‘ദവ പദ്ധതിയുടെ നാലാം വർഷ പ്രഖ്യാപനം യു.എ.ഇ കെ.എം.സി.സി നാഷനൽ കമ്മിറ്റി ട്രഷറർ നിസാർ തളങ്കര നിർവഹിക്കുന്നു
ദുബൈ: ദുബൈ കെ.എം.സി.സി കാസർകോട് മുനിസിപ്പൽ കമ്മിറ്റിയുടെയും മുസ്ലിം ലീഗ് കാസർകോട് മുനിസിപ്പൽ കമ്മിറ്റിയുടേയും നേതൃത്വത്തിൽ കാസർകോട് മുനിസിപ്പൽ പരിധിയിൽ സാമ്പത്തികമായി പിന്നാക്കം നിൽക്കുന്നതും അവശത അനുഭവിക്കുന്നതുമായ നിത്യരോഗികൾക്ക് പ്രതിമാസം മരുന്നിനായി സാമ്പത്തികമായി സഹായം നൽകുന്ന 'ദവ' പദ്ധതി വഴി 10 ലക്ഷം രൂപയുടെ മരുന്നുകൾ വിതരണം ചെയ്തത് അഭിനന്ദനാർഹമാണെന്ന് യു.എ.ഇ കെ.എം.സി.സി നാഷനൽ കമ്മിറ്റി ട്രഷറർ നിസാർ തളങ്കര പറഞ്ഞു.
നാലാം വർഷത്തെ പ്രഖ്യാപനം നിർവഹിക്കുകയായിരുന്നു അദ്ദേഹം. നിത്യരോഗത്താൽ പ്രതീക്ഷയറ്റ് പോയവർക്ക് താങ്ങായി 2017ലാണ് പദ്ധതി ആവിഷ്കരിച്ചത്. പ്രസിഡൻറ് ഹാരിസ് ബ്രദേഴ്സ് അധ്യക്ഷത വഹിച്ചു. ജനറൽ സെക്രട്ടറി ഹസ്ക്കർ ചൂരി സ്വാഗതവും വൈസ് പ്രസിഡൻറ് സിനാൻ തോട്ടാൻ പ്രാർഥനയും ദവ കോഓഡിനേറ്റർ ശിഹാബ് നായന്മാറമൂല നന്ദിയും പറഞ്ഞു. ഭാരവാഹികളായ സർഫ്രാസ് റഹ്മാൻ, ഗഫൂർ ഊദ്, തൽഹത്ത് തളങ്കര, അൻവർ സാജിദ്, കാമിൽ ബാങ്കോട്, റൗഫ് മീലാദ്, സമീൽ കോർക്കോഡ്, സുഹൈർ യഹ്യ, ആഷിക്ക് പള്ളം എന്നിവർ ഓൺലൈൻ വഴി പ്രഖ്യാപന ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.