മക്ക ഒ.ഐ.സി.സി കമ്മിറ്റിയുടെ നേതൃത്വത്തിൽ നടന്ന അംഗത്വ കാർഡ് വിതരണം ഷാജി ചുനക്കരക്ക് നൽകി വി.സി. കബീർ മാസ്റ്റർ ഉദ്ഘാടനം ചെയ്യുന്നു
മക്ക: മോദിയും പിണറായിയും ഒരു നാണയത്തിന്റെ ഇരുവശങ്ങളാണെന്ന് മുൻ മന്ത്രിയും ഗാന്ധി ദർശൻ സംസ്ഥാന സമിതി ചെയർമാനുമായ വി.സി. കബീർ മാസ്റ്റർ അഭിപ്രായപ്പെട്ടു. അതിന്റെ തെളിവുകളാണ് ഇപ്പോൾ ജനതാദൾ നേതാവിന്റെ നാവിൽനിന്ന് ലോകം അറിഞ്ഞതെന്നും അദ്ദേഹം കൂട്ടിച്ചേർത്തു. മക്ക ഒ.ഐ.സി.സി കമ്മിറ്റിയുടെ നേതൃത്വത്തിൽ നടന്ന അംഗത്വ കാർഡ് വിതരണം ഉദ്ഘാടനം ചെയ്യുകയായിരുന്നു അദ്ദേഹം. ഷാനിയാസ് കുന്നിക്കോട് അധ്യക്ഷത വഹിച്ചു. സൗദി നാഷനൽ കമ്മിറ്റി ട്രഷറർ റഹ്മാൻ മുനമ്പത്ത് മുഖ്യാതിഥിയായിരുന്നു.
അംഗത്വ കാർഡ് ജനറൽ സെക്രട്ടറി ഷാജി ചുനക്കരക്ക് നൽകി വി.സി. കബീർ മാസ്റ്റർ ഉദ്ഘാടനം ചെയ്തു. വനിത വിങ് കോഓഡിനേറ്റർ നിസാം നിസാമിന് റഹ്മാൻ മുനമ്പത്തും അംഗത്വ കാർഡ് നൽകി. സാക്കിർ കൊടുവള്ളി, ഹുസ്സൈൻ കല്ലറ, നിസാം കായംകുളം, നിസാർ നിലമേൽ, നൗഷാദ് എടക്കര, അബ്ദുൽ കരീം വരന്തരപ്പള്ളി, ഷംനാസ് അടിവാട്, അബ്ദുൽ സലാം അടിവാട്, നൗഫൽ കരുനാഗപ്പള്ളി, അൻവർ ഇടപ്പള്ളി, അനസ് തേവലക്കര, റഫീഖ് വരന്തരപ്പള്ളി, ഹസീന മുഹമ്മദ് ഷാ, ഷംല ഷംനാസ്, ജസീന അൻവർ, ജെസ്സി ഫിറോസ് എന്നിവർ സംസാരിച്ചു. ഷാജി ചുനക്കര സ്വാഗതവും മുഹമ്മദ് ഷാ പോരോഴി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.