അക്യുഷ് അക്യുപങ്ചർ അക്കാദമി പൂർവ വിദ്യാർഥികൾ സംഘടിപ്പിച്ച പൂർവവിദ്യാർഥി സംഗമച്ചടങ്ങ്
ഷാർജ: യു.എ.ഇ അക്യുഷ് അക്യുപങ്ചർ അക്കാദമി പൂർവ വിദ്യാർഥികൾ സംഘടിപ്പിച്ച ആരോഗ്യ സെമിനാർ ഷാർജ ഇന്ത്യൻ അസോസിയേഷനിൽ നടന്നു. ഷാർജ ഇന്ത്യൻ അസോസിയേഷൻ പ്രസിഡന്റ് വൈ.എ. റഹീം ഉദ്ഘാടനം നിർവഹിച്ചു. ‘പ്രവാസ ജീവിതവും ആരോഗ്യവും’ എന്ന വിഷയത്തിൽ ഇന്ത്യൻ അക്യുപങ്ചർ പ്രാക്ടീഷ്നേഴ്സ് അസോസിയേഷൻ പ്രസിഡന്റ് ഷുഹൈബ് രിയാലു മുഖ്യപ്രഭാഷണം നടത്തി. ജീവിതശൈലിമൂലം പ്രവാസികൾ നേരിടുന്ന ആരോഗ്യ പ്രശ്നങ്ങളെപ്പറ്റി ക്ലാസും സംശയ നിവാരണവും നടന്നു. ഷുഹൈബ് രിയാലുവിനും വൈ.എ. റഹീമിനും ഉപഹാരം നൽകി ആദരിച്ചു.
യു.എ.ഇ അക്യുഷ്യൻസ് ഭാരവാഹികളായ അഹമ്മദ് മുഹ്സിൻ സ്വാഗതം പറഞ്ഞ ചടങ്ങിൽ അൻവർഷാ അധ്യക്ഷത വഹിച്ചു. സുറുമി ഷിഹാബ് ആശംസയും മുഹമ്മദ്‌ ഫാസിൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.