അല്‍ സില മറൈന്‍ ഫെസ്റ്റിവലിൽ പങ്കെടുക്കുന്ന പായക്കപ്പലുകൾ (ഫയൽ ചിത്രം)
അബൂദബി: നാലാമത് അല്‍ സില മറൈന്‍ ഫെസ്റ്റിവല്‍ അല്‍ദഫ്റ റീജനില്‍ ഡിസംബര്‍ നാലുമുതല്‍ എട്ടുവരെ നടക്കും. അബൂദബി ഹെറിറ്റേജ് അതോറിറ്റിയും അബൂദബി മറൈന്‍ സ്‌പോര്‍ട്‌സ് ക്ലബും ചേര്‍ന്നാണ് ഫെസ്റ്റിവല്‍ സംഘടിപ്പിക്കുന്നത്.
അഞ്ചുദിവസം നീളുന്ന ഫെസ്റ്റിവലില്‍ 43 അടി നീളമുള്ള പായ്ക്കപ്പല്‍ ഓട്ടമത്സരം, ബറകാ പരമ്പരാഗത സെയില്‍ബോട്ട് മത്സരം, അല്‍ സില ഷെറി ഫിഷിങ് മത്സരം, ഫാല്‍കണ്‍റി ചാമ്പ്യന്‍ഷിപ്, സൈക്കിളോട്ട മത്സരം, ഓട്ടമത്സരം, ബീച്ച് വോളിബാള്‍, ബീച്ച് ഫുട്‌ബാള്‍ തുടങ്ങി 57 തരം മത്സരങ്ങള്‍ നടക്കും. 40 ലക്ഷത്തിലേറെ ദിര്‍ഹമാണ് സമ്മാനത്തുക. ഫെസ്റ്റിവലിന്‍റെ ഭാഗമായി തദ്ദേശീയ ഉല്‍പന്നങ്ങളുടെയും പൈതൃക ഉല്‍പന്നങ്ങളുടെയും പരമ്പരാഗത ഭക്ഷ്യവിഭവങ്ങളുടെയും സ്റ്റാളുകളും ഉണ്ടാവുമെന്ന് അധികൃതര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.