ജിദ്ദ: ജിദ്ദയിൽ വെള്ളിയാഴ്ച മുതൽ ഹോക്കി ടൂർണമെൻറ് ആരഭിക്കുമെന്ന് സംഘാടകരായ യു ടി എസ് സി (യുനൈററഡ് തലശേരി സ്പോർട്സ് ക്ളബ്) ഭാരവാഹികൾ വാർത്താ സമ്മേളനത്തിൽ അറിയിച്ചു. ഫൈസലിയ്യ ടെക്നിക്കൽ ഇൻസ്റ്റിറ്റ്യൂട്ട് സ്റ്റേഡിയത്തിൽ അരങ്ങേറുന്ന മത്സരം വൈകുന്നേരം നാല് മണിക്കാരംഭിക്കും.
ജിദ്ദ, റിയാദ്, ദമ്മാം എന്നിവിടങ്ങളിൽ നിന്ന് പത്ത് ടീമുകൾ മാറ്റുരക്കും. അറുപത് മിനുറ്റിന് പകരം ടീമുകളുടെ സൗകര്യങ്ങൾ പരിഗണിച്ച് ഇരുപത് മിനിറ്റ് വീതമുളള കളികളാണ് ഒരുക്കിയിട്ടുള്ളത്. ഇന്ത്യ, പാക്കിസ്ഥാൻ, ഇൗജിപ്ത് എന്നീ രാജ്യങ്ങളിലെ ദേശീയ താരങ്ങൾ അണിനിരക്കുന്ന മത്സരം സൗദി ഹോക്കി അസോസിയേഷനുമായി സഹകരിച്ചാണ് സംഘടിപ്പിക്കുന്നത്.
യു എ ഇ, ഒമാൻ എന്നിവിടങ്ങളിൽ യു.ടി.എസ്.സി പത്ത് വർഷമായി ഹോക്കി ടൂർണമെൻറുകൾ സംഘടിപ്പിച്ച് വരുന്നുണ്ട്. ഫദ്ൽ ഗ്രൂപ്പ്, അൽകബീർ എന്നിവർ മുഖ്യ പ്രായോജകരാണ്. വാർത്താ സമ്മേളനത്തിൽ ഷംസീർ ഒളിയാട്ട്, അബ്ദുൽഖാദർ മോച്ചേരി, അബ്ദുൽ ലത്തീഫ്, ഉബൈദുല്ല, ഹിഷാം മാഹി, അഷ്ഫാഖ്, ഫഹീം ഇബ്രാഹിം എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.