ജിദ്ദ: ഫോക്കസ് ഇന്‍റർനാഷനൽ സൗദി റീജിയൻ ദേശീയ സമിതി റമദാനിൽ സംഘടിപ്പിച്ച എട്ടാമത് റമദാൻ ഓൺലൈൻ ക്വിസ് മത്സരഫലം പ്രഖ്യാപിച്ചു. ഡോ. സാജിദ് ബാബു ജിദ്ദ, ഫസീല ഷാഹുൽ റിയാദ്, ത്വയ്യിബ തൽഹ ദമ്മാം എന്നിവർ യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി. സമ്മാനങ്ങൾ ഫോക്കസ് പിന്നീട് നടത്തുന്ന പരിപാടിയിൽ വിതരണം ചെയ്യുമെന്ന് ഭാരവാഹികൾ അറിയിച്ചു.
ഖുർആൻ, നബി ചരിത്രം, സ്വഹാബിമാരുടെ ചരിത്രം തുടങ്ങി വിവിധ ഇസ്‌ലാമിക വിഷയങ്ങൾ ഉൾപ്പെടുത്തി നടത്തിയ ക്വിസ് മത്സരം ചോദ്യങ്ങളുടെ ഉന്നതനിലവരം കൊണ്ടും മത്സരാർഥികളുടെ പങ്കാളിത്തം കൊണ്ടും ശ്രദ്ധേയമായി. വാട്സ്ആപ്പിൽ പ്രത്യേകം തയാറാക്കിയ ഗ്രൂപ്പിലൂടെയായിരുന്നു മത്സരം സംഘടിപ്പിച്ചിരുന്നത്.
ഫോക്കസ് സൗദി റീജിയൻ സി.ഇ.ഒ ജരീർ വേങ്ങര, സി.ഒ.ഒ നസീമുസ്സബാഹ്‌ എന്നിവർ മത്സരം നിയന്ത്രിച്ചു. ഹാരിസ് ജുബൈൽ, അലി അനീസ് ജിദ്ദ, ഷഫീഖ് ജുബൈൽ, എം.വി.എം. നൗഷാദ് ദമ്മാം എന്നിവരും നടത്തിപ്പിൽ പങ്കാളികളായി. സയ്യിദ് സുല്ലമി തുറൈഫ്, ഷമീർ സ്വലാഹി എന്നിവരുടെ നേതൃത്വത്തിൽ ഉത്തരങ്ങളുടെ വിശദീകരണമടങ്ങിയ സന്ദേശങ്ങൾ നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.