റിയാദ്: രാജ്യത്തെ ചുട്ടുപൊള്ളുന്ന കടുത്ത ചൂടില്‍ ആശ്വാസമാകുന്ന പ്രതിരോധ വസ്ത്രങ്ങളും കൂളിങ് ഫാനുകളും ആരോഗ്യ സംരക്ഷണ കോസ്മെറ്റിക് ഐറ്റംസും ഒരു കുടകീഴില്‍ ഒരുക്കി സൗദി അറേബ്യയിലെ ജനകീയ റീട്ടെയിൽ ശൃംഖലയായ സിറ്റി ഫ്ലവര്‍ പ്രത്യേക ഓഫറുകളുമായി ഉപഭോക്താക്കള്‍ക്ക് പുത്തന്‍ ഷോപ്പിങ് അനുഭവം സമ്മാനിക്കുന്നു.
ജൂലൈ 17 മുതല്‍ 29 വരെയാണ് സ്പെഷല്‍ ഓഫര്‍ നല്‍കുന്നത്. സമ്മര്‍ കൂള്‍ ഓഫറിനോടനുബന്ധിച്ച് സൗദിയിലെ സിറ്റി ഫ്ലവര്‍ ഡിപ്പാർട്ട്മെൻറ് സ്റ്റോറുകൾ, ഹൈപ്പര്‍ മാര്‍ക്കറ്റുകള്‍ തുടങ്ങി എല്ലായിടത്തും വിനോദ ഗെയിമുകള്‍ ഒരുക്കും. വിജയികള്‍ക്ക് ആകര്‍ഷക സമ്മാനങ്ങള്‍ നല്‍കും. കൂടാതെ ഹൈപ്പര്‍ മാര്‍ക്കറ്റുകളില്‍ ലെമണ്‍ ജ്യൂസ് അടക്കമുള്ള വിവിധ തരം ജ്യൂസുകളുടെ ഫെസ്റ്റിവല്‍ അരങ്ങേറും. ജൂലൈ 17ന് വൈകീട്ട് റിയാദ് ബത്ഹയിലെ ഹൈപ്പര്‍ മാര്‍ക്കറ്റില്‍ നടക്കുന്ന ഉദ്ഘാടന ചടങ്ങിനോടനുബന്ധിച്ച് കുട്ടികള്‍ക്കായി കളറിങ് മത്സരം, വിനോദ ഗെയിമുകള്‍, മ്യൂസിക്‌ വിത്ത്‌ ഫൺ എന്ന പേരില്‍ കലാപരിപാടികള്‍ എന്നിവ അരങ്ങേറും.
മുഖ്യാതിഥിയായി സിനിമ പിന്നണി ഗായകന്‍ നിസാം കാലിക്കറ്റ്‌ പങ്കെടുക്കും. ഒപ്പം റിയാദിലെ കലാ സാംസ്കാരിക മാധ്യമരംഗത്തെ പ്രമുഖര്‍ സംബന്ധിക്കും. കൂടാതെ അനേകം ആകര്‍ഷക ഓഫറുകളും ഉപഭോക്താക്കൾക്കായി ഏർപ്പെടുത്തിയിട്ടുണ്ട്.
വിപുലമായ വസ്ത്രശേഖരം, ആരോഗ്യ-സൗന്ദര്യവര്‍ധക വസ്തുക്കള്‍, ഫാഷന്‍ ആടയാഭരണങ്ങള്‍, ഓഫിസ് സ്റ്റേഷനറി വിഭാഗം, കളിപ്പാട്ടങ്ങള്‍, ലഗേജ്, ബാഗ്, കളര്‍ കോസ്മെറ്റിക്, വീട്ടുസാധനങ്ങള്‍, പെർഫ്യൂംസ്‌, ലോകോത്തര വാച്ചുകള്‍, ഇലക്ട്രോണിക്സ് ഉപകരണങ്ങള്‍, മെന്‍സ്‌വെയര്‍, കിഡ്‌സ് വെയര്‍, ലേഡീസ് വെയര്‍, ഹൗസ്‌ഹോള്‍ഡ്‌സ്, സ്റ്റേഷനറി, അടുക്കള സാമഗ്രികള്‍, പ്ലാസ്റ്റിക്‌സ്, ഹോം ലിനെന്‍ എന്നിവക്ക് പുറമെ സ്വീറ്റ്‌സ്, ചോക്ലേറ്റ്, ബേക്കറി, പയര്‍വര്‍ഗങ്ങള്‍, ഡ്രൈഫ്രൂട്‌സ് തുടങ്ങി എല്ലാ വിഭാഗത്തിലും പ്രത്യേക വിലക്കിഴിവും ഈ കാലയളവില്‍ ലഭ്യമാകുമെന്ന് മാനേജ്മെൻറ് വക്താക്കള്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.