സ്പോ​ൺ​സ​ർ അ​റി​യാ​തെ ഇ​ട​നി​ല​ക്കാ​ര​ൻ ‘ഹു​റൂ​ബാ​ക്കി’; ദുരിതത്തിലായ നിലമ്പൂർ സ്വദേശിക്ക്​ സാമൂഹികപ്രവർത്തകർ തുണയായി

റി​യാ​ദ്: പു​തി​യ വി​സ ഇ​ഷ്യൂ ചെ​യ്യാ​നെ​ന്ന് പ​റ​ഞ്ഞ് സ്പോ​ൺ​സ​റി​ൽ​നി​ന്ന് ‘അ​ബ്ഷി​ർ’ പാ​സ്​​വേ​ഡ് കൈ​ക്ക​ലാ​ക്കി വ​ക്കീ​ൽ സു​ഡാ​നി പൗ​ര​ൻ മ​ല​യാ​ളി​യെ നി​യ​മ​പ​ര​മാ​യ കെ​ണി​യി​ൽ​പെ​ടു​ത്തി. സ്പോ​ൺ​സ​റു​ടെ കീ​ഴി​ൽ​നി​ന്ന്​ ഒ​ളി​ച്ചോ​ടി​യെ​ന്ന്​ അ​ബ്​​ഷി​ർ വ​ഴി ജ​വാ​സ​ത്തി​ൽ പ​രാ​തി​പ്പെ​ട്ട്​ നി​ല​മ്പൂ​ർ സ്വ​ദേ​ശി ഉ​മ​റി​നെ ‘ഹു​റൂ​ബാ’​ക്കു​ക​യാ​യി​രു​ന്നു. എ​ന്നാ​ൽ ഇ​ത​റി​യാ​തെ ഉ​മ​ർ ഇ​ഖാ​മ പു​തു​ക്കാ​ൻ സ്പോ​ൺ​സ​റെ സ​മീ​പി​ച്ച​പ്പോ​ഴാ​ണ് താ​ൻ ‘ഹു​റൂ​ബ്​’ കെ​ണി​യി​ലാ​ണെ​ന്നും ഒ​രു വ​ർ​ഷം ക​ഴി​ഞ്ഞെ​ന്നും അ​റി​ഞ്ഞ​ത്.

ഹു​റൂ​ബ്​ എ​ന്നാ​ൽ സ്പോ​ൺ​സ​റു​ടെ കീ​ഴി​ൽ​നി​ന്ന്​ ഓ​ടി​പ്പോ​യെ​ന്നാ​ണ്​ അ​ർ​ഥം. ഇ​ക്കാ​ര്യം ആ​ഭ്യ​ന്ത​ര​മ​ന്ത്രാ​ല​യ​ത്തി​ന്​ കീ​ഴി​ലെ ജ​വാ​സ​ത്തി​ൽ (സൗ​ദി പാ​സ്​​പോ​ർ​ട്ട്​ വ​കു​പ്പ്) രേ​ഖ​പ്പെ​ടു​ത്തു​ന്ന​തോ​ടെ നി​യ​മ​ലം​ഘ​ക​നാ​കും. പി​ന്നീ​ട്​ ഇ​ഖാ​മ പു​തു​ക്കാ​നോ രാ​ജ്യ​ത്ത്​ നി​യ​മാ​നു​സൃ​തം തു​ട​രാ​നോ ജോ​ലി ചെ​യ്യാ​നോ ക​ഴി​യാ​തെ വ​രും.

നി​ശ്ചി​ത ശി​ക്ഷാ​ന​ട​പ​ടി​ക​ൾ ​നേ​രി​ട്ട്​ നാ​ടു​ക​ട​ത്ത​ൽ കേ​ന്ദ്രം വ​ഴി മാ​ത്ര​മെ സ്വ​ദേ​ശ​ത്തേ​ക്ക്​ മ​ട​ങ്ങാ​ൻ ക​ഴി​യൂ എ​ന്ന്​ മാ​ത്ര​മ​ല്ല പു​തി​യ വി​സ​യി​ൽ സൗ​ദി​യി​ലേ​ക്ക്​ തി​രി​ച്ചു​വ​രാ​നും ക​ഴി​യാ​തെ ആ​ജീ​വാ​ന​ന്ത വി​ല​ക്കി​ലു​മാ​വും.

ഇ​ത്ര​യും ക​ടു​ത്ത നി​യ​മ​ക്കു​രു​ക്കി​ൽ താ​ന​ക​പ്പെ​ട്ട വി​വ​രം ഉ​മ​ർ ഇ​ന്ത്യ​ൻ ക​ൾ​ച​റ​ൽ ഫൗ​ണ്ടേ​ഷ​​ൻ (ഐ.​സി.​എ​ഫ്) ഭാ​ര​വാ​ഹി​ക​ളാ​യ സ​ലീം മൂ​ത്തേ​ടം, റ​ശീ​ദ് ത​ങ്ക​ശ്ശേ​രി തു​ട​ങ്ങി​യ​വ​ർ മു​ഖേ​ന അ​റി​ഞ്ഞ ഐ.​എം.​സി.​സി സൗ​ദി നാ​ഷ​ന​ൽ ക​മ്മി​റ്റി ട്ര​ഷ​റ​ർ സൈ​നു​ദ്ദീ​ൻ അ​മാ​നി ഉ​മ​റി​​ന്റെ സ്പോ​ൺ​സ​റെ സ​മീ​പി​ച്ച്​ പ​ല ത​വ​ണ ച​ർ​ച്ച ന​ട​ത്തു​ക​യും പ്ര​ശ്​​ന​പ​രി​ഹാ​രം തേ​ടു​ക​യും ചെ​യ്തു. താ​ന​ല്ല ഉ​മ​റി​നെ കെ​ണി​യി​ൽ കു​ടു​ക്കി​യ​തെ​ന്ന് സ്പോ​ൺ​സ​ർ പ​റ​ഞ്ഞു.

തു​ട​ർ​ന്ന് അ​ദ്ദേ​ഹം ലേ​ബ​ർ ഓ​ഫി​സി​ൽ ഉ​മ​റി​നെ​യും കൂ​ട്ടി പോ​യെ​ങ്കി​ലും ഹു​റൂ​ബ് നീ​ക്കാ​ൻ അ​തി​ന്​ നി​ശ്ച​യി​ച്ച സ​മ​യ​പ​രി​ധി ക​ഴി​ഞ്ഞ​തി​നാ​ൽ നി​യ​മ​പ​ര​മാ​യി സാ​ധി​ക്കി​ല്ലെ​ന്ന മ​റു​പ​ടി​യാ​ണ്​ കി​ട്ടി​യ​ത്. തു​ട​ർ​ന്ന് സൈ​നു​ദ്ദീ​ൻ അ​മാ​നി തൊ​ഴി​ൽ ത​ർ​ക്ക പ​രി​ഹാ​ര കോ​ട​തി​യെ​യും ത​ർ​ഹീ​ലി​നെ​യും (നാ​ടു​ക​ട​ത്ത​ൽ കേ​ന്ദ്രം) സ​മീ​പി​ച്ച്​ നാ​ട്ടി​ലേ​ക്ക് പോ​കാ​നാ​വ​ശ്യ​മാ​യ രേ​ഖ​ക​ൾ ല​ഭ്യ​മാ​ക്കി.

ഒ​ടു​വി​ൽ താ​നും സ്പോ​ൺ​സ​റും അ​റി​യാ​തെ അ​ക​പ്പെ​ട്ട നി​യ​മ​ക്കു​രു​ക്കി​ൽ​നി​ന്ന്​ ര​ക്ഷ​പ്പെ​ട്ട്​ ഞാ​യ​റാ​ഴ്ച ഫ്ലൈ ​ദു​ബൈ വി​മാ​ന​ത്തി​ൽ കോ​ഴി​ക്കോ​ട്ടേ​ക്ക് മ​ട​ങ്ങി. ഉ​മ​റി​ന്​ സൈ​നു​ദ്ദീ​ൻ അ​മാ​നി യാ​ത്രാ​രേ​ഖ​ക​ൾ കൈ​മാ​റി. അ​ബ്​​ദു​റ​ഹ്മാ​ൻ ക്ലാ​രി പു​ത്തൂ​ർ, ഇ​സ്മാ​ഈ​ൽ മൈ​നാ​ഗ​പ്പ​ള്ളി, നി​സാ​ർ ക​രു​നാ​ഗ​പ്പ​ള്ളി എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

ഇ​ത്ത​രം ച​തി​ക​ളി​ൽ​പെ​ട്ടി​ട്ടി​ല്ലെ​ന്ന്​ ഉ​റ​പ്പാ​ക്കാ​ൻ ഇ​ഖാ​മ ഇ​ട​ക്കി​ടെ പ​രി​ശോ​ധി​ക്ക​ണ​മെ​ന്നും ‘ഹു​റൂ​ബ്’ ആ​യാ​ൽ 60 ദി​വ​സ​ത്തി​നു​ള്ളി​ൽ നി​ല​വി​ലെ സ്പോ​ൺ​സ​റു​ടെ സ​മ്മ​തം കൂ​ടാ​തെ മ​റ്റൊ​രു സ്പോ​ൺ​സ​റു​ടെ കീ​ഴി​ലേ​ക്ക്​ നി​യ​മ​പ​ര​മാ​യി മാ​റാ​വു​ന്ന​താ​ണെ​ന്നും സൈ​നു​ദ്ദീ​ൻ അ​മാ​നി പ​റ​ഞ്ഞു.