ഇസ്രായേൽ സയണിസ്റ്റ് ഭീകരതയിൽ ദുരിതം പേറുന്ന ഫലസ്തീൻ ജനതക്ക് ഐക്യദാർഢ്യം പ്രഖ്യാപിച്ച് ഐ.സി.എഫ് ജിദ്ദ സെൻട്രൽ കമ്മിറ്റി സംഘടിപ്പിച്ച പരിപാടിയിൽനിന്ന്
ജിദ്ദ: ഇസ്രായേൽ സയണിസ്റ്റ് ഭീകരതയിൽ ദുരിതം പേറുന്ന ഫലസ്തീൻ ജനതക്ക് ഐക്യദാർഢ്യം പ്രഖ്യാപിച്ച് ഐ.സി.എഫ് ജിദ്ദ സെൻട്രൽ കമ്മിറ്റി പ്രാർഥനാ സംഗമം സംഘടിപ്പിച്ചു. ഐ.സി.എഫ് നാഷനൽ കമ്മിറ്റി പ്രസിഡന്റ് ഹബീബ് അൽ ബുഖാരി സംഗമം ഉദ്ഘാടനം ചെയ്തു. മുഹ്സിൻ സഖാഫി അധ്യക്ഷത വഹിച്ചു. പിറന്ന മണ്ണിൽ ജീവനുവേണ്ടി പോരാടുന്ന ഫലസ്തീൻ ജനതക്ക് വേണ്ടി ഹസ്സൻ സഖാഫി പ്രാർഥന നടത്തി. ഒ.എം തരുവണ, സൈനുൽ ആബിദീൻ തങ്ങൾ, യഹ്യ ഖലീൽ നൂറാനി, കൊയിലാട് തങ്ങൾ കൊടുവള്ളി എന്നിവർ സംസാരിച്ചു.
മൻസൂർ മാസ്റ്റർ മണ്ണാർക്കാട് പ്രമേയം അവതരിപ്പിച്ചു. ഇസ്രായേൽ സയണിസ്റ്റ് ഭീകരത നടത്തുന്ന നീചവും ക്രൂരവുമായ ആക്രമണം ഉടൻ അവസാനിപ്പിക്കണമെന്നും ഫലസ്തീൻ ജനതയുടെ സംരക്ഷണത്തിന് ഇന്ത്യയടക്കമുള്ള ലോകരാഷ്ട്രങ്ങൾ അടിയന്തരമായി ഇടപെടണമെന്നും സംഗമം ആവശ്യപ്പെട്ടു. അബ്ദുൽ റഹീം വണ്ടൂർ, അബ്ദുൽ കലാം അഹ്സനി, മുഹമ്മദ് അൻവരി കൊമ്പം, അബൂ മിസ്ബാഹ് ഐക്കരപ്പടി, അബ്ദുൽ ഗഫൂർ പുളിക്കൽ, അഹ്മദ് കബീർ ചേളാരി എന്നിവർ സംബന്ധിച്ചു. സക്കീർ കൊണ്ടോട്ടി സ്വാഗതവും യാസർ അറഫാത്ത് എ.ആർ നഗർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.