യാംബു: സൗദി ദേശിയ ദിനാഘോഷത്തിന്‍റെ ഭാഗമായി യാംബു കെ.എം.സി.സി സെൻട്രൽ കമ്മിറ്റി 'സ്പോർട്സ് ഫെസ്റ്റിവൽ സീസൺ മൂന്ന്' എന്ന ശീർഷകത്തിൽ വൈവിധ്യമാർന്ന പരിപാടികൾ സംഘടിപ്പിക്കുന്നു. സെപ്റ്റംബർ 22ന് ഞായറാഴ്ച വൈകീട്ട് ആറ് മുതൽ യാംബു റദ് വ ഫ്ലഡ്‍ലിറ്റ് സ്റ്റേഡിയത്തിലാണ് പരിപാടി നടക്കുകയെന്ന് സംഘാടകർ അറിയിച്ചു.
മാർച്ച് പാസ്റ്റ്, ഫുട്ബാൾ, ഷൂട്ട് ഔട്ട്, വടംവലി മത്സരങ്ങൾ, കുട്ടികൾക്കും മുതിർന്നവർക്കുമുള്ള വിവിധ കായിക ഇനങ്ങൾ, മലബാർ മൊഞ്ചത്തീസ് അവതരിപ്പിക്കുന്ന ഒപ്പന, സ്കൂൾ കുട്ടികൾ അവതരിപ്പിക്കുന്ന കലാപരിപാടികൾ, പാട്ടുകൂട്ടം തുടങ്ങിയ പരിപാടികൾ ഉണ്ടായിരിക്കുമെന്ന് സംഘാടക സമിതി ചെയർമാൻ മാമുക്കോയ ഒറ്റപ്പാലം, വിവിധ വകുപ്പുകളുടെ കൺവീനർമാരായ ഷമീർ ബാബു കാരക്കുന്ന്, യാസിർ കൊന്നോല എന്നിവർ വാർത്തക്കുറിപ്പിൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.