പ്രവാസി വെൽഫെയർ മദീന മേഖല കമ്മിറ്റി സംഘടിപ്പിച്ച ലോഗോ പ്രകാശന, അംഗത്വ കാമ്പയിൻ ഉദ്‌ഘാടന പരിപാടി
മദീന: പ്രവാസി വെൽഫെയർ മദീന മേഖല കമ്മിറ്റി പുതിയ ലോഗോ പ്രകാശനവും അംഗത്വ കാമ്പയിൻ ഉദ്‌ഘാടനവും സംഘടിപ്പിച്ചു. എട്ടു വർഷമായി സൗദിയിൽ 'പ്രവാസി സാംസ്‌കാരിക വേദി'എന്ന പേരിൽ പ്രവർത്തിക്കുന്ന സംഘടന 'പ്രവാസി വെൽഫെയർ സൗദി അറേബ്യ'എന്നായി മാറിയതിന്റെ മദീന മേഖല പ്രഖ്യാപനവും ലോഗോ പ്രകാശനവും യു. റഷീദ് വളാഞ്ചേരി നിർവഹിച്ചു.
സാമൂഹിക, സാംസ്‌കാരിക സേവനരംഗങ്ങളിൽ കൂടുതൽ സജീവ സാന്നിധ്യം ഉണ്ടാക്കുവാനും അതുവഴി സാമൂഹിക ഇടപെടലുകൾ നടത്തി ജനങ്ങളിലേക്കിറങ്ങാനും പുതിയ ലോഗോ പ്രചോദനം നൽകേണ്ടതാണെന്ന് അദ്ദേഹം പറഞ്ഞു.
സി.കെ. അബ്ദുന്നാസറിന് സംഘടനയുടെ അംഗത്വം നൽകി അംഗത്വ കാമ്പയിൻ കുവൈത്ത് പ്രവാസി വെൽഫെയർ കേന്ദ്ര വൈസ് പ്രസിഡന്റ് ഖലീലുറഹ്‌മാൻ നിർവഹിച്ചു. പ്രവാസലോകത്ത് ജനസേവന രംഗത്തെ പുതിയ സാധ്യതകൾ കണ്ടെത്തി കർമരംഗത്തിറങ്ങാനും അതുവഴി സമൂഹത്തിൽ വമ്പിച്ച മാറ്റമുണ്ടാക്കാനും യോജിച്ച പ്രവർത്തനങ്ങൾ നടക്കേണ്ടതുണ്ടെന്ന് അദ്ദേഹം അഭിപ്രായപ്പെട്ടു. പ്രവാസി വെൽഫെയർ മദീന മേഖല പ്രസിഡന്റ് അഷ്‌ക്കർ കുരിക്കൾ അധ്യക്ഷത വഹിച്ചു.
ഗായിക തൻസീമ മൂസ പ്രവാസി വെൽഫെയറിന്റെ ഗാനമാലപിച്ചു. മേഖല ജനറൽ സെക്രട്ടറി അബ്ദുൽ കരീം സ്വാഗതവും നിസാർ കൊടിയത്തൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.