വിദേശികളെ സൗദി പൗരന്മാർക്ക്​ ഉംറക്ക്​ കൊണ്ടുവരാം

ജി​ദ്ദ: സൗ​ദി പൗ​ര​ന്മാ​ർ​ക്ക്​ 'വ്യ​ക്തി​ഗ​ത വി​സ'​യി​ലൂ​ടെ ത​ങ്ങ​ളു​ടെ സു​ഹൃ​ത്തു​ക്ക​ളെ ഉം​റ നി​ർ​വ​ഹി​ക്കാ​ൻ ക്ഷ​ണി​ക്കാ​നാ​കു​മെ​ന്ന്​ ഹ​ജ്ജ്​ ഉം​റ മ​ന്ത്രാ​ല​യം വ്യ​ക്ത​മാ​ക്കി. അ​ടു​ത്തി​ടെ അ​നു​വ​ദി​ച്ച 'വ്യ​ക്തി​ഗ​ത വി​സ'​യി​ലൂ​ടെ​യാ​ണ്​ ഇ​ത്​ സാ​ധി​ക്കു​ക. ലോ​ക​ത്തെ നാ​നാ​ഭാ​ഗ​ങ്ങ​ളി​ലു​മു​ള്ള ആ​ളു​ക​ൾ​ക്ക്​ മ​ക്ക​യും മ​ദീ​ന​യും സ​ന്ദ​ർ​ശി​ക്കാ​നും തീ​ർ​ഥാ​ട​ന സൗ​ക​ര്യം ഒ​രു​ക്കു​ക​യെ​ന്ന ല​ക്ഷ്യ​ത്തോ​ടെ​യു​മാ​ണി​ത്.

ഒ​രേ സ​മ​യം നി​ര​വ​ധി ആ​ളു​ക​ളെ കൊ​ണ്ടു​വ​രാ​ൻ ഒ​ന്നി​ല​ധി​കം അ​പേ​ക്ഷ​ക​ൾ സ​മ​ർ​പ്പി​ക്കാ​ൻ ക​ഴി​യു​മെ​ന്ന​തും ഈ ​വി​സ​യു​ടെ ​പ്ര​ത്യേ​ക​ത​യാ​ണ്. ഒ​രു ത​വ​ണ​യോ പ​ല ത​വ​ണ​യാ​യി​ട്ടോ രാ​ജ്യ​ത്തേ​ക്കു​ പ്ര​വേ​ശി​ക്കാം. 

വി​നോ​ദ​സ​ഞ്ചാ​ര​യാ​ത്ര​ക​ൾ ന​ട​ത്താം

ഉം​റ ക​ർ​മ​ങ്ങ​ൾ നി​ർ​വ​ഹി​ക്കാ​നും മ​സ്ജി​ദു​ന്ന​ബ​വി സ​ന്ദ​ർ​ശി​ക്കാ​നും മ​ത​പ​ര​മാ​യ സ്ഥ​ല​ങ്ങ​ൾ, ച​രി​ത്ര സ്മാ​ര​ക​ങ്ങ​ൾ, രാ​ജ്യ​ത്തി​​ന്റെ എ​ല്ലാ പ്ര​ദേ​ശ​ങ്ങ​ളി​ലേ​ക്കും ന​ഗ​ര​ങ്ങ​ളി​ലേ​ക്കും വി​നോ​ദ​സ​ഞ്ചാ​ര​യാ​ത്ര​ക​ൾ ന​ട​ത്താ​നും സാ​ധി​ക്കും. യാ​ത്ര​ക്കു​ള്ള 'വ്യ​ക്തി​ഗ​ത വി​സ'​യു​ടെ സാ​ധു​ത 90 ദി​വ​സം വ​രെ​യാ​ണ്. അ​ത്ര​യും ദി​വ​സം രാ​ജ്യ​ത്ത്​ ക​ഴി​യാം. മ​ൾ​ട്ടി എ​ൻ​ട്രി വി​സ​യു​ടെ സാ​ധു​ത 365 ദി​വ​സ​മാ​ണ്. ഒ​രു സ​മ​യം 90 ദി​വ​സ​മാ​ണ്​ രാ​ജ്യ​ത്ത്​ താ​മ​സി​ക്കാ​ൻ അ​നു​വ​ദി​ക്കു​ന്ന കാ​ല​യ​ള​വ്.

അ​ടു​ത്തി​ടെ​യാ​ണ്​ സൗ​ദി വി​ദേ​ശ​കാ​ര്യ മ​ന്ത്രാ​ല​യം വ്യ​ക്തി​ഗ​ത സ​ന്ദ​ർ​ശ​ന വി​സ നേ​ടു​ന്ന​തി​നു​ള്ള സം​വി​ധാ​നം പ്ര​ഖ്യാ​പി​ച്ച​ത്. വ്യ​ക്തി​ഗ​ത വി​സ​യി​ലൂ​ടെ സൗ​ദി പൗ​ര​ന്മാ​ർ​ക്ക്​ അ​വ​രു​ടെ സു​ഹൃ​ത്തു​ക്ക​ളെ​യോ പ​രി​ച​യ​ക്കാ​രെ​യോ രാ​ജ്യം സ​ന്ദ​ർ​ശി​ക്കാ​ൻ കൊ​ണ്ടു​വ​രാ​ൻ ക​ഴി​യു​മെ​ന്നും രാ​ജ്യ​ത്ത്​ എ​ല്ലാ ന​ഗ​ര​ങ്ങ​ൾ​ക്കു​മി​ട​യി​ൽ സ​ഞ്ച​രി​ക്കാ​നും മ​ക്ക​യും മ​ദീ​ന​യും മ​ത​പ​ര​വും ച​രി​ത്ര​പ​ര​വു​മാ​യ മ​റ്റു സ്ഥ​ല​ങ്ങ​ളും സ​ന്ദ​ർ​ശി​ക്കാ​നും സാം​സ്കാ​രി​ക പ​രി​പാ​ടി​ക​ളി​ൽ പ​ങ്കെ​ടു​ക്കാ​നും ക​ഴി​യു​ന്ന​താ​ണെ​ന്നും വ്യ​ക്ത​മാ​ക്കി​യി​രു​ന്നു. 'വി​സ' പ്ലാ​റ്റ്‌​ഫോ​മി​​ന്റെ വെ​ബ്‌​സൈ​റ്റി​ലാ​ണ്​ അ​പേ​ക്ഷ ന​ൽ​കേ​ണ്ട​തെ​ന്നും വി​ദേ​ശ​കാ​ര്യ മ​ന്ത്രാ​ല​യം വി​ശ​ദീ​ക​രി​ച്ചി​രു​ന്നു.