യു.ഡി.എഫ് ഉപരോധ പ്രതിഷേധ സമരത്തിന് ഐക്യദാർഢ്യം പ്രകടിപ്പിച്ച് ഒ.ഐ.സി.സി സൗദി വെസ്റ്റേൺ റീജനൽ കമ്മിറ്റി ജിദ്ദയിൽ സംഘടിപ്പിച്ച സംഗമം
ജിദ്ദ: പിണറായി സർക്കാറിന്റെ ജനദ്രോഹ നടപടികൾക്കെതിരെ നിയമസഭക്ക് ചുറ്റും യു.ഡി.എഫ് നടത്തിയ ഉപരോധ പ്രതിഷേധ സമരത്തിന് ഐക്യദാർഢ്യം പ്രകടിപ്പിച്ച് ഒ.ഐ.സി.സി സൗദി വെസ്റ്റേൻ റിജനൽ കമ്മിറ്റി സംഗമം സംഘടിപ്പിച്ചു. മുൻ മന്ത്രിയും ഗാന്ധി ദർശൻ സമിതി ചെയർമാനുമായ വി.സി കബീർ മാസ്റ്റർ ചടങ്ങ് ഉദ്ഘാടനം ചെയ്തു.വെസ്റ്റേൻ റീജനൽ കമ്മിറ്റി പ്രസിഡന്റ് കെ.ടി.എ മുനീറിന്റെ നേതൃത്വത്തിൽ നടന്ന പ്രതിഷേധ പരിപാടിയിൽ സീനിയർ നേതാവ് ചെമ്പൻ അബ്ബാസ്, ഗ്ലോബൽ കമ്മറ്റി അംഗങ്ങളായ അലി തേക്ക്തോട്, മുജീബ് മൂത്തേടത്ത്, നാഷനൽ കമ്മിറ്റി സെക്രട്ടറി നാസിമുദ്ദീൻ മണനാക്ക്, റീജിയനൽ കമ്മിറ്റി ജനറൽ സെക്രട്ടറി നൗഷാദ് അടൂർ, സെക്രട്ടറി മുജീബ് തൃത്താല, ജില്ലാ കമ്മിറ്റി ഭാരവാഹികളായ രാധാകൃഷ്ണൻ കാവുമ്പായ് കണ്ണൂർ, അൻവർ എടപ്പള്ളി, ഗഫൂർ വണ്ടൂർ, എൻ.കെ സുബ്ഹാൻ, നാസർ കോഴിത്തൊടി, അനിൽ കുമാർ പത്തനംതിട്ട, അഷ്റഫ് കിഴക്കേക്കാട്, മൗഷ്മി ശരീഫ്, പ്രിൻസാദ് കോഴിക്കോട്, നാസർ സൈൻ, ശരീഫ് വാഴക്കാട്, ഫിറോസ് അത്തിമണ്ണിൽ, റഫീഖ് മൂസ, അയ്യൂബ് പന്തളം, നവാസ് ബീമാപള്ളി, ഹുസൈൻ എന്നിവർ പങ്കെടുത്തു. കേരള ജനത പൊറുതിമുട്ടിയ ഈ അവസരത്തിൽ മുഖ്യമന്ത്രി രാജിവെക്കണമെന്നാവശ്യപ്പെട്ട് യോഗത്തിൽ പ്രമേയം അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.