ജിദ്ദ: സൗദി ഭരണാധികാരി സല്‍മാന്‍ രാജാവിനെ ഇമാം മുഹമ്മദ് ബിന്‍ സുഊദ് സര്‍വകലാശാല ഒാണററി ഡോക്ടറേറ്റ് നല്‍കി ആദരിച്ചു. ഖുര്‍ആന്‍ വിജ്ഞാനീയങ്ങള്‍ക്ക് രാജാവ് നല്‍കിയ സംഭാവനകളെ പരിഗണിച്ചാണ് ഡോക്ടറേറ്റ് സമര്‍പ്പിക്കുന്നതെന്ന് സര്‍വകലാശാല ഡയറക്ടര്‍ ഡോ. സുലൈമാന്‍ ബിന്‍ അബ്ദുല്ല അബല്‍ഖൈല്‍ പറഞ്ഞു. ജിദ്ദയിലെ അസ്സലാം കൊട്ടാരത്തിെലത്തിയാണ് ഡോക്ടറേറ്റ് രാജാവിന് സമ്മാനിച്ചത്. മുന്‍ ധനകാര്യ മന്ത്രിയും പാര്‍ലമെൻറ് അംഗവുമായ ഡോ. ഇബ്രാഹീം അല്‍അസ്സാഫ്, വിദേശകാര്യ സഹമന്ത്രി നിസാര്‍ ഉബൈദ് മദനി, വിദ്യാഭ്യാസ സഹമന്ത്രി ഡോ. അബ്ദുറഹ്മാന്‍ അല്‍ആസിമി തുടങ്ങിയവര്‍ ചടങ്ങില്‍ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.