ജിദ്ദയിൽ മമ്മൂട്ടി ഫാൻസ് അസോസിയേഷൻ ഭീഷ്മ പർവം സിനിമ റിലീസിങ് ആഘോഷ വേളയിൽ
ജിദ്ദ: മമ്മൂട്ടിയെ നായകനാക്കി അമൽ നീരദ് അണിയിച്ചൊരുക്കിയ ആക്ഷൻ എന്റർടെയിൻമെന്റ് സിനിമ 'ഭീഷ്മ പർവ'ത്തിന് സൗദിയിലും വൻ വരവേൽപ്. ജിദ്ദയിൽ മമ്മൂട്ടി ഫാൻസ് അസോസിയേഷൻ ഫാൻസ് ഷോ സംഘടിപ്പിച്ചു. ജിദ്ദ ജാമിഅ പ്ലാസയിലെ സിനി പൊളിസ് തിയറ്ററിൽ വെള്ളിയാഴ്ച പുലർച്ചെ ഒന്നരക്ക് രണ്ട് സ്ക്രീനുകളിലായാണ് ഫാൻസ് ഷോ സംഘടിപ്പിച്ചത്.
ഫാൻസ് ഷോക്ക് എത്തിയവരെ തിയറ്റർ മാനേജ്‌മെന്റ് ചോക്ലറ്റുകളും ലഘുപാനീയങ്ങളും നൽകി സ്വീകരിച്ചു. ആദ്യമായാണ് സൗദിയിൽ നോൺ ഷെഡ്യൂൾ സമയത്ത് ഫാൻസ് ഷോ ഒരേ സമയം രണ്ട് സ്‌ക്രീനിൽ പ്രദർശിപ്പിക്കുന്നത്. ഷോ ആരംഭിച്ച് മമ്മൂട്ടിയുടെ മാസ് എൻട്രിയോടു കൂടി ആരാധകർ തിയറ്ററിനകത്ത് ആവേശ പ്രകടനങ്ങൾ നടത്തി. ഷോക്ക് ശേഷം ഫാൻസ് അസോസിയേഷൻ അംഗങ്ങൾ കേക്ക് മുറിച്ച് 'ഭീഷ്മ പർവ'ത്തിന്റെ റിലീസിങ് ആഘോഷമാക്കി.
ജിദ്ദ സിനി പൊളിസിൽ നടന്ന വിവിധ പരിപാടികൾക്ക് അസോസിയേഷൻ പ്രസിഡന്റ് ഗഫൂർ ചാലിൽ, സെക്രട്ടറി സിനോഫർ, സെൻട്രൽ കമ്മിറ്റി അംഗം നുൻസാർ, എക്സി.അംഗങ്ങളായ മുഹമ്മദ്‌ നാഫി കല്ലടി, നൗഷാദ് എടരിക്കോട്, അൻവർ വല്ലാഞ്ചിറ എന്നിവർ നേതൃത്വം നൽകി. സൗദിയിൽ വോക്‌സ് സിനിമ, മൂവി, സിനി പൊളിസ്, എംപയർ, എ.എം.സി എന്നീ കമ്പനി തിയറ്ററുകളിലാണ് ഭീഷ്മ പർവം പ്രദർശിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.