?????? ????????? ?????? ???????? ????????? ??????? ??????????????????????

കർശന നിയന്ത്രണത്തിനിടയിലും  സ്വർണക്കടത്ത്; കാരിയർമാരിൽ മലയാളികളും

ദമ്മാം: കർശന നിയന്ത്രണത്തിനിടയിലും ദമ്മാം കിങ്​ ഫഹദ്​ വിമാനത്താവളം വഴി സ്വർണക്കടത്ത്​ സജീവമാകുന്നു. ഏതാനും മാസങ്ങൾക്കകം ദമ്മാം വിമാനത്താവളത്തിൽ നടന്ന വലിയ സ്വര്‍ണവേട്ടകളിൽ മൂ​ന്നിലേറെ​ ദക്ഷിണേന്ത്യക്കാരാണ്​ പിടിയിലായതെന്ന്​ ദമ്മാം ക്രിമിനൽ​ കോടതി പരിഭാഷകൻ മുഹമ്മദ്​ നജാത്തി വാർത്താ സമ്മേളനത്തിൽ പറഞ്ഞു. നിയമവിരുദ്ധമായ സ്വർണക്കടത്തിലും പണം കടത്തിലും പിടിയിലായത്​ മലയാളികളടക്കമുള്ള നിരവധി പേരാണ്​ അന്വേഷണം നേരിടുന്നത്​. മംഗലാപുരം, ബാംഗ്ലൂർ കേന്ദ്രീകരിച്ച്​ നടന്നിരുന്ന അനധിക​ൃത സ്വർണ, പണം കടത്തിൽ കരിയർമാരായി മലയാളികളും അകപ്പെട്ടതായാണ്​ വിവരം. യു.എ.ഇയിൽ നിന്ന്​ കുറഞ്ഞ നിരക്കിൽ വാങ്ങുന്ന സ്വർണം ദുബൈ^ ദമ്മാം വിമാനത്താവളം വഴി സൗദി വിപണിയിൽ കൂടിയ വിലക്ക്​ വിറ്റ്​ വൻ ലാഭം കൊയ്യുന്നതാണ്​ പ്രധാന രീതി. സൗദിയിലെ മാർക്കറ്റിൽ നിന്ന്​ ലഭിക്കുന്ന ഭീമമായ പണം ഇതുപോലെ ദുബൈയിലേക്കും തിരിച്ച്​കടത്തും. ഒറ്റത്തവണ നടത്തുന്ന ഇടപാടിൽ തന്നെ 25,000 റിയാലിലേറെ ലാഭം കൊയ്യാനാവും. ഇത്തരമൊരു കേസിലാണ്​ ബാംഗ്ലൂർ സ്വദേശിയെ ഒരുകിലോ സ്വർണവുമായി ദമ്മാമിൽ നിന്ന്​ പിടികൂടിയത്​. കസ്​റ്റംസ്​ ഉദ്യോഗസ്​ഥരുടെ വിശദമായ ചോദ്യം ചെയ്യലിലാണ്​ സ്വർണക്കടത്ത്​ റാക്കറ്റി​​െൻറ ചുരുളഴിഞ്ഞത്​. സ്വർണം ശരീരത്തി​​െൻറ രഹസ്യ ഭാഗങ്ങളിൽ ഒളിപ്പിച്ചാണ്​ കടത്തുന്നത്​. 
ദമ്മാമിൽ നിന്ന്​ ബാംഗ്ലൂർ, മംഗലാപുരം വിമാനത്താവളങ്ങളിലൂടെ സ്വർണവും പണവും അനധികൃതമായി ഇന്ത്യയിലേക്ക്​ കടത്തുന്നതാണ്​ മറ്റൊരു രീതി. ഇത്തരമൊരു ക​ൃത്യത്തിനിടെ രണ്ട്​ ലക്ഷത്തിലേറെ റിയാൽ കടത്തിയ കേസിൽ മംഗലാപുരം സ്വദേശി കഴിഞ്ഞ മാസം പിടിയിലായി​. തുടരന്വേഷണത്തിൽ​ കുറ്റം ശരി​െവച്ച ദമ്മാം ക്രിമിനൽ കോടതി ഒരു വർഷം ജയിലും രണ്ട്​ ലക്ഷം റിയാൽ പിഴയും​ വിധിച്ചു. കരിയർമാർ പലരും സന്ദർശക വിസയിലും ബിസിനസ്​ വിസയിലുമാണ്​ സൗദിയിലെത്തുന്നത്​. നിയമവിരുദ്ധ പ്രവർത്തനങ്ങളി​േ​ലർപ്പെടുന്നതി​നെക്കുറിച്ചും സൗദിയിലെ ശിക്ഷാരീതികളെക്കുറിച്ചും പലപ്പോഴും ഇവർ അജ്ഞരാ​ണെന്നതാണ്​ റാക്കറ്റിലകപ്പെടാൻ കാരണം. ഏറ്റവുമൊടുവിലെ മറ്റൊരു കേസിൽ കൊടുവള്ളി സ്വദേശിയെ ദമ്മാമിൽ നിന്ന്​ ദുബൈയിലേക്ക്​  13 ലക്ഷം റിയാൽ കടത്താൻ ശ്രമിച്ച കേസിലാണ്​ പിടിയിലാവുന്നത്​. ഇയാ​​ൾക്കെതിരെ രണ്ട്​  മില്യൺ റിയാൽ പിഴയും മൂന്ന്​ വർഷം ജയിൽ ശിക്ഷയുമാണ്​ വിധിച്ചത്​. 
Tags:    
News Summary - most of the carriers are keralites in gold smuggling in saudi-saudi arabia-gulfnews

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.