ദേശീയ ഹാൻഡ്ബാൾ ചാമ്പ്യൻഷിപ്പിൽ മൂന്നാം സ്ഥാനം നേടിയ ഡി.പി.എസ് ടീം
അജ്‌മാൻ: സി.ബി.എസ്.ഇ അണ്ടർ 14 ദേശീയ ഹാൻഡ്ബാൾ ചാമ്പ്യൻഷിപ് 2024 - 25ല്‍ അജ്‌മാൻ ഡൽഹി പ്രൈവറ്റ് സ്കൂളിന് (ഡി.പി.എസ്) അഭിമാന നേട്ടം. ഒക്ടോബർ ഏഴു മുതൽ 11 വരെ യു.പിയിലെ ഗാസിയാബാദ് ഡോ. കെ.എൻ. മോദി ഗ്ലോബൽ സ്കൂളിൽ വെച്ച് നടന്ന വാശിയേറിയ മത്സരത്തിൽ യു.എ.ഇയെ പ്രതിനിധീകരിച്ച് പങ്കെടുത്ത ഡി.പി.എസ് ടീം മൂന്നാം സ്ഥാനം കരസ്ഥമാക്കി. യു.എ.ഇ ക്ലസ്റ്റർ സംസ്ഥാന തലത്തിൽ ഒന്നാം സ്ഥാനം നേടിയാണ് ടീം ദേശീയ മത്സരത്തിന് യോഗ്യത നേടിയത്.
പ്രിൻസിപ്പൽ ഡോ. വിശാൽ കാട്ടാരിയയും കോച്ചുമാരായ റാം ശങ്കർ ദേബും വിഷ്ണു വിജയനും നൽകിയ കായികവും മാനസികവുമായ പ്രചോദനമാണ് അഭിമാനകരമായ ഈ നേട്ടം കൈവരിക്കാൻ സഹായകമായതെന്ന് വിജയികളായ വിദ്യാര്‍ഥികള്‍ അഭിപ്രായപ്പെട്ടു.
മത്സര ശേഷം മടങ്ങിയെത്തിയ വിദ്യാർഥികളെ ഡയറക്ടർമാരായ സൽമാൻ ഇബ്രാഹിം, സുബൈർ ഇബ്രാഹിം, ബിലാൽ ഇബ്രാഹിം, ആസിഫ് മുഹമ്മദ്, പ്രിൻസിപ്പൽ വിശാൽ കാട്ടാരിയ, ഹെഡ്മിസ്ട്രസ് കദീജ തേക്കിൽ തുടങ്ങിയവർ ചേർന്ന് സ്വീകരണം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.