അനഡോലു ജെറ്റ് അധികൃതർക്ക് ഷാർജയിൽ സ്വീകരണം നൽകുന്നു
ഷാർജ: ടർക്കിഷ് എയർലൈൻസി‍െൻറ ബ്രാൻഡായ അനഡോലു ജെറ്റിന് ഷാർജയിൽ വരവേൽപ്. ഇസ്തംബൂൾ സബീഹ ഗോക്കൻ വിമാനത്താവളത്തിൽനിന്ന് ഷാർജയിലെത്തിയ വിമാനത്തിനാണ് സ്വീകരണം നൽകിയത്. ഷാർജ എയർപോർട്ട് അതോറിറ്റി ചെയർമാൻ അലി സലിം അൽ മിദ്ഫ, ഡയറക്ടർ ശൈഖ് ഫൈസൽ ബിൻ സൗദ് അൽ ഖാസിമി, ഷാർജ ടർക്കിഷ് എയർലൈൻസ് ജനറൽ മാനേജർ എംറെ ഇസ്മായിലോഗ്ലു എന്നിവരുടെ സാന്നിധ്യത്തിലായിരുന്നു സ്വീകരണം. തുർക്കി വിമാനക്കമ്പനി ഇസ്തംബൂളിനും ഷാർജക്കും ഇടയിൽ ആഴ്ചയിൽ നാലു വിമാനങ്ങൾ എന്ന നിരക്കിൽ സേവനം നടത്തും. ഷാർജ എയർപോർട്ടിൽനിന്ന് ഓരോ ആഴ്ചയും തിങ്കൾ, ചൊവ്വ, ബുധൻ, വ്യാഴം ദിവസങ്ങളിൽ യു.എ.ഇ സമയം പുലർച്ചെ 5.20ന് സബീഹ ഗോക്കൻ എയർപോർട്ടിലേക്കാണ് വിമാനങ്ങൾ പറക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.