റിയാദ്: സൗദി അറേബ്യയുടെ തലസ്ഥാനമായ റിയാദിലേക്ക് യമനിലെ ഹൂതി വിമതർ വീണ്ടും മിസൈൽ പ്രയോഗിച്ചു. ബുധനാഴ്ച രാവിലെ 11 മണിയോടെ രണ്ടുബാലിസ്റ്റിക് മിസൈലുകളാണ് റിയാദിലേക്ക് വന്നത്. സൗദിയുടെ പാട്രിയറ്റ് മിസൈൽ പ്രതിരോധ സംവിധാനം രണ്ടുമിസൈലുകളെയും വിജയകരമായി തകർത്തിട്ടു. കൂടുതൽ വിവരങ്ങൾ അറിവായിട്ടില്ല. കാര്യമായ നാശനഷ്ടങ്ങളില്ലെന്നാണ് സൂചന. ഇറാൻ സഹായത്തോടെയാണ് ഹൂതി വിമതർ സൗദി അറേബ്യക്ക് നേരെ ആക്രമണങ്ങൾ നടത്തുന്നത്. റിയാദിന് നേർക്ക് കഴിഞ്ഞ ആറുമാസത്തിനിടെ പലതവണ മിസൈലുകൾ വന്നിരുന്നു. എല്ലാം സൗദി മിസൈൽ പ്രതിരോധ സംവിധാനം തകർക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.