അരങ്ങ് സാംസ്‌കാരികവേദി ഓണാഘോഷം അബൂദബിയിൽ കോവളം എം.എൽ.എ എം. വിൻസന്‍റ് ഉദ്‌ഘാടനം ചെയ്യുന്നു
അബൂദബി: അരങ്ങ് സാംസ്‌കാരികവേദി ഓണാഘോഷം അബൂദബിയിലെ പ്രമുഖരുടെ സാന്നിധ്യത്തിൽ നടന്നു. പ്രസിഡന്‍റ് ദശപുത്രൻ അധ്യക്ഷതവഹിച്ചു. കോവളം എം.എൽ.എ എം. വിൻസന്‍റ് ഉദ്‌ഘാടനം ചെയ്തു. ചാലക്കുടി എം.എൽ.എ സനീഷ് കുമാറും പങ്കെടുത്തു. ഓണാഘോഷത്തിൽ വിവിധ കലാപരിപാടികൾ അരങ്ങേറി. മാവേലി എഴുന്നള്ളത്ത്, ഘോഷയാത്ര, ശിങ്കാരിമേളം തുടങ്ങിയവ ആഘോഷ പരിപാടികൾക്ക് മിഴിവേകി.
രണ്ടു മണിക്കൂറോളം നീണ്ട നാടൻപാട്ടിന്‍റെ അവതരണം ആസ്വാദക ഹൃദയങ്ങളെ കീഴടക്കി. രക്ഷാധികാരി എ.എം. അൻസാർ, അബൂദബി മലയാളി സമാജം കോഓഡിനേഷൻ കമ്മിറ്റി ചെയർമാൻ യേശുശീലൻ, ജനറൽ സെക്രട്ടറി അഭിലാഷ് പിള്ള, പ്രോഗ്രാം കൺവീനർ ചാറ്റർജി തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.