യാംബു ഇന്ത്യൻ ഫുട്ബാൾ അസോസിയേഷൻ സംഘടിപ്പിച്ച സ്നേഹാദരവും ഇശൽസന്ധ്യയും സലീം വേങ്ങര ഉദ്ഘാടനം ചെയ്യുന്നു
യാംബു : യാംബു ഇന്ത്യൻ ഫുട്ബാൾ അസോസിയേഷൻ (വൈ.ഐ.എഫ്.എ) സ്നേഹാദരവും ഇശൽ സന്ധ്യയും സംഘടിപ്പിച്ചു. 2024 ലെ ഡോ. എ.പി.ജെ. അബ്ദുൽ കലാം സ്റ്റഡി സെന്റർ എക്സലൻസ് അവാർഡ് ജേതാക്കളായ യാംബുവിലെ അറാട്കോ എം.ഡി. അബ്ദുൽ ഹമീദിനെയും റദ്വ ഗൾഫ് കമ്പനി എം.ഡി ബാബുക്കുട്ടൻ സി. പിള്ളയെയും ചടങ്ങിൽ ഉപഹാരം നൽകി ആദരിച്ചു. യാംബു കെ.എം.സി.സി ഓഡിറ്റോറിയത്തിൽ നടന്ന പരിപാടി യാംബു മലയാളി അസോസിയേഷൻ പ്രസിഡന്റ് സലിം വേങ്ങര ഉദ്ഘാടനം ചെയ്തു.
യാംബുവിലെ മലയാളി സമൂഹം കല, സാംസ്കാരിക, കായിക രംഗത്തും സാമൂഹിക, സന്നദ്ധ സേവന മേഖലകളിലും നൽകുന്ന മഹത്തായ സംഭാവനകൾ ഏറെ അഭിനന്ദനാർഹവും പരസ്പരമായുള്ള സഹവർത്തിത്വം മറ്റുള്ളവർക്കുകൂടി ഏറെ പ്രചോദനമാണെന്നും അദ്ദേഹം പറഞ്ഞു. വൈ.ഐ.എഫ്.എ പ്രസിഡന്റ ഷബീർ ഹസൻ അധ്യക്ഷത വഹിച്ചു. അസ്കർ വണ്ടൂർ, അനീസുദ്ദീൻ ചെറുകുളമ്പ്, ഷാനവാസ് വണ്ടൂർ, സിബിൾ ഡേവിഡ്, ശങ്കർ എളങ്കൂർ, നാസർ നടുവിൽ, യാസിർ കൊന്നോല എന്നിവർ സംസാരിച്ചു.
ഡോ. എ.പി.ജെ. അബ്ദുൽ കലാം സ്റ്റഡി സെന്റർ എക്സലൻസ് അവാർഡ് ജേതാക്കളായ അബ്ദുൽ ഹമീദിനെയും ബാബുക്കുട്ടൻ സി. പിള്ളയെയും യാംബു ഇന്ത്യൻ ഫുട്ബാൾ അസോസിയേഷൻ ഉപഹാരം നൽകി ആദരിച്ചപ്പോൾ
അബ്ദുൽ ഹമീദും ബാബുക്കുട്ടൻ സി. പിള്ളയും മറുപടി പ്രസംഗം നടത്തി. വൈ.ഐ.എഫ്.എ ജനറൽ സെക്രട്ടറി അബ്ദുൽ കരീം പുഴക്കാട്ടിരി സ്വാഗതവും ട്രഷറർ ഇബ്റാഹിം ചുങ്കത്തറ നന്ദിയും പറഞ്ഞു. ‘ഇശൽ സന്ധ്യ’പരിപാടിക്ക് ഷറഫ് കത്തിച്ചാൽ കണ്ണൂർ നേതൃത്വം നൽകി. അഷ്ക്കറലി ഒറ്റപ്പാലം, അബ്ദുന്നാസർ കുറകത്താണി, ഹരീഷ് മധു, സുധി പട്ടാമ്പി, മുസ്തഫ മഞ്ചേശ്വരം, ആരിഫ് ചാലിയം, മൻസൂർ കരുവന്തിരുത്തി, ആഷിക് തുറക്കൽ തുടങ്ങിയവർ ഗാനങ്ങൾ ആലപിച്ചു. വൈ.ഐ.എഫ്.എ എക്സിക്യൂട്ടിവ് അംഗങ്ങളും വിവിധ ക്ലബ് ഭാരവാഹികളും പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.