ​കാ​ലം അ​ക്കൗ​ണ്ട്​​സ് എ​ക്സി​ക്യൂ​ട്ടി​വാ​യും 10 വ​ർ​ഷം റി​യാ​ദി​ൽ യാ​രാ ഇ​ന്റ​ർ​നാ​ഷ​ന​ൽ സ്കൂ​ളി​ൽ അ​ധ്യാ​പി​ക​യാ​യും സേ​വ​നം അ​നു​ഷ്ഠി​ച്ചു.

ദ​മ്പ​തി​ക​ൾ​ക്ക്​ മൂ​ന്ന്​ മ​ക്ക​ളാ​ണ്. മൂ​ത്ത മ​ക​ൻ റൂ​ബ​ൻ തോ​മ​സ് മെ​ക്കാ​നി​ക്ക​ൽ എ​ൻ​ജി​നീ​യ​റാ​യി ബം​ഗ​ളു​രു​വി​ലെ ആ​ക്സ​ഞ്ച​ർ ക​മ്പ​നി​യി​ൽ ജോ​ലി ചെ​യ്യു​ന്നു. ര​ണ്ടാ​മ​ത്തെ മ​ക​ൻ റേ ​തോ​മ​സ് ഉ​പ​രി​പ​ഠ​നം ന​ട​ത്തു​ന്നു. മ​ക​ൾ തി​യ​ഡോ​റ തോ​മ​സ് 10ാം ക്ലാ​സ് വി​ദ്യാ​ർ​ഥി​നി​യും. റാ​ന്നി മ​ന്ദ​മാ​രു​തി​യി​ലു​ള്ള കൊ​ച്ചു​മേ​പ്പു​റ​ത്ത് വീ​ട്ടി​ലെ ചാ​രു​ക​സേ​ര​യി​ലി​രു​ന്ന് ഇ​നി​യോ​ർ​മ​യി​ൽ ഉ​ൾ​ക്കു​ളി​രാ​ക്കും റി​യാ​ദി​ലെ മൂ​ന്ന്​ ദ​ശാ​ബ്​​ദ​ത്തോ​ളം നീ​ണ്ട പ്ര​വാ​സ​ത്തെ.