കുവൈത്തിലെത്തിയ നൂർ മുഹമ്മദ്‌ സേട്ട് ഹുദാ സെന്റർ അംഗങ്ങൾക്കൊപ്പം
കുവൈത്ത് സിറ്റി: കുവൈത്തിലെത്തിയ കേരള നദ് വത്തുൽ മുജാഹിദീൻ നേതാവ് നൂർ മുഹമ്മദ്‌ സേട്ടിന് കുവൈത്ത് ഇന്ത്യൻ ഹുദാ സെന്റർ സ്വീകരണം നൽകി. കേരള നദ് വത്തുൽ മുജാഹിദീൻ കോഴിക്കോട് സംഘടിപ്പിക്കുന്ന സംസ്ഥാന സമ്മേളനത്തിന്റെ പ്രചാരണാർഥമാണ് സ്വീകരണം നൽകിയത്.സമ്മേളനത്തിന്റെ ഫിനാൻസ് കമ്മിറ്റി വൈസ് ചെയർമാനും എറണാകുളം ജില്ല ഭാരവാഹിയുമാണ് നൂർ സേട്ട്.
സംസ്ഥാന സമ്മേളനത്തിന്റെ സമകാലിക സാമൂഹിക പ്രസക്തിയെ കുറിച്ച് അദ്ദേഹം സംസാരിച്ചു. മദ്യം, മയക്കുമരുന്ന്, ആഭിചാരം, തീവ്രവാദം തുടങ്ങി ഒട്ടനേകം അധാർമികതക്കുള്ള മറുപടിയും സന്മാർഗത്തിലേക്ക് വെളിച്ചം വീശുവാനുതകുന്നതുമാകും സമ്മേളനമെന്ന് അദ്ദേഹം പറഞ്ഞു.
ലോകത്തിെന്റ വിവിധ ഭാഗങ്ങളിൽ സമ്മേളന പ്രചാരണ പ്രവർത്തനങ്ങൾ നടക്കുന്നുണ്ട്. ഹുദാ സെന്റർ ആക്ടിങ് പ്രസിഡന്റ്‌ അബ്ദുല്ല കാരക്കുന്ന്, ജനറൽ സെക്രട്ടറി അബ്ദുൽ ഹമീദ് കൊടുവള്ളി, ട്രഷറർ ജസീർ പുത്തൂർ പള്ളിക്കൽ എന്നിവരും, എക്സിക്യൂട്ടിവ് അംഗങ്ങളും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.