ആ​ഭ്യ​ന്ത​ര​കാ​ര്യ​ങ്ങ​ളി​ൽ ഇ​റാ​​ന്റെ ഇ​ട​പെ​ട​ൽ; അറബ് ലീഗ് ഉന്നതതല സമിതി യോഗം ചേർന്നു

റി​യാ​ദ്: അ​റ​ബ് രാ​ജ്യ​ങ്ങ​ളു​ടെ ആ​ഭ്യ​ന്ത​ര​കാ​ര്യ​ങ്ങ​ളി​ൽ ഇ​റാ​​ന്റെ ഇ​ട​പെ​ട​ൽ ച​ർ​ച്ച ചെ​യ്യു​ന്ന​തി​നും ഇ​റാ​നു​മാ​യി ബ​ന്ധ​പ്പെ​ട്ട സം​ഭ​വ​വി​കാ​സ​ങ്ങ​ൾ നി​രീ​ക്ഷി​ക്കു​ന്ന​തി​നു​മാ​യി അ​റ​ബ് ലീ​ഗ് അം​ഗ​രാ​ജ്യ ഉ​ന്ന​ത​ത​ല സ​മി​തി യോ​ഗം ചേ​ർ​ന്നു. ഈ​ജി​പ്ത് ത​ല​സ്ഥാ​ന​മാ​യ കൈ​റോ​യി​ലെ ആ​സ്ഥാ​ന​ത്ത് ചേ​ർ​ന്ന യോ​ഗ​ത്തി​ൽ സൗ​ദി വി​ദേ​ശ​കാ​ര്യ മ​ന്ത്രാ​ല​യ അ​ണ്ട​ർ സെ​ക്ര​ട്ട​റി ഡോ. ​അ​ബ്​​ദു​റ​ഹ്‌​മാ​ൻ അ​ൽ​റാ​സി അ​ധ്യ​ക്ഷ​ത വ​ഹി​ച്ചു.

ഇ​റാ​നു​മാ​യി ബ​ന്ധ​പ്പെ​ട്ട പ്ര​തി​സ​ന്ധി​യെ​യും അ​തി​നോ​ടു​ള്ള അ​റ​ബ് പ്ര​തി​ക​ര​ണ​ങ്ങ​ളെ​യും കു​റി​ച്ചു​ള്ള ക​ര​ട് രാ​ഷ്​​ട്രീ​യ പ്ര​മേ​യം യോ​ഗം അ​വ​ലോ​ക​നം ചെ​യ്തു. ഭേ​ദ​ഗ​തി​ക​ളോ​ടെ​യു​ള്ള ക​ര​ട് പ്ര​മേ​യം അ​റ​ബ് ലീ​ഗി​​ന്റെ 159ാമ​ത് അ​റ​ബ് മ​ന്ത്രി​ത​ല സ​മി​തി​യു​ടെ അം​ഗീ​കാ​ര​ത്തി​നാ​യി സ​മ​ർ​പ്പി​ക്കും.

മേ​ഖ​ല​യി​ലെ പ്ര​തി​സ​ന്ധി സം​ബ​ന്ധി​ച്ചും അ​ധി​നി​വേ​ശ ന​ഗ​ര​മാ​യ ജ​റൂ​സ​ല​മി​ലെ ഇ​സ്രാ​യേ​ൽ ന​ട​പ​ടി​ക​ൾ അ​വ​സാ​നി​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ടും അ​റ​ബ് ലീ​ഗ് സെ​ക്ര​ട്ടേ​റി​യ​റ്റ് ത​യാ​റാ​ക്കി​യ റി​പ്പോ​ർ​ട്ട് യോ​ഗം അ​വ​ലോ​ക​നം ചെ​യ്തു. ജോ​ർ​ഡ​​ന്റെ അ​ധ്യ​ക്ഷ​ത​യി​ൽ ചേ​ർ​ന്ന അ​റ​ബ് ലീ​ഗ് മ​ന്ത്രി​ത​ല സ​മി​തി​യു​ടെ യോ​ഗ​ത്തി​ലും ഡോ. ​റാ​സി പ​ങ്കെ​ടു​ത്തു.