ഷാർജ: ‘തിരുനബി ജീവിതം, ദർശനം’ എന്ന പ്രമേയത്തിൽ ഐ.സി.എഫ് നടത്തുന്ന മീലാദ് കാമ്പയിനിന്റെ ഭാഗമായി ഷാർജ സെൻട്രൽ ഗ്രാൻഡ് മീലാദ് സമ്മേളനം വെള്ളിയാഴ്ച രാത്രി ഏഴ് മണി മുതൽ മുബാറക് സെന്റർ ഏഷ്യൻ പാലസ് ഓഡിറ്റോറിയത്തിൽ നടക്കും.
പ്രകീർത്തന സദസ്സിനും മൗലീദ് പാരായണത്തിനും ഉമറുൽ ഫാറൂഖ് ശ്രീകണ്ഠാപുരം നേതൃത്വം നൽകും. നൗഫൽ സഖാഫി മുഖ്യ പ്രഭാഷണം നടത്തുന്ന പരിപാടിയിൽ ബദ്‌റുദ്ദീൻ സഖാഫി അധ്യക്ഷത വഹിക്കും. ഐ.സി.എഫ് നാഷനൽ പ്രതിനിധി കബീർ മാസ്റ്റർ ഉദ്ഘാടനം നിർവഹിക്കും.
രിസാല സ്റ്റഡി സർക്കിൾ ഷാർജ സോൺ ചെയർമാൻ സയ്യിദ് മുഹമ്മദ് ശിഹാബ്, കെ.സി.എഫ് പ്രതിനിധി എന്നിവർ ആശംസകൾ അറിയിക്കും. കാമ്പയിന്റെ ഭാഗമായി സെക്ടറുകളിൽ നടക്കുന്ന മീലാദ് സമ്മേളന പോസ്റ്റർ നഗരിയിൽ വെച്ച് പ്രകാശനം നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.