ക​ണ്ണ​മം​ഗ​ലം മാ​സ് റി​ലീ​ഫ് സെ​ൽ ചി​കി​ത്സ സ​ഹാ​യം കൈ​മാ​റി

ജി​ദ്ദ: വൃ​ക്ക​രോ​ഗം ബാ​ധി​ച്ച് ഇ​രു വൃക്ക​ക​ളും പ്ര​വ​ർ​ത്ത​ന ര​ഹി​ത​മാ​യ​തി​നെ തു​ട​ർ​ന്ന് ആ​ഴ്ച​യി​ൽ മൂ​ന്ന് ത​വ​ണ ഡ​യാ​ലി​സി​സ് ചെ​യ്യു​ന്ന മു​ൻ പ്ര​വാ​സി ക​ണ്ണ​മം​ഗ​ലം പ​ഞ്ചാ​യ​ത്തി​ലെ ചേ​റൂ​ർ നി​വാ​സി​യാ​യ നി​ർ​ധ​ന കു​ടും​ബ​ത്തി​ലെ സ​ഹോ​ദ​ര​ന് ക​ണ്ണ​മം​ഗ​ലം മു​ഹ​മ്മ​ദ്‌ അ​ബ്ദു​റ​ഹ്മാ​ൻ സാ​ഹി​ബ്‌ സ്മാ​ര​ക റി​ലീ​ഫ് സെ​ൽ (മാ​സ് റി​ലീ​ഫ് സെ​ൽ) ന​ൽ​കു​ന്ന ചി​കി​ത്സാ സ​ഹാ​യം ഒ.​ഐ.​സി.​സി ജി​ദ്ദ റീ​ജി​യ​ന​ൽ ക​മ്മി​റ്റി പ്ര​സി​ഡ​ന്റ്‌ ഹ​കീം പാ​റ​ക്ക​ൽ മാ​സ് റി​ലീ​ഫ് സെ​ൽ ജ​ന​റ​ൽ ക​ൺ​വീ​ന​ർ മ​ജീ​ദ് ചേ​റൂ​റി​ന് കൈ​മാ​റി.

നി​ർ​ധ​ന​ർ​ക്കും നി​രാ​ലം​ബ​ർ​ക്കും താ​ങ്ങും ത​ണ​ലു​മാ​യി ഭ​വ​ന നി​ർ​മ്മാ​ണം, സ​മൂ​ഹ വി​വാ​ഹം, തൊ​ഴി​ൽ സ​ഹാ​യം, ചി​കി​ത്സാ സ​ഹാ​യ​മു​ൾ​പ്പെ​ടെ വി​വി​ധ​ങ്ങ​ളാ​യ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ കൊ​ണ്ട് ശ്ര​ദ്ധേ​യ​മാ​യ മാ​സി​ന്‍റെ പ്ര​വ​ർ​ത്ത​ന​ങ്ങ​ൾ ഏ​റെ മാ​തൃ​കാ​പ​ര​വും അ​ഭി​ന​ന്ദ​നീ​യ​വു​മാ​ണെ​ന്ന് ഹ​കീം പാ​റ​ക്ക​ൽ പ​റ​ഞ്ഞു. ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ ല​ക്ഷ്യ​മി​ട്ട് രൂ​പീ​ക​രി​ച്ച മാ​സ് ഹ്ര​സ്വ​മാ​യ കാ​ല​യ​ള​വി​നു​ള്ളി​ൽ സ​മാ​ന​ത​ക​ളി​ല്ലാ​ത്ത കാ​രു​ണ്യ​പ്ര​വ​ർ​ത്ത​ന​ങ്ങ​ളാ​ണ് ന​ട​ത്തി​യി​ട്ടു​ള്ള​തെ​ന്നും തു​ട​ർ​ന്നും മാ​സ് ഏ​റ്റെ​ടു​ക്കു​ന്ന സ​ദു​ധ‍്യമ​ങ്ങ​ൾ​ക്ക് പൂ​ർ​ണ പി​ന്തു​ണ ന​ൽ​കു​മെ​ന്നും അ​ദ്ദേ​ഹം പ​റ​ഞ്ഞു. ഒ.​ഐ.​സി.​സി ജി​ദ്ദ റീ​ജ‍്യ​യ​ന​ൽ ക​മ്മി​റ്റി ഭാ​ര​വാ​ഹി​ക​ളാ​യ അ​സ്ഹാ​ബ് വ​ർ​ക്ക​ല, ഷെ​രീ​ഫ് അ​റ​ക്ക​ൽ, സ​ഹീ​ർ മാ​ഞ്ഞാ​ലി, അ​ലി തേ​ക്കു​തോ​ട്, രാ​ധാ​കൃ​ഷ്ണ​ൻ കാ​വും​ബാ​യ്, ആ​സാ​ദ്‌ പോ​രൂ​ർ, മു​ജീ​ബ് തൃ​ത്താ​ല, ഷൗ​ക്ക​ത്ത് പ​ര​പ്പ​ന​ങ്ങാ​ടി, ജ​ലീ​ഷ് കാ​ളി​കാ​വ്, മ​ല​പ്പു​റം ജി​ല്ല പ്ര​സി​ഡ​ന്റ്‌ ഹു​സൈ​ൻ ചു​ള്ളി​യോ​ട്, ക​ണ്ണ​മം​ഗ​ലം പ​ഞ്ചാ​യ​ത്ത് പ്ര​സി​ഡ​ന്റ്‌ അ​ക്ബ​ർ വാ​ള​ക്കു​ട, ഇ​ല്യാ​സ് ക​ണ്ണ​മം​ഗ​ലം, കെ.​സി ഷ​രീ​ഫ് ഉ​ൾ​പ്പെ​ടെ ഒ.​ഐ.​സി.​സി നേ​താ​ക്ക​ൾ ച​ട​ങ്ങി​ൽ സം​ബ​ന്ധി​ച്ചു. വി​വാ​ഹം സ്വ​പ്ന​മാ​യി ക​ഴി​ഞ്ഞി​രു​ന്ന 19 പെ​ൺ​കു​ട്ടി​ക​ൾ​ക്ക് ദാ​മ്പ​ത്യ ജീ​വി​തം ന​ൽ​ക​ൽ, നി​ർ​ധ​ന​രാ​യ ര​ണ്ട് കു​ടും​ബ​ങ്ങ​ൾ​ക്ക് വീ​ട് നി​ർ​മി​ച്ചു ന​ൽ​ക​ൽ, നി​ര​വ​ധി രോ​ഗി​ക​ൾ​ക്ക് ചി​കി​ത്സ സ​ഹാ​യം ന​ൽ​ക​ൽ, അ​ബീ​ർ മെ​ഡി​ക്ക​ൽ ഗ്രൂ​പ്പു​മാ​യി സ​ഹ​ക​രി​ച്ച് മെ​ഡി​ക്ക​ൽ ക്യാ​മ്പ് ന​ട​ത്ത​ൽ, പ്ര​ള​യ ദു​രി​ത​ത്തി​ൽ ക​ഷ്ട​പ്പെ​ട്ട കു​ടും​ബ​ങ്ങ​ൾ​ക്ക് സാ​ന്ത്വ​നം ന​ൽ​ക​ൽ, കോ​വി​ഡ് രോ​ഗി​ക​ളു​ടെ കു​ടും​ബ​ങ്ങ​ളി​ൽ ഭ​ക്ഷ്യ​ക്കി​റ്റ് ന​ൽ​ക​ൽ, പ​ഠ​ന​ത്തി​ൽ മി​ടു​ക്ക​രാ​യ കു​ട്ടി​ക​ൾ​ക്ക് പ്രോ​ത്സാ​ഹ​നം ന​ൽ​ക​ൽ, കു​ളം ന​ന്നാ​ക്ക​ൽ, കാ​ട് വെ​ട്ടി ന​ന്നാ​ക്ക​ൽ തു​ട​ങ്ങി​യ വി​വി​ധ സേ​വ​ന പ്ര​വ​ർ​ത്ത​ന​ങ്ങ​ൾ ന​ട​ത്തു​വാ​ൻ മാ​സി​ന് ക​ഴി​ഞ്ഞ കാ​ല​ങ്ങ​ളി​ൽ സാ​ധി​ച്ചി​ട്ടു​ണ്ടെ​ന്നു ഭാ​ര​വാ​ഹി​ക​ൾ അ​റി​യി​ച്ചു.

വ​ർ​ഷ​ങ്ങ​ളാ​യി വാ​ട​ക വീ​ട്ടി​ൽ താ​മ​സി​ക്കു​ന്ന പാ​വ​പ്പെ​ട്ട മു​ൻ പ്ര​വാ​സി​യു​ടെ കു​ടും​ബ​ത്തി​ന് മാ​സ് നി​ർ​മി​ച്ചു ന​ൽ​കു​ന്ന മൂ​ന്നാ​മ​ത്തെ വീ​ടി​​ന്‍റെ (മാ​സ് ഭ​വ​നം-3) നി​ർ​മ്മാ​ണം അ​വ​സാ​ന ഘ​ട്ട​ത്തി​ലാ​ണെ​ന്നും മാ​സ് റി​ലീ​ഫ് സെ​ൽ ഭാ​ര​വാ​ഹി​ക​ളാ​യ മ​ജീ​ദ് ചേ​റൂ​ർ, അ​ക്ബ​ർ വാ​ള​ക്കു​ട, ഇ​ല്യാ​സ് ക​ണ്ണ​മം​ഗ​ലം, കെ.​സി ഷ​രീ​ഫ് എ​ന്നി​വ​ർ അ​റി​യി​ച്ചു.