അബൂദബി: സാംസ്‌കാരിക വിനോദ വകുപ്പിന് കീഴിലുള്ള അബൂദബി അറബിക് ഭാഷാകേന്ദ്രം സംഘടിപ്പിക്കുന്ന 17ാമത് ശൈഖ് സായിദ് പുസ്തക പുരസ്‌കാരത്തിന് എന്‍ട്രികള്‍ ക്ഷണിച്ചു. ഒക്ടോബര്‍ ഒന്നാണ് അപേക്ഷ സമര്‍പ്പിക്കേണ്ട അവസാന തീയതി. ഒമ്പത് വിഭാഗങ്ങളിലായി മൂവായിരത്തിലേറെ അപേക്ഷകളാണ് കഴിഞ്ഞ തവണ ലഭിച്ചത്.
സാഹിത്യം, പരിഭാഷ, രാഷ്ട്രവികസനത്തിനുള്ള സംഭാവന, മറ്റു ഭാഷകളിലെ അറബ് സംസ്‌കാരം, ബാലസാഹിത്യം, സാഹിത്യ കലാവിമര്‍ശനം, യുവ എഴുത്തുകാരന്‍, ഈ വര്‍ഷത്തെ സാംസ്‌കാരിക വ്യക്തിത്വം തുടങ്ങിയ വിഭാഗങ്ങളിലാണ് അപേക്ഷകള്‍ സമര്‍പ്പിക്കേണ്ടത്.
രണ്ടുവര്‍ഷത്തിനിടെ പ്രസിദ്ധീകരിക്കപ്പെട്ടതും പ്രസിദ്ധമായ അന്താരാഷ്ട്ര പുരസ്‌കാരങ്ങളൊന്നും ലഭിക്കാത്തതുമായ കൃതികളാണ് സ്വീകരിക്കുക. എന്‍ട്രികള്‍ക്ക് www.zayedaward.ae വെബ്‌സൈറ്റ് സന്ദര്‍ശിക്കുകയോ info@zayedaward.ae ഇ-മെയിലിൽ അയക്കുകയോ ചെയ്യാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.