യു.എഫ്.സി അല്കോബാർ സംഘടിപ്പിക്കുന്ന ഫുട്ബാള്‍ മേളയെ കുറിച്ച് സംഘാടകര്
വാര്‍ത്താസമ്മേളനത്തില്‍ വിശദീകരിക്കുന്നു
ദമ്മാം: യുനൈറ്റഡ് എഫ്.സിയുടെ പതിനഞ്ചാം വാര്‍ഷികത്തിന്‍റെ ഭാഗമായി സംഘടിപ്പിക്കുന്ന ഗാലപ്പ് ചാമ്പ്യന്‍സ് കപ്പ് ഫുട്ബാള്‍ മേളയുടെ കിക്കോഫ് വ്യഴാഴ്ച രാത്രി പത്തിന് നടക്കും.
അല്ഖോബാര് റാക്കയിലെ ഖാദിസിയ ക്ലബ് സ്റ്റേഡിയത്തിലാണ് കളി. ഗോകുലം എഫ്.സിയുടെ മുന്‍താരവും ജംഷഡ്പുർ എഫ്.സിയുടെ പ്രതിരോധ നിരയിലെ കരുത്തനുമായ മുഹമ്മദ് ഉവൈസ് മോയിക്കല്‍ ഉദ്ഘാടനം നിര്‍വഹിക്കും.
സ്വദേശി വ്യവസായ പ്രമുഖന്‍ അബ്ദുല്ല മിസ്ഫര്‍ഫലാഹ് സുല്‍ത്താൻഅല്‍ഹാജ്രി, ഗാലപ്പ് സൗദി എം.ഡി ഹക്കീം തെക്കില്‍എന്നിവരും പങ്കെടുക്കും. മാന്‍ഓഫ് ദ മാച്ചായി തിരഞ്ഞെടുക്കപ്പെടുന്നവര്‍ക്ക് ട്രോഫിയും കാശ് അവാര്‍ഡും സമ്മാനിക്കും.
ദമാം ഇന്ത്യൻ ഫുട്ബാള്‍ അസോസിയേഷന്‍റെ (ഡിഫ) സഹകരണത്തോടെ സംഘടിപ്പിക്കുന്ന മേളയില്‍16 പ്രമുഖ ടീമുകളാണ്‌ മാറ്റുരക്കുന്നത്. ജൂൺ16നാണ് ഫൈനൽ. കിരീട ജേതാക്കള്‍ക്ക് ട്രോഫിയും പ്രൈസ് മണിയും സമ്മാനിക്കും.
വിടവാങ്ങിയ യു.എഫ്.സിയുടെ മുന്‍സാരഥി അഷ്റഫ് തലപ്പുഴയുടെ സ്മരണാർഥം ഫെയര്‍പ്ലെ ടീമിന്‌ ട്രോഫി സമ്മാനിക്കും.
പ്രവാസം കഴിഞ്ഞ് നാട്ടിലേക്ക് മടങ്ങുന്ന യു. എഫ്.സി ഉപദേശക സമിതിയംഗം റസാക് തെക്കേപ്പുറത്തിനുള്ള യാത്രയയപ്പ് പരിപാടി കളിയുടെ ആദ്യ ദിവസം സ്റ്റേഡിയത്തിൽ നടക്കും. ഗാലപ്പ് സൗദി എം.ഡി ഹകീം തെക്കില്‍, ഡിഫ പ്രസിഡന്‍റ് മുജീബ് കളത്തില്‍, യു.എഫ്.സി പ്രസിഡന്‍റ് ആശി നെല്ലിക്കുന്ന്, മറ്റു ഭാരവാഹികളായ ഇഖ്ബാല്‍ ആനമങ്ങാട്, ലെശിന്‍ മണ്ണാര്‍ക്കാട്, ഷബീര്‍ ആക്കോട് എന്നിവരും വാര്‍ത്താസമ്മേളനത്തില്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.