അബൂദബി: കലാലയം സാംസ്‌കാരിക വേദി സംഘടിപ്പിച്ചുവരുന്ന പ്രവാസി സാഹിത്യോത്സവിന്റെ പതിനാലാമത് എഡിഷന്‍റെ ഭാഗമായി അബൂദബി സിറ്റി സോണ്‍ തല സ്റ്റേജ് മത്സരങ്ങള്‍ 27ന് അല്‍ വഹ്ദ ഫോക് ലോര്‍ തിയറ്ററില്‍ നടക്കും.
പ്രൈമറി തലം മുതല്‍ 30 വയസ്സ് വരെയുള്ള പ്രവാസികള്‍ക്കാണ് മത്സരത്തില്‍ പങ്കെടുക്കാന്‍ സാധിക്കുക. ഫാമിലി, യൂനിറ്റ്, സെക്ടര്‍ ഘടകങ്ങളിലായി നടന്ന മത്സരങ്ങളിലെ വിജയികളാണ് സോണ്‍ തലത്തില്‍ മത്സരിക്കുന്നത്.
വിവിധ വിഭാഗങ്ങളിലായി 99 ഇന മത്സരങ്ങളില്‍ നിന്നായി അറുനൂറോളം പ്രതിഭകള്‍ പങ്കെടുക്കും. പ്രബന്ധ രചന, പുഡ്ഡിങ് മേക്കിങ്, കളറിങ് തുടങ്ങി വിവിധ മത്സരങ്ങളും പൊതുജനങ്ങള്‍ക്കായി നടത്തും. സോണ്‍ തലത്തില്‍ വിജയിക്കുന്ന മത്സരാര്‍ഥികള്‍ക്ക് നവംബര്‍ 24ന് അബൂദബിയില്‍ തന്നെ നടക്കുന്ന യു.എ.ഇ. നാഷനല്‍ തല മത്സരങ്ങളില്‍ പങ്കെടുക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.