അജ്മാന്‍ പൊലീസ് ക്ലബ് ഫോർ സ്‌പോർട്‌സ് ആൻഡ് ഷൂട്ടിങ്ങിൽ എത്തിയ ടോമിന്‍ ജെ. തച്ചങ്കരിയെ അജ്മാൻ പൊലീസ്
കമാൻഡർ ഇൻ ചീഫ് ശൈഖ് ജനറൽ ശൈഖ് സുൽത്താൻ
അൽ നുഐമി സ്വീകരിക്കുന്നു
അജ്മാന്‍: കേരളത്തിൽ ഡി.ജി.പിയായി അടുത്തിടെ വിരമിച്ച ടോമിന്‍ ജെ. തച്ചങ്കരി അജ്മാന്‍ പൊലീസ് മേധാവിയെ സന്ദര്‍ശിച്ചു. യു.എ.ഇ സന്ദര്‍ശനത്തിനിടെ അജ്മാന്‍ പൊലീസ് ക്ലബ് ഫോർ സ്‌പോർട്‌സ് ആൻഡ് ഷൂട്ടിങ്ങിൽ എത്തിയ തച്ചങ്കരിയെ ബ്രിഗേഡിയർ ജനറൽ ഉബൈദ് അൽ മത്രൂഷിയുടെ സാന്നിധ്യത്തിൽ അജ്മാൻ പൊലീസ് കമാൻഡർ ഇൻ ചീഫ് ശൈഖ് ജനറൽ ഷെയ്ഖ് സുൽത്താൻ അൽ നുഐമി സ്വീകരിച്ചു. അജ്മാന്‍ പൊലീസ് മേധാവിയോടൊപ്പം ക്ലബിലെ ബൗളിങ് ഹാൾ, ബില്യാർഡ്‌സ്, സ്‌നൂക്കർ, വർക്ക്‌ഷോപ്പുകൾക്കും ഇവന്‍റുകൾക്കുമുള്ള ഹാളുകൾ എന്നിവയുടെ സൗകര്യങ്ങള്‍ തച്ചങ്കരി കണ്ട് വിലയിരുത്തി.
ക്ലബ് എല്ലാ പ്രായത്തിലുമുള്ള അംഗങ്ങൾക്ക് നൽകുന്ന കായിക-സാമൂഹിക സേവനങ്ങളെ കുറിച്ച് അദ്ദേഹം നേരിട്ട് മനസ്സിലാക്കി. തച്ചങ്കരിയോടുള്ള ബഹുമാനാര്‍ഥം ചടങ്ങിനോടനുബന്ധിച്ച് അദ്ദേഹത്തിന്‍റെ ചിത്രം ആലേഖനം ചെയ്ത കേക്ക് മുറിച്ചു. തച്ചങ്കരിയുടെ സന്ദര്‍ശനത്തെ മേജർ ജനറൽ ശൈഖ് സുൽത്താൻ ബിൻ അബ്ദുല്ല അൽ നുഐമി അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.