സൗദി ​പ്രവേശനത്തിന്​ പി.സി.ആർ സർട്ടിഫിക്കറ്റ്​ നിർബന്ധം

ജി​ദ്ദ: സൗ​ദി​യി​ലേ​ക്ക്​ വ​രു​ന്ന എ​ല്ലാ​വ​രും 48 മ​ണി​ക്കൂ​റി​നു​ള്ളി​ൽ എ​ടു​ത്ത അം​ഗീ​കൃ​ത പി.​സി.​ആ​ർ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റ്​ സ​മ​ർ​പ്പി​ക്ക​ണ​മെ​ന്ന്​ ആ​ഭ്യ​ന്ത​ര മ​ന്ത്രാ​ല​യം.

പൗ​ര​ന്മാ​ർ ഉ​ൾ​പ്പെ​ടെ എ​ല്ലാ​വ​ർ​ക്കും നി​ബ​ന്ധ​ന ബാ​ധ​ക​മാ​ണ്. എ​ട്ട്​ വ​യ​സ്സി​ന്​ താ​ഴെ​യു​ള്ള​വ​രെ ഈ ​നി​ബ​ന്ധ​ന​യി​ൽ​നി​ന്ന്​ ഒ​ഴി​വാ​ക്കി​യി​ട്ടു​ണ്ട്.

കൂ​ടാ​തെ രാ​ജ്യ​ത്തി​ന് പു​റ​ത്തു​പോ​കാ​ൻ ഉ​ദേ​ശി​ക്കു​ന്ന പൗ​ര​ന്മാ​ർ കോ​വി​ഡ്​ വാ​ക്​​സി​ൻ ര​ണ്ടാ​മ​ത്തെ ഡോ​സ് സ്വീ​ക​രി​ച്ച് മൂ​ന്ന് മാ​സം ക​ഴി​ഞ്ഞ​വ​രാ​ണെ​ങ്കി​ൽ ബൂ​സ്റ്റ​ർ ഡോ​സ് എ​ടു​ക്കേ​ണ്ട​തു​ണ്ട്. 16ന്​ ​താ​ഴെ പ്രാ​യ​മു​ള്ള​വ​ർ​ക്കും വാ​ക്​​സി​ൻ എ​ടു​ക്കു​ന്ന​തി​ൽ​നി​ന്ന്​ ഒ​ഴി​വാ​ക്കി​യ​വ​ർ​ക്കും ഇ​ത്​ ബാ​ധ​ക​മ​ല്ല. പു​തി​യ നി​ബ​ന്ധ​ന​ക​ൾ ഈ ​മാ​സം ഒ​മ്പ​ത്​ പു​ല​ർ​ച്ചെ മു​ത​ൽ പ്രാ​ബ​ല്യ​ത്തി​ലാ​കും.

എ​ല്ലാ​വ​രും മു​ൻ​ക​രു​ത​ൽ ന​ട​പ​ടി​ക​ളും പ്ര​തി​രോ​ധ ന​ട​പ​ടി​ക​ളും അം​ഗീ​കൃ​ത ആ​രോ​ഗ്യ പ്രോ​ട്ടോ​കോ​ളു​ക​ളും പാ​ലി​ക്ക​ണ​മെ​ന്ന്​ മ​ന്ത്രാ​ല​യം ആ​വ​ർ​ത്തി​ച്ച്​ ആ​വ​ശ്യ​പ്പെ​ട്ടു.

വാ​ക്സി​നേ​ഷ​ൻ മൂ​ന്ന്​ ഡോ​സു​മെ​ടു​ത്ത്​ പൂ​ർ​ത്തീ​ക​രി​ക്ക​ണ​മെ​ന്നും അ​ത്​ വേ​ഗ​ത്തി​ലാ​ക്ക​ണ​മെ​ന്നും ആ​ഭ്യ​ന്ത​ര മ​ന്ത്രാ​ല​യ വൃ​ത്ത​ങ്ങ​ൾ വ്യ​ക്ത​മാ​ക്കി.