യാംബു: തനിമ ‘ഹജ്ജ് ഖാഫില’യിൽ ഹജ്ജ് നിർവഹിച്ചവർക്ക് സ്വീകരണവും തീർഥാടകർക്ക് സേവനം ചെയ്ത യാംബുവിലെ തനിമ ഹജ്ജ് വളൻറിയർമാരെ ആദരവും നൽകി.
ടൊയോട്ട തനിമ ഹാളിൽ നടന്ന പരിപാടിയിൽ തനിമ യാംബു, മദീന സോൺ ആക്ടിങ് പ്രസിഡൻറ് സലിം വേങ്ങര അധ്യക്ഷത വഹിച്ചു. ഹാജിമാർ അവരുടെ ഹജ്ജ് അനുഭവങ്ങളും വളൻറിയർമാർ ത്യാഗപൂർണമായ തീർഥാടക സേവന അനുഭവങ്ങളും യോഗത്തിൽ പങ്കുവെച്ചു.
സോണൽ സെക്രട്ടറി അബ്ബാസ് എടക്കര, ഇൽയാസ് വേങ്ങൂർ, തൗഫീഖ് മമ്പാട്, റിയാസ്, അസ്കർ, നജ്മുദ്ദീൻ, മുഹമ്മദ് കുഞ്ഞി എന്നിവർ സംസാരിച്ചു. തനിമ വെസ്റ്റേൺ പ്രോവിൻസ് സംഘടിപ്പിച്ച ഖുർആൻ വിജ്ഞാന പരീക്ഷയിൽ യാംബു മേഖലയിൽനിന്ന് ഉന്നതവിജയം കരസ്ഥമാക്കിയ ശരീഫ് മുക്കത്തിനുള്ള തനിമയുടെ ഉപഹാരം ചടങ്ങിൽ സലിം വേങ്ങര സമ്മാനിച്ചു.
തൗഫീഖ് മമ്പാട് ഖിറാഅത്ത് നടത്തി. ഷൗക്കത്ത് എടക്കര, മുനീർ കോഴിക്കോട്, ഫൈസൽ കോയമ്പത്തൂർ, നസീഫ് മാറഞ്ചേരി എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.